याकूब 1:6 - बुक्सा

⁶ पर बौ बिसवास सै माँगै, और कुछ बी सक ना करै; कैसेकै जो सक करै है बौ समन्‍दर की लहरौं के हाँई है जो हवा सै उठै और इतै-उतै जावै है।

याकूब 1:6 Mawu Ofanana

मत्‍ती 14:28

पतरस नै जबाब दओ, “परभु अगर तूई है, तौ मैंकै अपने धौंरे पानी मै चलनै की आगियाँ दे।”

चेलौ के काम 10:20

इसताँई उठकै नीचे जा और बिना सोचे उनके संग चलो जा, कैसेकै उनकै मैंनैई भेजो है।”

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

1 तीमुथियुस 2:8

इसताँई मैं जौ चाँहौ हौं कै सबई जघै मै आदमी बिना घुस्सा के और बिना बैहैस बाजी के अपने सच्‍चे दिल सै हात ऊपर उठाकै पिराथना करैं।

इबरानिओ 10:23

हम बगैर सक के अपनी बा आस मै पक्‍के बने रैंह जिसकै हमनै मानो है, कैसेकै जिसनै हम सै बादो करो है बौ भरोसेमंद है।

इबरानिओ 11:6

बगैर बिसवास के परमेसर कै खुस कन्‍नो नामुमकिन है। कैसेकै जो परमेसर के धौंरे आवै है बाके ताँई जौ बिसवास कन्‍नो जरूरी है, कै परमेसर है और जो बाकै ढूंड़ै है उनकै बौ ईनाम देवै है।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

याकूब 1:7

ऐंसो आदमी जौ ना समजै, कै बाकै परभु की ओर सै कुछ मिलैगो।

याकूब 5:15

और बिसवास की पिराथना सै बेमार आदमी ठीक हो जागो और परभु बा बेमार कै उठाकै खड़ो करैगो। और अगर बानै पाप करे बी हौंगे तौ परभु उनकै बी माफ कर देगो।

2 पतरस 2:17

जे लोग सूके पानी के सोत और आँधी के उड़ाए भए धुन्द हैं; इनके ताँई बेसानी कुप्‍प इन्धेरो ठैराओ है।