का तुम जौ ना जानौ हौ कै बुरे काम कन्नै बारे परमेसर के राज के बारिस ना हौंगे? धोको ना खाऔ: कुकरम कन्नै बारे, मूरती पूजा कन्नै बारे, बईयरौं के संग गलत काम कन्नै बारे, आदमी आदमी के संग गलत काम कन्नै बारे,
इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्ति कै पूरो करते जाऔ।
हे मेरे पियारे भईयौ, मेरी इच्छा है कै मैं तुमसै मिलौं कैसेकै तुम मेरी खुसी, और मेरी इज्जत हौ, और तुमकै जैसो मैंनै बताऔ है, परभु मै तुम बैसेई पक्के बने रौह।
चौकस रौह, कहीं ऐंसो ना होए कै तुमकै आदमी को गियान, झूँटी और बेकार की बातौं सै कोई अपने कबजा मै ना कर लै, जो आदमिऔ और दुनिया के बनाए भए रीती रिबाज के ऊपर टिके हैं, पर मसी की सिक्छा ऐंसी ना है।
हे मेरे पियारे भईयौ सुनौ; का परमेसर नै जा दुनिया के गरीब लोगौ कै ना चुनो कै बे बिसवास मै पक्के और मसी के राज के अधकारी हौं, जिसको बादो बानै अपने पियार कन्नै बारौ से करो है?
हे भईयौ, एक दूसरे की बदनामी ना करौ, जो अपने भईया की बदनामी करै है, या भईया के ऊपर दोस लगाबै है, तौ बौ परमेसर के नियम के खिलाप बोलै है। अगर तुम नियम मै दोस लगाबौ हौ, तौ तुम नियम मै चलनै बारे ना हौ पर बाके ऊपर दोस लगानै बारे हौ।
हे मेरे भईयौ, सबसै बड़ी बात तौ जौ है कै कसम ना खाऔ; ना सुरग की, ना धरती की, और ना किसी और चीज की। पर तुमरी बात हाँ की हाँ, या ना की ना मै हो, कहीं ऐंसो ना होए कै तुमकै सजा मिलै।
