याकूब 2:21 - बुक्सा

²¹ जब हमरे अब्बा इब्राहिम नै अपने लौंड़ा इसहाक कै बलि कन्‍नै के ताँई बेदी के ऊपर चढ़ाओ, तौ का बौ अपने करमौ सै धरमी ना ठैरो?

याकूब 2:21 Mawu Ofanana

मत्‍ती 12:37

कैसेकै तुम अपनी बातौं सैई निरदोस या दोसी ठैराए जाऔगे।”

मत्‍ती 3:9

और अपने अपने मन मै जौ ना सोचौ, कै हमरो अब्बा इब्राहिम है, कैसेकै मैं तुमसै कैरओ हौं, कै परमेसर इन पत्‍थरौं सै बी इब्राहिम के ताँई औलाद पैदा कर सकै है।

लूका 1:73

और बौ कसम जौ उसनै हमरे अब्बा इब्राहिम सै खाई ही।

लूका 16:24

और बौ चिल्‍लाकै बोलो, हे अब्बा इब्राहिम, मेरे ऊपर दया कर और लाजर कै भेज दे, कै बौ अपनी उँगरिया पानी मै भिजैकै लाऐ और मेरी जीब कै ठंडी करै, कैसेकै मैं इस आग मै तड़प रओ हौं।

लूका 16:30

सेट नै कैई; ना, हे अब्बा इब्राहिम; पर अगर कोई मरे भएऔं मै सै उनके धौंरे जाय, तौ बे अपने पापौं सै मन फिरांगे।’

यहून्‍ना 8:39

उनौनै जबाब देते भए ईसु सै कैई, “हमरो. अब्बा तौ इब्राहिम है।” ईसु नै उनसै कैई, “अगर तुम इब्राहिम की औलाद होते तौ इब्राहिम के जैसे काम करते।

यहून्‍ना 8:53

हमकै पतो है कै तू हमरे अब्बा इब्राहिम सै बड़ो ना है जो मर गओ और नबी बी मर गए, तू खुद कै का समजै है?”

चेलौ के काम 7:2

सितेफनुस नै जबाब दओ, “हे भईयौ, और बुजरगौं मेरी बात सुनौ। हमरो अब्बा इब्राहिम हारान देस मै बसनै सै पैले जब मेसोपोटामिया जघै मै रैहबै हो तौ सकतिसाली परमेसर नै बाकै दरसन दओ,

रोमियो 3:20

कैसेकै नियम के कामौ सै कोई आदमी परमेसर के सामने धरमी ना ठैरैगो, पर नियम सै पाप की पैचान होवै है।

रोमियो 4:1

तौ अब हम का कैंऐ जो हमरे खानदान को पैलो बुजरग इब्राहिम हो उसकै का मिलो?

रोमियो 4:12

और बौ उनको बी अब्बा है जिनको खतना भओ है, और जो हमरे अब्बा इब्राहिम के उस बिसवास के रस्ता मै चलैं हैं, जो उनकै खतना सै पैले दिखाओ हो।

रोमियो 4:16

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

इबरानिओ 11:17

बिसवास की बजै सैई जब परमेसर इब्राहिम कै परख रओ हो तौ बानै अपने लौंड़ा इसहाक कै बलि चढ़ानै के ताँई दे दओ और जिस इब्राहिम नै बादेऔ कै पाओ हो बौई अपने एकई लौंड़ा की बलि चढ़ानै के ताँई तईयार हो।

याकूब 2:18

पर कोई कैह सकै है कै, “तेरे धौंरे बिसवास है, तौ मेरे धौंरे करम है। अब तू बिना करम के अपनो बिसवास दिखा और मैं तेकै अपनो बिसवास करमौ के दुआरा दिखांगो।”

याकूब 2:24

इसताँई तुमनै देख लओ कै आदमी सिरप बिसवास सैई ना, पर करमौ सै धरमी बनै है।