इबरानिओ 6:1 - बुक्सा

¹ आऔ हम मसी की सुरू की सिक्‍छा सै और अग्गे बढ़कै समजदार हो जाँय, जिस्सै कै बुनियाद की सिक्छा फिर सै सिकानी ना पड़ै जैसे मौत की ओर लेजानै बारे बुरे कामौ सै मन फिरानो, परमेसर मै बिसवास कन्‍नो,

इबरानिओ 6:1 Mawu Ofanana

मत्‍ती 21:29

उसनै जबाब दओ, ‘मैं ना जा रओ हौं,’ पर बाद मै उसकै पछताबो भओ और बौ चलो गओ।

मत्‍ती 21:32

यहून्‍ना तुमकै जिन्‍दगी की सई रस्ता दिखानै आओ और तुमनै उसके ऊपर बिसवास ना करो, पर चुंगी लैनै बारौं और रंडिऔ नै बिसवास करो। तुमनै जौ सब देखो तौबी बाद मै मन ना बदलो और नाई उसमै बिसवास करो।

मत्‍ती 3:2

और बोलो “पापौं सै मन फिराऔ, कैसेकै सुरग को राज धौंरे आ गओ है।”

मत्‍ती 4:17

उस टैम सै ईसु उपदेस दैनै और जौ कैललगो, “पापौं सै मन फिराऔ, कैसेकै सुरग को राज धौंरे आ गओ है।”

मत्‍ती 5:48

इसताँई तुम सिद्‍द बनौ, जैसे तुमरो सुरग मै रैहनै बारो अब्बा सिद्‍द है।

मत्‍ती 7:25

और बरखा आई, नद्‍दिऔं मै रौहौ आँई, आँधी चली और उस घर सै टकराईं, तब बी बौ घर ना ढैओ, कैसेकै उसकी नीह चट्‍टान खोदकै डारी गई ही।

मरकुस 1:1

परमेसर के लौंड़ा ईसु मसी की अच्‍छी खबर की सुरूआत।

मरकुस 6:12

फिर चेला बहाँ सै चले गए, और उनौनै उपदेस दओ कै “लोगौ, पापौं और बुराईऔं सै दूर रौह और परमेसर के रस्ता मै चलौ।”

लूका 6:48

बौ उस आदमी के हाँई है, जिसनै घर बनाते टैम जमीन गैहरी खोदकै चट्‍टान मै नीह डारी, फिर जब रौहौ आई और पानी की तेज धार बा घर सै टकराई तौ बाकै हला तक ना सकी, कैसेकै बौ भौत पक्‍को बनो हो।

यहून्‍ना 12:44

फिर ईसु नै जोर सै कैई, “जो मेरे ऊपर बिसवास करै है, बौ मेरे ऊपर ना पर मैंकै भेजनै बारे मै बिसवास करै है।

यहून्‍ना 14:1

“तुमरो जी ना घबराऐ। तुम परमेसर मै बिसवास रक्‍खौ, और मेरे ऊपर बी बिसवास रक्‍खौ।

यहून्‍ना 5:24

“मैं तुमसै सच-सच कैरओ हौं, जो मेरे बचन सुनकै मेरे भेजनै बारे मै बिसवास करै है, हमेसा की जिन्‍दगी बाकी है, और बाके ऊपर सजा को हुकम ना है, पर मौत सै पार होकै बौ जिन्‍दगी मै पौंच चुको है।

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 17:30

अब तक परमेसर नै उनसै उनको लेखो ना लेओ पर अब तुमरे ताँई बाको जौ हुकम है कै तुम अपने पापौं सै मन फिराऔ।

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

चेलौ के काम 26:20

और पैले दमिसक मै फिर ऐरूसलेम और फिर यहूदिया मुलक के लोगौ कै और गैर यहूदी लोगौ कै समजातो रैहओ कै अपने गलत कामौ सै मन फिराऔ और परमेसर की ओर मुड़ौ और ऐंसे काम करौ जिस्सै जौ पतो लगै कै हमरो मन बदल गओ है।

चेलौ के काम 3:19

इसताँई तुम गलत कामौ सै अपनो मन फिराऔ और परमेसर की ओर लौहट आऔ जिस्सै कै तुमरे पाप माफ हो जाऐ।

1 कुरन्‍थियों 13:10

जब सबई कुछ पूरो हो जागो तौ जो अधूरो है बौ मिट जागो।

1 कुरन्‍थियों 2:6

तौबी मैं उनकै जो बिसवास मै पक्‍के हैं। उन लोगौ कै बुद्‍धि की बातौं कै सुनावौं हौं, पर ऐंसी बुद्‍धि की बात ना जो जा दुनिया की हैं और ना जा दुनिया के राजाऔं की, जो मिटनै बारे हैं।

2 कुरन्‍थियों 7:1

हे मेरे पियारे सातिऔं, जब हमकै जे बादे मिले हैं, तौ आऔ हम बा चीज कै सुद्‍द करैं जो हमरे सरीर और आत्‍मा कै असुद्‍द बनाबै हैं, और परमेसर को डर मानते भए पबित्‍तर बनौ।

2 कुरन्‍थियों 7:10

कैसेकै जो दुख परमेसर की ओर सै आवै है, बौ मन कै बदलै है और मुक्‍ति की ओर ले जावै है। पर बौ दुख जो दुनिया सै मिलै है बौ मौत की ओर ले जावै है।

इफिसिऔ 2:1

एक बखत हो जब तुम अपने बुरे कामौ और पापौं की बजै सै मरे भए हे।

इफिसिऔ 2:5

जब हम अपने अपरादौं की बजै सै मरे भए हे, फिर बी बानै हमकै मसी के संग फिर सै जिन्‍दो करो। परमेसर की किरपा होनै सैई तुमकै मुक्‍ति मिली है।

इफिसिऔ 4:12

जिस्सै परमेसर नै पबित्‍तर लोगौ कै सेवा के काम के ताँई तईयार करो जिस्सै कै मसी मै बिसवास कन्‍नै बारे लोगौ की बढ़ौतरी होए।

कुलुसिऔं 1:28

हमकै जो गियान मिलो पड़ो है बाको परचार करते भए हम हर एक आदमी कै चौकस करै हैं, और गियान की बात सिकाबै हैं जिस्सै कै हम हर एक आदमी कै मसी मै मजबूत करकै परमेसर के सामने खड़ो कर सकैं।

कुलुसिऔं 3:14

इन बातौं के अलाबा पियार के संग चलौ और पियार सबई कै आपस मै पूरी तरै सै जोड़े रक्‍खै है।

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

1 तीमुथियुस 6:19

इस तरै सै अपनी अग्गे की जिन्‍दगी के ताँई जा खजाने कै जोड़ौ, जो एक अच्‍छी मजबूत बुनियाद बनैगो। जाई सै बे सच्‍ची जिन्‍दगी कै थामे रैहंगे।

2 तीमुथियुस 2:19

पर कुछ बी होए परमेसर की बुनियाद पक्‍की और मजबूत है और बामै जौ लिखो पड़ो है कै, “परभु अपने लोगौ कै जानै है।” और जो ऐंसो कैबै हैं कै, “मैं परभु को हौं, तौ बाकै बुरे काम सै बचकै रैहनो चँईऐ।”

इबरानिओ 11:6

बगैर बिसवास के परमेसर कै खुस कन्‍नो नामुमकिन है। कैसेकै जो परमेसर के धौंरे आवै है बाके ताँई जौ बिसवास कन्‍नो जरूरी है, कै परमेसर है और जो बाकै ढूंड़ै है उनकै बौ ईनाम देवै है।

इबरानिओ 12:13

और अपने पाँऐऔं के ताँई रस्ता सीदी करौ, जिस्सै कै जो लंगड़े हैं बे चंगे होते जांऐ।

इबरानिओ 7:11

लेबी गोत के पुजारी दुआरा मूसा को नियम लोगौ कै मिलो है। अगर लेबी पुजारी के काम सै पूरोपन मिलै है, तौ दूसरे तरै के पुजारी की आनै की जरूरत काए है? और एक ऐंसे पुजारी की जो मलकीसदेक के हाँई होए, ना की हारून के खानदान को।

इबरानिओ 9:14

मसी को खून भौत कुछ कर सकै है, मसी तौ हमेसा की आत्‍मा के दुआरा हमरे परमेसर के सामने निरदोस चढ़ाबो करकै खुद कै चढ़ाओ, तब तौ बाको खून जरूर मौत की ओर लेजानै बारे कामौ सै हमरे मन कै सुद्‍द करैगो, जिस्सै हम जिन्‍दे परमेसर की सेवा करैं।

याकूब 1:4

पर सबर कै अपनो पूरो काम करन दो कै तुम पूरे और पक्‍के हो जाऔ और तुम्मै किसी बात की कमी ना रैह।

1 पतरस 1:21

मसी की बजै सै तुम परमेसर के ऊपर बिसवास करौ हौ; जिसनै बा मरे भए कै जिन्‍दो करो, और महिमा दई कैसेकै तुमरो बिसवास और आस परमेसर के ऊपर है।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

1 यहून्‍ना 4:12

परमेसर कै कबी बी किसी नै ना देखो। अगर हम एक दूसरे सै आपस मै पियार रक्‍खैं, तौ परमेसर हम्मै रैहबै है और बाको पियार हमरे भीतर पक्‍को हो गओ है।