याकूब 1:19 - बुक्सा

¹⁹ हे मेरे पियारे भईयौ, जौ बात कै तुम जानलो कै हर एक आदमी सुन्‍नै के ताँई तईयार रैह और बोलनै मै जल्दबाजी ना करै, और नाई जल्दी सै घुस्सा करै।

याकूब 1:19 Mawu Ofanana

मत्‍ती 5:22

पर मैं तुमसै जौ कैरओ हौं, कै जो कोई अपने भईया के ऊपर घुस्सा करैगो बौ कचैरी मै सजा को भागी होगो, और जो कोई अपने भईया कै निकम्मो कैगो, तौ बौ यहूदी महासभा मै सजा को भागी होगो, और जो कोई कैए, ‘अरे मूरख!’ बौ नरक की आग के सजा को भागी होगो।

मरकुस 12:37

दाऊद तौ खुदई उसकै परभु कैरओ है, तौ मसी उसको लौंड़ा कैसे हो सकै है?” एक बड़ी भीड़ खुसी के संग ईसु की बात सुन रई ही।

मरकुस 2:2

और भौत से आदमी घर मै इखट्‍टे हो गए, और मौहड़े के सामने तक की जघै बी ना बची। और ईसु उन लोगौ कै बचन सुना रओ हो।

लूका 15:1

सब तरै की लगान लैनै बारे और पापी उसके धौंरे आए करै हे जिस्सै ईसु की बात सुनै।

लूका 19:48

पर कोई उपाय ना लिकार सके कै जौ किस तरै करैं, कैसेकै सबई लोग ईसु की बात बड़ी लगन सै सुनै हे।

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 10:33

तबई मैंनै तुरन्‍त तेकै लैनै के ताँई अपने आदमी भेजे और तैनै बी अच्‍छो करो कै तू आ गओ। अब हम सिगरे जनी परमेसर के सामने हैं, और जो कुछ तेकै परभु नै कैई बौ हमकै सुना।”

चेलौ के काम 13:48

जौ बात सुनकै गैर यहूदी लोग खुस भए और परभु के बचन की बड़ाई करल लगे, पर जितनेऔ कै हमेसा की जिन्‍दगी के ताँई छाँटकै रखर खाओ हो उन्‍नै बिसवास करो।

चेलौ के काम 17:11

बिरिया सैहर के लोग थिसलुनीके के यहूदी लोगौ सै अच्‍छे हे और इनौनै बड़े धियान सै परमेसर को बचन सुनो और पौलुस नै जो बात कैंई हीं उनकै रोज पबित्‍तर सास्तर मै ढूंड़ते रैहए कै जे बात सच्‍ची हैं कै झूँटी हैं।

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

इफिसिऔ 4:26

घुस्सा तौ करौ पर पाप ना करौ और दिन छिपे सै पैले तुमरो घुस्सा खतम हो जानो चँईऐ।

इफिसिऔ 4:31

तुम अपने बीच मै हर तरै को जरन, घुस्सा, चीखनो चिल्‍लानो, लड़ाई झगड़ो, घुस्सा सै आपो खोनो और हर तरै की बुराई कै अपने भीतर सै लिकार फैंकौ।

कुलुसिऔं 3:15

मसी की सान्‍ति तुमरे दिल मै राज करै और जाई सान्‍ति के ताँई तुम लोगौ कै एक सरीर के अंग बनाकै बुलाओ गओ है, और तुम हमेसा धन्‍नबाद देते रौह।

कुलुसिऔं 3:8

पर अब तुम लोगौ कै घुस्सा, जरन, दुसमनी, बुराई कन्‍नी और गारी दैनो, इन सिगरी बातौं कै छोड़ दैनो चँईऐ।

1 थिसलुनीकियौ 2:13

इसताँई हम बी परमेसर कै हमेसा धन्‍नबाद देवै हैं। कैसेकै हमरे दुआरा परमेसर को बचन तुमरे धौंरे पौंचो, तौ तुमनै बाकै आदमिऔ को ना पर परमेसर को पबित्‍तर बचन समजकै बिसवास करो और जौ बचन तुम लोगौ के बीच मै काम करै है।

याकूब 1:16

हे मेरे पियारे भईयौ, धोको ना खाऔ।

याकूब 1:2

हे मेरे भईयौ, जब तुम तरै-तरै की मुसीबतौं मै पड़ौ तौ जाकै बड़ी खुसी की बात समजौ।

याकूब 1:26

अगर कोई आदमी खुद कै धरमी समजै है, पर अपनी जबान मै लगाम ना लगाबै है, तौ बौ खुद कै धोको देवै है और बाकी भक्‍ति बेकार है।

याकूब 2:1

हे मेरे भईयौ, तुम लोग महिमा बारे हमरे परभु ईसु मसी मै बिसवास करौ हौ इसताँई भेदभाब ना करौ।

याकूब 2:5

हे मेरे पियारे भईयौ सुनौ; का परमेसर नै जा दुनिया के गरीब लोगौ कै ना चुनो कै बे बिसवास मै पक्‍के और मसी के राज के अधकारी हौं, जिसको बादो बानै अपने पियार कन्‍नै बारौ से करो है?

याकूब 3:10

एकई मौह सै आसीस और सराप दौनौ लिकरै हैं। मेरे भईयौ, ऐंसो ना होनो चँईऐ।

याकूब 4:11

हे भईयौ, एक दूसरे की बदनामी ना करौ, जो अपने भईया की बदनामी करै है, या भईया के ऊपर दोस लगाबै है, तौ बौ परमेसर के नियम के खिलाप बोलै है। अगर तुम नियम मै दोस लगाबौ हौ, तौ तुम नियम मै चलनै बारे ना हौ पर बाके ऊपर दोस लगानै बारे हौ।

याकूब 5:12

हे मेरे भईयौ, सबसै बड़ी बात तौ जौ है कै कसम ना खाऔ; ना सुरग की, ना धरती की, और ना किसी और चीज की। पर तुमरी बात हाँ की हाँ, या ना की ना मै हो, कहीं ऐंसो ना होए कै तुमकै सजा मिलै।

याकूब 5:19

हे मेरे भईयौ, अगर तुम लोगौ मै सै कोई सच्‍चाई की रस्ता सै भटक जाय, और कोई दूसरो बाकै बापस लौहटार लाए।

1 यहून्‍ना 2:21

मैं तुम लोगौ कै इसताँई ना लिखौ हौं कै तुम सच्‍चाई ना जानौ हौ बलकन इसताँई कै तुम सच्‍चाई जानौ हौ कैसेकै कोई बी झूँट सच्‍चाई की ओर सै ना आवै है।