“हे मेरे पियारे भईयौ और बहनौ, पबित्तर सास्तर की बौ भबिसबानी पूरी होनी जरूरी ही, जो पबित्तर आत्मा के दुआरा दाऊद के मौह सै यहूदा के बारे मै पैलेई सै कैई गई ही कै, यहूदा ईसु कै पकड़बानै बारौ मैसै सबई सै अग्गे हो।
परमेसर नै अपने लोगौ कै ना छोड़ो, जिनकै बानै पैलेई सै चुनो हो। और का तुम ना जानौ हौ, कै पबित्तर सास्तर एलिया के बारे मै का कैबै है, कै एलिया ईसराइल के खिलाप परमेसर सै पिराथना कर रओ हो।
कैसेकै पबित्तर सास्तर मै परमेसर नै फिरौन सै जौ कैओ हो कै, “मैंनै तेकै इसताँई खड़ो करो हो कै मैं अपनी सकति तेरे ऊपर दिखा सकौं, और मेरो नाम सिगरी धरती मै फैल जाऐ।”
पर पबित्तर सास्तर जौ कैबै है कै जौ सिगरी दुनिया पाप की गुलाम है। जिस्सै कै जो बरदान को बादो ईसु मसी मै बिसवास कन्नै के दुआरा दओ जावै है, बौ बिसवास कन्नै बारौ कै मिलै।
सिगरो पबित्तर सास्तर परमेसर की सायता सै लिखो गओ है। जौ बचन लोगौ कै सच्चाई के बारे मै सिकानै के ताँई, समजानै के ताँई, सुदारनै के ताँई, और धारमिकता की बातौं कै सिकानै के ताँई फाएदे बारो है।
इसताँई पबित्तर सास्तर मै जौ लिखो है, “मैं सिओन मै एक चुनो भओ कीमती कौने को पत्थर रक्खौ हौं और जो कोई बामै बिसवास रक्खै है, बाकी खोपड़ी कबी सरम सै नीची ना होगी।”