इबरानिओ 6:2 - बुक्सा

² और जल संस्कार की सिक्‍छा, हात रखनो, और मरे भएऔं मै सै जी उठनो और हमेसा को नियाय।

इबरानिओ 6:2 Mawu Ofanana

मत्‍ती 28:19

इसताँई तुम जाकै सब जातिऔं के लोगौ कै चेला बनाऔ और उनकै अब्बा और पुत्‍तर और पबित्‍तर आत्‍मा के नाम सै जल संस्कार दो।

मत्‍ती 3:14

पर यहून्‍ना जौ कैह कै उसकै रोकल लगो कै, “मैंकै तेरे हात सै जल संस्कार लैनै की जरूरत है, और तू मेरे धौंरे आओ है?”

मरकुस 16:16

जो बिसवास करै और जल संस्कार लै उनकै मुक्‍ति मिलैगी, पर जो बिसवास ना करै बौ दोसी ठैराओ जागो।

मरकुस 7:4

और जब बे बजार सै आवै हैं, जब तक बे मौह हात ना धो लेते, तब तक कुछ बी ना खावै हैं। और ऐंसी भौत सी और परम्परा बी उनकै माननै कै मिली हैं, जैसे कटोरौं, और लोटौं, और काँसी के बरतनौ कै माँजनो, और धोनो।

मरकुस 7:8

कैसेकै तुम बी परमेसर के हुकम कै टालकै लोगौ के रीति-रिबाजौ कै मानौ हौ।”

लूका 11:38

पर जब उस फरीसी नै जौ देखो कै रोटी खानै सै पैले ईसु नै अपने हात ना धोए तौ उसकै बड़ो अचम्बो भओ।

लूका 12:50

मैंकै दुख दरद बारो जल संस्कार लैनो है; और जब तक बौ पूरो ना हो जातो, मेरे ऊपर बड़ो बोज है।

लूका 14:14

तब तू धन्‍न होगो, कैसेकै उनके धौंरे तेरो बदलो चुकानै के ताँई कुछ बी ना है, पर तेकै धरमी लोगौं के फिर जी उठनै के टैम मै इस बात को ईनाम मिलैगो।”

लूका 3:16

तबई यहून्‍ना नै उन सबई कै जौ कैते भए जबाब दओ “मैं तौ तुमकै पानी सै जल संस्कार, देरओ हौं, पर जो मैंसै जादा सकतिसाली है बौ आ रओ है, और मैं तौ उसके जूता के फीता खोलनै कै लायक बी ना हौं, पर बौ तुमकै पबित्‍तर आत्‍मा और आग सै संस्कार देगो।

यहून्‍ना 1:33

और मैं तौ बाकै ना पैचानै हो, पर जिसनै मैंकै पानी सै जल संस्कार दैनै भेजो, बाई नै मैंसै कैई, ‘जिसमै तू आत्‍मा कै उतरते और ठैरते देखै, पबित्‍तर आत्‍मा सै जल संस्कार दैनै बारो बौई है’।

यहून्‍ना 5:29

और बाहार आ जांगे जिनौनै अच्‍छे काम करे हैं बे फिर जी उठंगे और जिन्‍दगी पांगे पर जिनौनै बुरे काम करे हैं बे सजा पानै के ताँई जी उठंगे।

चेलौ के काम 10:47

तबई पतरस नै कैई कै, “का हम्मै सै कोई इनकै पानी मै सै जल संस्कार लैनै सै रोक सकै है? कैसेकै इनकै बी हमरे हाँई पबित्‍तर आत्‍मा मिलो है।”

चेलौ के काम 13:3

तबई उनौनै बरत और पिराथना कन्‍नै के बाद बरनबास और साऊल के ऊपर हात रक्‍खे और उनकै सेवा के ताँई भेज दओ।

चेलौ के काम 16:15

बानै अपने पूरे टब्बर के संग जल संस्कार लओ और तबई बानै हम सै बिनती करकै कैई, “अगर तुम मैंकै परभु की भक्‍तन मानौ हौ, तौ मेरे घर चलौ और बहाँ रुकिओ।” तब हमकै बानै अपने घर मै लेजानै के ताँई राजी कर लओ।

चेलौ के काम 16:33

तबई दरोगा नै रात मैई उसई बखत ले जाकै उनके घाब धोए और अपने सिगरे टब्बर के संग बानै जल संस्कार लओ।

चेलौ के काम 17:18

तबई इपीकुरी और स्तोईकी के पंडतौ मै सै कितने बाके संग बैहैस करल लगे। उनमै सै कुछ कैललगे कै, “जौ बकबास कन्‍नै बारो कैहनो का चाँहबै है?” तबई कुछ दूसरे लोगौ नै कैई कै, “ऐंसो लगै है कै जे किसी नए देबता को परचार कन्‍नै बारे हैं।” कैसेकै पौलुस ईसु और फिर सै जी उठनै की अच्‍छी खबर के बारे मै बताबै हो।

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 2:41

और जिन आदमिऔ नै बाकी बातौं मै बिसवास करो, उन्‍नै जल संस्कार लओ, और उसई दिन उनके समू मै कम सै कम तीन हजार लोग उनके संग जुड़े।

चेलौ के काम 23:6

जब पौलुस कै जौ पतो लगो कै बड़ी सभा मै आधे फरीसी और आधे सदूकी लोग हैं, तबई बौ जोर सै बोलल लगो कै, “हे भईयौ, मैं फरीसी और फरीसिऔं के बंस को हौं। मेरे ऊपर इसताँई मुकदमा चल रओ है कै मैं जौ बिसवास करौ हौं कै आदमी मरनै के बाद फिर सै जिन्‍दो होवै है।”

चेलौ के काम 24:15

और मैं परमेसर सै बैसीई आस रक्‍खौ हौं जैसी जे खुद रक्‍खै हैं, कै सिगरे धरमी और अधरमी दौनौ मर कै फिर सै जिन्‍दे होवै हैं।

चेलौ के काम 24:21

सिरप एक बात कै छोड़कै जो मैंनै उनके बीच मै खड़े होकै कैई ही कै, ‘मर कै फिर सै जिन्‍दे होनै के बारे मै आज तुमरे सामने मेरे ऊपर मुकदमा चलाओ जा रओ है।’”

चेलौ के काम 24:25

जब पौलुस परमेसर की अच्‍छाई, सबर और परमेसर के आनै बारे नियाय की बात कर रओ हो तौ तबई फेलिक्‍स डर गओ और कैई कै, “अबी तू जा और बखत आनै मै मैं तेकै फिर बुलांगो।”

चेलौ के काम 26:8

तुम जा बात के ऊपर बिसवास काए ना करौ हौ कै परमेसर मरे भएऔं कै फिर सै जिन्‍दो करै है?

चेलौ के काम 4:2

पतरस और यहून्‍ना के ऊपर बे घुस्सा हे, कैसेकै बे दौनौ लोगौ के बीच मै ईसु को उदाहरन देकै मरे भएऔं मैसै फिर सै जिन्‍दे होनै के बारे मै परचार करै हे,

चेलौ के काम 6:6

इनकै भेजे भए चेलौ नै अपने सामने खड़ो करो, और भेजे भए चेलौ नै अपनो हात उनके ऊपर रखकै पिराथना करी।

रोमियो 2:16

जौ सब उस दिन पूरो करो जागो, जब परमेसर मेरी अच्‍छी खबर के अनुसार ईसु मसी के दुआरा आदमिऔ के छिपी भंई बातौं को नियाय करैगो।

1 कुरन्‍थियों 10:2

बे सबई बादर के नीचे और समन्‍दर के बीच मै मूसा के चेला बने और जल संस्कार लओ।

1 कुरन्‍थियों 12:13

कैसेकै हम सबई चाँहे यहूदी हौं, या गैर यहूदी या गुलाम, या आजाद हौं, पर सबई नै एकई आत्‍मा सै एकई सरीर होनै के ताँई जल संस्कार लओ है। पियास बुझानै के ताँई सबई कै एकई आत्‍मा दई गई है।

2 कुरन्‍थियों 5:10

हमनै जिन्‍दगी मै सरीर के हिसाब सै जित्‍ते बी अच्‍छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।

फिलिप्‍पीऔ 3:21

बौ अपनी बा सकति सै सब चीजौ कै अपने बस मै कर सकै है, और उसई सै हमरे कमजोर सरीर कै बदल कै अपने महिमा बारे सरीर के हाँई बना देगो।

कुलुसिऔं 2:12

तुम लोग जल संस्कार के बखत मसी के संग गाड़े गए और बाईके संग फिर सै जिन्‍दे बी करे गए। कैसेकै तुमनै परमेसर की सकति मै बिसवास करो है, जिसनै बाकै मरे भएऔं मै सै फिर सै जिन्‍दो करो है।

2 तीमुथियुस 2:18

ऐंसे लोग सच्‍चाई सै भटक गए हैं और बे जौ कैबै हैं कै, “मरे भए पैलेई जिन्‍दे हो चुके हैं।” इस तरै सै जे लोगौ कै बिसवास सै भटकावै हैं।

इबरानिओ 11:35

बईयरौं नै अपने मरे भए लोगौ कै फिर सै जिन्‍दो पाओ, भौस्से लोग सताए गए, और आजाद होनो ना चाँहो। कैसेकै बे मर कै फिर सै जिन्‍दे होनै के बाद एक अच्‍छी जिन्‍दगी की आस रक्‍खै हे।

इबरानिओ 9:10

जे तौ सिरप खानै पीनै की चीजौ और अगल अगल तरीका सै नाहनै-धोनै के सरीर के नियम हैं, जे नियम तौ चलते रैहबै हैं जब तक कै नए बिधि-बिधान ना आ जांऐ।

2 पतरस 3:7

पर बाके बचन के दुआरा जा जमाने के आसमान और धरती कै आग सै नास कन्‍नै के ताँई बचाकै रक्‍खो है, और नियाय के दिन तक और परमेसर कै ना माननै बारे लोगौ को नास होनै तक ऐंसेई रैहंगे।