याकूब 4:4 - बुक्सा

⁴ बैबिचार कन्‍नै बारौ का तुम जौ ना जानौ हौ, कै दुनिया सै दोस्ती कन्‍नी परमेसर सै दुसमनी कन्‍नै के बराबर है? इसताँई जो कोई दुनिया सै दोस्ती कन्‍नो चाँहै है बौ परमेसर को दुसमन बन जावै है।

याकूब 4:4 Mawu Ofanana

मत्‍ती 12:39

ईसु नै उनकै जबाब दओ, “इस पीड़ी के बुरे और बैबिचारी लोग चिन्‍न माँगैं हैं, पर नबी योना के चिन्‍न कै छोड़कै उनकै और कोई चिन्‍न ना दओ जागो।

मत्‍ती 16:4

बैबिचारी और परमेसर कै ना माननै बारी पीड़ी एक निसानी माँगै है, पर नबी योना की निसानी के अलाबा कोई और निसानी उनकै ना देई जागी।” फिर ईसु उनकै छोड़कै चलो गओ।

मत्‍ती 6:24

“कोई बी एक संग दो मालिकौं की सेवा ना कर सकै है, बौ या तौ एक सै बैर और दूसरे सै पियार करैगो, या एक को आदर और दूसरे की बेजती करैगो, तुम परमेसर और धन दौनौ की सेवा एक संग ना कर सकौ हौ।

लूका 19:27

पर मेरे बे दुसमन जो ना चाँहै हैं कै मैं उनके ऊपर राज करौं, उनकै हिंया मेरे सामने लाऔ और मार डारौ।’”

यहून्‍ना 15:19

अगर तुम दुनिया के होते, तौ तुमकै दुनिया अपनौ के जैसे पियार करती, पर इसताँई कै तुम दुनिया के ना हौ और मैंनै तुमकै दुनिया मै सै चुनकै लिकार लओ है इसताँई दुनिया तुमसै नफरत करै है।

यहून्‍ना 17:14

मैंनै उनकै तेरो बचन दओ है, और दुनिया नै उनसै नफरत करी है, कैसेकै जैसे मैं दुनिया को ना हौं, बैसे बे बी दुनिया के ना हैं।

यहून्‍ना 7:7

दुनिया तुमसै दुसमनी ना कर सकै है पर मैंसै करै है, कैसेकै मैं जा बात की गभाई देवौ हौं, कै उनके काम बुरे हैं।

रोमियो 5:10

कैसेकै जब हम परमेसर के दुसमन हे, तौ उसनै अपने लौंड़ा की मौत के दुआरा हमरो मेल अपने संग कराओ है, और अब मेल हो चुको है तौ हम मसी जिन्‍दगी दुआरा मुक्‍ति काए ना पांगे?

रोमियो 8:7

मगर सरीर के ऊपर मन लगानो तौ परमेसर सै दुसमनी कन्‍नी है, कैसेकै जौ ना तौ परमेसर के नियम कै मानै है, और नाई मान सकै है।

1 कुरन्‍थियों 1:20

कहाँ है बुद्‍धि? कहाँ है सास्तरी और कहाँ है जा दुनिया के बैहसबाजी कन्‍नै बारे? कैसेकै परमेसर नै जा दुनिया की बुद्‍धि कै मूरख ठैरा दओ है।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

गलातिऔ 1:10

का मैं आदमी की ओर सै अपनी बड़ाई चाँहौ हौं या परमेसर की? का मैं आदमिऔ कै खुस कन्‍नै के ताँई लगो रैहबौं हौं? अगर मैं अब तक लोगौ कै खुस करतो रैहतो तौ मैं मसी को सेवक ना होतो।

याकूब 1:27

हमरे परम पिता परमेसर की नजरौ मै सुद्‍द और बिना दोस की भक्‍ति जौ है, कै मुसीबतौं मै पड़े अनाथौं और राँड़ौ की सायता करौ, और दुनिया के कलंक सै खुद कै बचाए रक्‍खौ।