याकूब 2:6 - बुक्सा

⁶ पर तुमनै बा गरीब आदमी की बेजती करी है। का सेट आदमी तुमरे ऊपर जुलम ना करै है और का बे तुमकै अदालतौं मै ना ले जावै हैं?

याकूब 2:6 Mawu Ofanana

यहून्‍ना 8:49

ईसु नै जबाब देते भए कैई, “मैं मै दुसट आत्‍मा ना है, पर मैं अपने अब्बा की इज्‍जत करौ हौं, और तुम मेरी बेजती करौ हौ।

चेलौ के काम 13:50

और यहूदी नेता लोगौ नै सैहर के कुछ ईमानदार लोगौ कै और बड़ी अच्‍छी भक्‍ति कन्‍नै बारी बईयरौं कै भड़काओ और उन्‍नै पौलुस और बरनबास के संग बुरो करबाकै दबाब बनबाकै उनकै बा इलाके सै बाहार लिकरबा दओ।

चेलौ के काम 17:6

जब बे पौलुस और सीलास कै ना पकड़ सके तौ उन्‍नै यासोन और कुछ बिसवासी लोगौ कै सैहर के अधकारिऔं के सामने खैंच कै ले गए और कैललगे कै, “जे लोग जिनौनै सिगरी दुनिया मै लड़ाई और हल्‍ला मचार खाओ है, अब जे हिंया आए हैं।

चेलौ के काम 18:12

जब गललिओ अखाया को राजपाल हो तबई यहूदी लोग एक हो गए और पौलुस को बिरोद करो और बाकै पकड़कै कचैरी मै ले गए।

चेलौ के काम 8:3

साऊल बिसवासिऔ की मंडली के लोगौ कै मारल लगो और बौ घर घर जाकै आदमी और बईयरौं कै खचेड़ खचेड़ कै जेल मै डारल लगो।

1 कुरन्‍थियों 11:22

का तुमरे धौंरे खानै पीनै के ताँई घर ना है? और तुम परमेसर के बिसवासिऔ की मंडली कै नीचो दिखाबौ हौ, और जिनके धौंरे खानै के ताँई कुछ बी ना है उनकै तुम सरम महसूस करबाबौ हौ? अब मैं तुमसै का कैंऔ? का मैं तुमरी बड़ाई बतकाऔं? इन बातौं मै मैं तुमरी बड़ाई ना करंगो।

याकूब 2:3

तौ तू भारचे लत्‍ता बारे आदमी को मौह देखकै कैए कै तू हिंया अच्‍छी जघै बैठ; और बा मैले लत्‍ता बारे गरीब आदमी सै कैए कै तू बहाँ खड़ो रैह, या मेरे पाँऐ के धौंरे बैठ।

याकूब 5:4

देखौ, जिन मजदूरौ नै तुमरे खेतौ की फसल काटी और तुमनै उनकी डिहाड़ी धोको देकै रख लई है, बे चिल्‍लाकै रो रए हैं और उनकी चीख पुकार सरब सकतिमान परभु के कानौ तक जा रई है।

याकूब 5:6

तुमनै धरमी आदमी कै दोसी ठैराकै मार डारो; पर बानै तुमरे खिलाप कुछ काम ना करो।