इबरानिओ 6:4 - बुक्सा

⁴ जिनौनै एक दफै सच्‍चाई जान लई, और जिन्‍नै सुरग के बरदान को सबाद चख लओ है, और जो पबित्‍तर आत्‍मा के भागीदार बने हैं,

इबरानिओ 6:4 Mawu Ofanana

मत्‍ती 12:45

तब बौ जाकै अपने सै और बुरी सात आत्‍माऔ कै अपने संग ले आवै है, और बे उस घर मै घुसकै बस जावै हैं, और उस आदमी की हालत पैले सै बी जादा बुरी हो जावै है। इस पीड़ी के बुरे लोगौं की हालत बी ऐंसीई होगी।”

मत्‍ती 5:13

“तुम धरती के नौन हौ, पर नौन को सबाद बिगड़ जाय, तौ बौ किस चीज सै नमकीन करो जागो, फिर बौ किसी काम को ना रैह जागो, सिरप इसके कै बाहार फैंको जाय और आदमिऔ के पाँऐऔं के नीचे खूँदो जाय।

यहून्‍ना 15:6

अगर कोई मैं मै ना बनो रैहबै है, तौ बौ बा डुग्गी के हाँई फैंक दओ जावै है, जो सूक जावै है, और आदमी बाकै इखट्‍टो करकै आग मै जोर देवै हैं और बे जर जावै हैं।

यहून्‍ना 3:27

यहून्‍ना नै जबाब दओ, “आदमी कै बौई मिलै है जो बाकै सुरग सै देओ जावै है।

यहून्‍ना 4:10

ईसु नै जबाब देते भए उस्सै कैई, “अगर तू परमेसर के बरदान कै जानती और जौ बी जानती कै बौ कौन है जो तुस्सै कैबै है, मैंकै पानी पिबा, तौ तू बासै माँगती और बौ तेकै जिन्‍दगी को जल देतो।”

यहून्‍ना 6:32

ईसु नै उनसै केई, “मैं तुमसै सच-सच कैरओ हौं, कै सुरग सै रोटी दैनै बारो मूसा ना हो, पर मेरो अब्बा है जो तुमकै सुरग की सच्‍ची रोटी देवै है।

चेलौ के काम 10:45

पतरस के संग जो यहूदी बिसवासी आए हे बे अचम्बे मै पड़ गए, कै पबित्‍तर आत्‍मा को बरदान गैर यहूदी लोगौ कै बी मिलो है।

चेलौ के काम 11:17

जब परमेसर नै उनकै बी बैसोई बरदान देर खाओ है जैसो हमकै परभु ईसु मसी मै बिसवास कन्‍नै सै मिलो है, तौ मैं कौन होबौ हौं, जो परमेसर को बिरोद करौं?”

चेलौ के काम 15:8

मनौ कै जाँचनै बारे परमेसर नै बैसेई हमरे हाँई उनकै बी पबित्‍तर आत्‍मा देकै, उनकी गभाई दई।

चेलौ के काम 8:20

तबई पतरस नै कैई कै, “तेरो और तेरे पैसौ को सत्‍तियानास होए, कैसेकै तैनै जौ सोचो कै, ‘मैं परमेसर के बरदान कै मोल ले सकौ हौं।’

रोमियो 1:11

कैसेकै मेरी तुमसै मिलनै की बड़ी इच्‍छा है, कै मैं तुमकै कोई आत्‍मिक बरदान दौं जिस्सै तुम मजबूत हो जाऔ।

2 कुरन्‍थियों 4:4

सैतान जा दुनिया को देबता है, और बानै उन लोगौ की बुद्‍धि बन्‍द करर खाई है, और बे मसी मै बिसवास ना करै हैं जो परमेसर को रूप है, जो मसी की अच्‍छी खबर की महिमा की चमक कै ना देख सकै हैं।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

गलातिऔ 3:2

मैं तुमसै बस जौ जान्‍नो चाँहौ हौं कै, का तुमकै पबित्‍तर आत्‍मा नियम माननै सै मिलो है, या परमेसर की अच्‍छी खबर सुन्‍नै और बामै बिसवास कन्‍नै सै?

गलातिऔ 3:5

परमेसर जो तुमकै अपनो आत्‍मा देवै है, और तुमरे बीच मै चमत्कार के काम करै है तौ का बौ इसताँई करै है कै तुमनै मूसा के नियमौ कै मानो? या इसताँई कै तुमनै अच्‍छी खबर सुनकै बामै बिसवास करो?

इफिसिऔ 1:18

मेरी जौ बी पिराथना है कै तुमरे मन की आँख खुल जाँय और तुम जौ जान सकौ कै बाके बुलानै सै तुमकै कितनी बड़ी आस मिली है, और जिस बिरासत कै बौ अपने पबित्‍तर लोगौ कै देगो बौ कितनो महान और महिमा सै भरी भई है।

इफिसिऔ 2:8

कैसेकै परमेसर की किरपा के दुआरा बिसवास की बजै सैई तुमकै मुक्‍ति मिली है जौ तुमकै खुद की बजै सै ना मिलो है बलकन जौ तौ परमेसर को बरदान है।

इफिसिऔ 3:7

परमेसर नै अपनी सकति के काम के दुआरा मैंकै जौ किरपा को बरदान दओ कै मैं बा अच्‍छी खबर कै परचार कन्‍नै बारो सेवक बनो।

इफिसिऔ 4:7

पर हम्मै सै हर किसी कै मसी के बरदान के दुआराई किरपा देई गई ही।

1 तीमुथियुस 4:14

तुमकै जो बरदान मिलो है बाको तुम इस्तमाल करौ कैसेकै जौ तुमकै भबिसबानी के दुआरा और अगुबौं के हात रखनै सै मिलो है।

2 तीमुथियुस 2:25

जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्‍चाई कै पैचान सकैं,

2 तीमुथियुस 4:14

ताँबे को काम कन्‍नै बारे सिकन्‍दर नै मेरो बेसानी नुकसान करो है। बानै जैसो करो है, परभु बाकै बैसोई फल देगो।

इबरानिओ 10:32

अपने बे पुराने दिन याद करौ जब तुमरे ऊपर परमेसर को उज्‍जेरो चमको हो तब दुख और परेसानिऔ कै सैहते भए कैसे तुम टिके रैहए।

इबरानिओ 2:4

परमेसर नै खुद चिन्‍नौ, चमत्कारौं और अचम्बे के कामौ के दुआरा अपनी इच्‍छा के अनुसार बाँटे भए पबित्‍तर आत्‍मा के आत्‍मिक दानौ के दुआरा गभाई दई।

1 यहून्‍ना 5:16

अगर कोई अपने भईया कै ऐंसो पाप करतो देखै जिसको फल मौत ना है, तौ बौ बाके ताँई पिराथना करै और परमेसर बाकै जिन्‍दगी देगो, जिनौनै ऐंसो पाप करो हो जिसको फल मौत ना है। ऐंसो पाप बी है जिसको फल मौत है; मैं बाके बारे मै पिराथना कन्‍नै के ताँई ना कैबै हौं।