इबरानिओ 4:2 - बुक्सा

² कैसेकै हमकै बी उनके हाँई अच्‍छी खबर सुनाई गई पर जैसी अच्‍छी खबर उन्‍नै सुनी, उनकै बासै कुछ फाएदा ना भओ कैसेकै उन्‍नै परमेसर की बात माननै बारौ के बिसवास के हाँई बिसवास ना करो।

इबरानिओ 4:2 Mawu Ofanana

चेलौ के काम 13:46

तबई पौलुस और बरनबास नै बेधड़क होकै कैई कै, “जौ जरूरी हो, कै सबसै पैले तुमरे बीच मै परमेसर को बचन सुनाओ जाऐ, पर तुमनै तौ बाकै मानो ना और खुद कै हमेसा की जिन्‍दगी के ताँई लायक ना समजो, इसताँई हम गैर यहूदी लोगौ की ओर गए।

चेलौ के काम 3:26

परमेसर नै जब अपने लौंड़ा ईसु कै मरे भएऔं मै सै जिन्‍दो करो तौ सब सै पैले तुमरे धौंरे भेजो जिस्सै कै तुमरे बुरे कामौ सै छुटाकै तुमकै आसीस दे।”

रोमियो 2:25

अगर तू नियम मै चलै तौ खतना सै फाएदा तौ है, पर अगर तू नियम कै तोड़ै है तौ तू खतना बारो होते भए बी बिना खतना बारे गैर यहूदी आदमी के जैसो है।

रोमियो 3:3

अगर कुछ धोकेबाज लिकरे बी तौ का भओ? उनके धोको दैनै सै का परमेसर बिसवास के लायक ना रैहगो?

1 कुरन्‍थियों 13:3

और मैं अपनी सिगरी धन-दौलत गरीबौ मै बाँट दौं और अपने सरीर कै बी जरानै के ताँई दे दौं। पर लोगौ सै पियार ना रक्‍खौ तौ मैंकै का फाएदा?

गलातिऔ 3:2

मैं तुमसै बस जौ जान्‍नो चाँहौ हौं कै, का तुमकै पबित्‍तर आत्‍मा नियम माननै सै मिलो है, या परमेसर की अच्‍छी खबर सुन्‍नै और बामै बिसवास कन्‍नै सै?

गलातिऔ 3:8

पबित्‍तर सास्तर मै जौ बात पैलेई सै लिखी भई है कै, “परमेसर सिगरी जाति के लोगौ कै बिसवास के दुआरा धरमी ठैरागो।” इसताँई पैले परमेसर नै इब्राहिम कै अच्‍छी खबर सुनाई, और कैई कै तेरे दुआरा दुनिया की सैरी जातिऔं कै आसीस मिलैगी।

गलातिऔ 4:13

पर तुम जौ बात जानौ हौ कै मेरी तबियत खराब होनै की बजै सै मैंनै तुमकै सबई सै पैले अच्‍छी खबर सुनाई ही।

1 थिसलुनीकियौ 1:5

कैसेकै हमरी अच्‍छी खबर तुमरे धौंरे सिरप बातौंई सै ना बलकन पबित्‍तर आत्‍मा की सकति और पक्‍के बिसवास सै तुम लोगौ के बीच मै पौंची है। तुम लोग जौ बी जानौ हौ कै हम जब तुमरे संग हे तौ तुमरे फाएदा के ताँई हमनै कैसी जिन्‍दगी बिताई ही।

1 थिसलुनीकियौ 2:13

इसताँई हम बी परमेसर कै हमेसा धन्‍नबाद देवै हैं। कैसेकै हमरे दुआरा परमेसर को बचन तुमरे धौंरे पौंचो, तौ तुमनै बाकै आदमिऔ को ना पर परमेसर को पबित्‍तर बचन समजकै बिसवास करो और जौ बचन तुम लोगौ के बीच मै काम करै है।

1 तीमुथियुस 4:8

कैसेकै कसरत सरीर के ताँई अच्‍छी है। पर भक्‍ति की जिन्‍दगी बासै बी जादा अच्‍छी है, कैसेकै इसई के ताँई हमकै जा जिन्‍दगी को और आनै बारी जिन्‍दगी को बादो मिलै है।

इबरानिओ 11:6

बगैर बिसवास के परमेसर कै खुस कन्‍नो नामुमकिन है। कैसेकै जो परमेसर के धौंरे आवै है बाके ताँई जौ बिसवास कन्‍नो जरूरी है, कै परमेसर है और जो बाकै ढूंड़ै है उनकै बौ ईनाम देवै है।

इबरानिओ 3:12

हे बिसवासी भईयौ और बहनौ, चौकस रौह कै, तुम्मै सै किसी बी आदमी के मन मै बुराई और अबिसवास ना होए जो जिन्‍दे परमेसर सै दूर ले जावै है।

इबरानिओ 4:6

जो आराम कन्‍नै की जघै है बौ अब्बी लोगौ के ताँई खुली है, कैसेकै जिन लोगौ कै पैलेई अच्‍छी खबर सुनाई गई ही बे आगियाँ ना माननै कै बजै सै आराम कन्‍नै की जघै के भीतर ना जा सके।

याकूब 1:21

इसताँई सिगरो मैलोपन और जो बुराई फैली हैं बाकै दूर करकै, बा बचन कै अपनाऔ जो तुमरे दिल मै बोओ गओ है और जो तुमरे पिरान कै बचा सकै है।

1 पतरस 1:12

सुरग सै भेजो गओ पबित्‍तर आत्‍मा के दुआरा अच्‍छी खबर सुनानै बारौ नै अब तुमकै जौ अच्‍छी खबर सुनाई कै जब भबिसबानी कन्‍नै बारौ नै जा अच्‍छी खबर के बारे मै परचार करो तौ परमेसर नै उनके ऊपर जौ बात परकट करी कै बे खुद की सेवा के ताँई ना पर तुमरी सेवा के ताँई कर रए हैं। और इन बातौं कै जान्‍नै के ताँई सुरगदूत तरसै हैं।