याकूब 2:19 - बुक्सा

¹⁹ का तू बिसवास करै है कै परमेसर एकई है? तौ जौ अच्‍छी बात है; दुसट आत्‍मा बी जौ बिसवास करै हैं, और बे डर के मारे थरथराबै बी हैं।

याकूब 2:19 Mawu Ofanana

मत्‍ती 8:29

और देखौ, उनौनै चिल्‍लाकै कैई, “हे परमेसर के लौंड़ा, हमरो तेसै का काम? का तू हिंया बखत सै पैले हमकै सतानै आओ है?”

मरकुस 1:24

“हे ईसु, नासरी, हमकै तेसै का काम? तू का हमरो सरबनास कन्‍नै आओ है? मैं जानौ हौं तू कौन है, तू परमेसर को भेजो भओ पबित्‍तर आदमी है।”

मरकुस 12:29

ईसु नै उसकै जबाब दओ, “सबसै बड़ो हुकम जौ है कै, ‘ओ ईसराइल सुन, हमरो परभु परमेसर एकई है।’

मरकुस 5:7

ऊँची अबाज सै बोलो, हे ईसु, परमपरधान परमेसर के लौंड़ा, तेकै मैंसै का काम? मैं तेकै परमेसर की कसम देवौ हौं, कै तू मैंकै ना सता।

मरकुस 7:9

ईसु नै उनसै कैई, “तुम लोग अपने रीति-रिबाजौ कै माननै के ताँई परमेसर के हुकम कै कैसे अच्‍छी तरै टाल देवौ हौ।

लूका 4:34

“हे ईसु नासरी तू हम सै का चाँहै है? का तू हमरो नास कन्‍नै आओ है? मैं जानौ हौं तू कौन है: तू परमेसर को पबित्‍तर आदमी है।”

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

चेलौ के काम 16:17

बौ पौलुस और हमरे पीछे-पीछे चिल्‍लाते भए जौ कैते आवै ही कै, “जे आदमी परम पिता परमेसर के सेवक हैं और जो हमकै मुक्‍ति पानै की रस्ता की कथा सुनावै हैं।”

चेलौ के काम 19:15

पर एक दुसट आत्‍मा नै कैई कै, “मैं ईसु कै जानौ हौं और पौलुस कै बी पैचानौ हौं पर तू कौन है?”

चेलौ के काम 24:25

जब पौलुस परमेसर की अच्‍छाई, सबर और परमेसर के आनै बारे नियाय की बात कर रओ हो तौ तबई फेलिक्‍स डर गओ और कैई कै, “अबी तू जा और बखत आनै मै मैं तेकै फिर बुलांगो।”

रोमियो 3:30

परमेसर एकई है। इसताँई जिनको खतना भओ है उनकै बिसवास के दुआराई धरमी ठैरागो, और जो गैर यहूदी हैं उनकै बी बिसवास के दुआराई धरमी ठैरागो।

1 कुरन्‍थियों 8:4

जब मूरतिऔं के सामने बलि करी भई चीजौ के खानै के बारे मै हम जानै हैं कै, “जा दुनिया मै मूरत कुछ बी चीज ना है, और हम जानै हैं कै एक कै छोड़कै और कोई दूसरो परमेसर ना है।”

1 कुरन्‍थियों 8:6

पर हमरे ताँई तौ एकई परमेसर है, मतलब बौ अब्बा जिसनै सिगरी चीज बनाई हैं, और हम उसई के ताँई हैं। एकई परभु है और बौ ईसु मसी है जिसके दुआरा सब चीज भंई और हम बी बाईके दुआरा हैं।

गलातिऔ 3:20

और बिचौंदिया की जरूरत तब है जब एक सै जादा पक्‍छ हौं, पर परमेसर तौ एकई है।

1 तीमुथियुस 2:5

कैसेकै परमेसर एकई है और परमेसर और आदमी के बीच मै एकई बिचौंदिया है, और बौ आदमी ईसु मसी है।

याकूब 2:8

जैसो पबित्‍तर सास्तर मै लिखो है कै, “अपने पड़ोसी सै बैसेई पियार करौ, जैसो तुम अपने आप सै करौ हौ।” और अगर तुम परमेसर के राज की जा आगियाँ कै पूरी करौ हौ, तौ तुम अच्‍छो करौ हौ।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

यहूदा 1:6

और जिन सुरगदूतौं नै अपनी रैहनै की जघै और पद कै छोड़ दओ हो उनकै परमेसर नै हमेसा के ताँई कुप्‍प इन्धेरे मै बांधकै नियाय के आखरी दिनौ मै सजा के ताँई रखर खाओ है।

परकासन 20:10

इसके बाद उस सैतान कै जो उनकै बैहकाबै है, धदकती गन्धक की झील मै फैंक दओ जागो। जहाँ बौ जनाबर और झूँटे नबी, दौनौई डारे गए हैं। हमेसा-हमेसा के ताँई उनकै रात-दिन तड़पाओ जागो।