याकूब 4:3 - बुक्सा

³ जब जो कुछ तुम माँगौ हौ, तौ बाकै बुरी इच्‍छा सै माँगौ हौ। कैसेकै तुम बाकै अपनी बुरी इच्‍छाऔं कै पूरो कन्‍नै के ताँई माँगौ हौ इसताँई तुमकै ना मिलै है।

याकूब 4:3 Mawu Ofanana

मत्‍ती 20:22

ईसु नै जबाब दओ, “तुम ना जानौ हौ कै का माँग रए हौ? जो दुख को कटोरा मैं पीनै बारो हौं, का तुम पी सकौ हौ?” उनौनै उस्सै कैई, “हाँ, हम पी सकैं हैं!”

मरकुस 10:38

ईसु नै उनसै कैई, “तुम ना जानौ हौ तुम का माँग रए हौ। जो परमेसर के घुस्सा के कटोरा कै मैं पीनै कै हौं, का तुम उसकै पी सकौ हौ? या जो दुख को जल संस्कार मैं लैनै कै हौं, तुम उसकै ले सकौ हौ?”

लूका 11:10

कैसेकै जो कोई माँगै है, उसकै मिलै है; और जो कोई ढूंड़ै है, बौ पावै है; और जो खटखटावै है बाके ताँई किबाड़ खोली जावै है।

लूका 15:13

अबी कोई जादा टैम ना बीतो हो, कै छोटे लौंड़ा नै अपनी सैरी जायदात समैटी और किसी दूर मुलक कै चलो गओ और बहाँ कुकरम और गंदे कामौ मै अपनी सैरी जायदात बरबाद कर डारी।

लूका 15:30

पर जब तेरो जौ लौंड़ा, जिसनै तेरी सैरी जायदात रंडिऔ मै उड़ाकै आओ है, तौ तैनै उसके ताँई पलो भओ पसु कटबाओ।’

याकूब 4:1

तुमरे बीच मै लड़ाई और बैहसबाजी की बजै का है? कहीं जौ तुमरे भीतर की बुरी इच्‍छा की बजै सै तौ ना है?

1 यहून्‍ना 3:22

और हम उस्सै जो कुछ माँगै हैं, बौ हमकै देवै है, कैसेकै हम बाकी आगियाँऔ कै मानै हैं। और बौई करै हैं जो बाकै अच्‍छो लगै है।

1 यहून्‍ना 5:14

परमेसर के ऊपर हमरो जौ बिसवास है कै अगर हम बाकी मरजी के हिसाब सै कुछ बी माँगै हैं, तौ बौ हमरी सुनै है।