इबरानिओ 12:2 - बुक्सा

² हमरे बिसवास की सुरूआत कन्‍नै बारे और पक्‍को कन्‍नै बारे ईसु की ओर देखते रौह। ईसु नै लोगौ की बेजती कै अनदेखो करकै कुरूस को दुख झेलो जिस्सै कै बौ उनके ताँई रखी गई खुसी कै पाऐ। अब ईसु परमेसर के सिंगासन के खाने हात बैठो है।

इबरानिओ 12:2 Mawu Ofanana

मत्‍ती 16:21

उस टैम सै ईसु अपने चेलौ कै बताल लगो कै, “मैंकै ऐरूसलेम जानो होगो, बुजरग यहूदी मुखियौं, मुक्‍ख पुजारिऔं और सास्तरिऔं की ओर सै भौत दुख उठानो, मार डारो जानो और तीसरे दिन जी उठनो होगो।”

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

मरकुस 14:36

और कैई, “हे अब्बा, हे पिता तेसै सब कुछ हो सकै है, इस दुख के कटोरा कै मेरे धौंरे सै हटा ले, तौबी जैसो मैं चाँहौ हौं बैसो ना, पर जैसो तू चाँहै है बैसोई हो।”

मरकुस 15:28

तब पबित्‍तर सास्तर को बौ बचन कै उसकी गिनती अपरादिऔं मै भई पूरो हो गओ।

मरकुस 16:19

इस तरै परभु ईसु अपने चेलौ सै बात कन्‍नै के बाद सुरग मै उठा लओ गओ और परमेसर के खाने हात बैठ गओ।

मरकुस 9:12

ईसु नै उनकै जबाब दओ कै, “एलिया सचमुच पैले आकै सब कुछ सुदारैगो, पर आदमी के लौंड़ा, के बारे मै पैले सै पबित्‍तर सास्तरौं मै जौ काए लिखो है कै बौ भौत दुख उठागो, और नकारो जागो?

मरकुस 9:24

लौंड़ा के अब्बा नै तुरन्‍त गिड़गिड़ाकै कैई, “हे परभु, मैं बिसवास कर रओ हौं, मेरे अबिसवास कै हटा।”

लूका 17:5

तब भेजे भए चेलौ नै परभु ईसु सै कैई, “परमेसर के ऊपर हमरो बिसवास बढ़ानै के ताँई हमरी मदत कर।”

लूका 23:11

फिर हेरोदेस नै अपने सिपाईऔं के संग, मजाक उड़ाओ और मजाक मै राजा लोग पैहरनै बारे चमकीले लत्‍ता पैहराकै पीलातुस के धौंरे भेज दओ।

लूका 24:26

जौ जरूरी हो कै मसी जे दुख उठागो और बड़ी इज्‍जत के संग सुरग मै जागो।”

यहून्‍ना 1:29

दूसरे दिन यहून्‍ना नै ईसु कै अपनी ओर आते देख कैई, “देखौ परमेसर को मैमना जो दुनिया के पाप उठा ले जावै है।

यहून्‍ना 12:24

मैं तुमसै सच-सच कैबौ हौं कै जब तक गैहूं को दानो जमीन मै गिरकै मर ना जावै है, तब तक बौ एकई रैहबै है, पर जब बौ मर जावै है तौ भौत अनाज देवै है।

यहून्‍ना 12:32

और जब मैंकै धरती मै सै ऊँचे मै चढ़ाओ जागो, तौ सब आदमिऔ कै अपने धौंरे खैंचंगो।”

यहून्‍ना 13:3

ईसु जानै हौ कै अब्बा नै सब कुछ मेरे हातौ मै दे दओ है, और मैं परमेसर के धौंरे सै आओ हौं और परमेसर के धौंरे बापस जा रओ हौं।

यहून्‍ना 6:40

कैसेकै मेरे अब्बा की इच्‍छा जौ है, कै हर एक आदमी जो लौंड़ा कै देखै है, और बाके ऊपर बिसवास करै है, बौ हमेसा की जिन्‍दगी पागो, और मैं खुद आखरी दिन मै बाकै जिन्‍दो करंगो।”

यहून्‍ना 8:56

तुमरो अब्बा इब्राहिम मेरो दिन देखनै की आस मै भौत खुस भओ, और बानै देखो बी और खुस भओ।”

चेलौ के काम 2:36

“इसताँई अब ईसराइल को सिगरो टब्बर जौ जरूरई जान लै कै परमेसर नै बा ईसु कै ‘परभु’ और ‘मसी’ ठैराओ हो जिसकै तुमनै कुरूस मै चढ़ाऔ।”

चेलौ के काम 3:15

और लोगौ कै जिन्‍दगी की रस्ता दिखानै बारे कै तुमनै मार डारो, पर परमेसर नै मरे भएऔं मै सै बौ फिर सै जिन्‍दो करो है, और हम जा बात के गभा हैं।

चेलौ के काम 5:31

और बाई कै परमेसर नै परभु और मुक्‍ति दैनै बारो ठैराओ और अपने दाँय हात की ओर बिठाओ, जिस्सै कै बौ सिगरे ईसराइली लोगौ कै उनके गलत कामौ सै मन फिरबाऐ और उनकै माफ करै।

चेलौ के काम 5:41

तब बे सभा के धौंरे सै चले गए और उनकै जा बात की खुसी ही कै, “हमकै ईसु मसी के नाम सै दुख उठानै के काबिल तौ समजो गओ।”

1 कुरन्‍थियों 1:18

कैसेकै जो बरबादी के रस्ता मै चल रए हैं, उनके ताँई मसी की कुरूस की मौत की खबर मूरखता है, पर हम मुक्‍ति पानै बारौ के ताँई जौ परमेसर की सकति है।

1 कुरन्‍थियों 1:23

पर हम तौ बा मसी को परचार करै हैं, जिसकै कुरूस मै चढ़ाओ गओ हो। जौ यहूदी लोगौ के ताँई रुकाबट है और जो यहूदी ना हैं उनके ताँई मूरखता की बात हैं।

इफिसिऔ 2:16

बानै अपनी कुरूस की मौत के दुआरा गैर यहूदी और यहूदी लोगौ की दुसमनी कै खतम कर दओ और एक सरीर बनाकै परमेसर सै मेल करबाओ।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

फिलिप्‍पीऔ 1:6

मैंकै जा बात को भरोसो है, कै जो अच्‍छे काम परमेसर नै तुमरे भीतर सुरू करे हैं और बैसेई ईसु मसी के आनै के दिन पूरो होनै तक बनाऐ रखैगो।

फिलिप्‍पीऔ 3:20

पर हमरो घर तौ सुरग मै है, और बहीं सै हम अपने मुक्‍ति दैनै बारे परभु ईसु मसी के आनै को पैंड़ो देख रऐ हैं।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

इबरानिओ 1:13

परमेसर नै सुरगदूतौं सै कबी ऐंसे ना कैई कै, “जब तक कै मैं तेरे दुसमनौ कै तेरे पाँऐ के नीचे ना झुका दौं, तब तक तू मेरे खाने हात बैठ।”

इबरानिओ 1:3

बौ परमेसर की बड़ाई की चमक है और बाको पूरो सौभाब बाईके हाँई है और बौ अपने बचन की सकति सै सिगरी चीजौ कै सई सै समारै है और बौ पापौं कै धोकै सुरग मै महान परमेसर के खाने हात बैठ गओ है।

इबरानिओ 10:14

कैसेकै बानै एकई बलि के दुआरा उनकै जो पबित्‍तर करे जावै हैं हमेसा के ताँई पक्‍को कर दओ।

इबरानिओ 10:33

कबी सबई लोगौ के सामने तुमरी बेजती करी गई और सताओ गओ और तुमनै उन लोगौ को सात दओ जिनके संग ऐंसो बरताब करो जा रओ हो।

इबरानिओ 11:36

कुछ लोगौ की मजाक बनी और कुछ लोगौ कै कोड़ा मारे और किसी कै साँकरौ सै बांधकै जेल मै डार दओ।

इबरानिओ 12:3

इसताँई बाको धियान करौ जिसनै पापी लोगौ को इत्‍तो बिरोद सैह लओ जिस्सै कै तुमरो मन थक कै हार ना मानै।

इबरानिओ 13:13

इसताँई आऔ, और बाकी बेजती कै अपने ऊपर लेकै छाबनी के बाहार बाके धौंरे चल पड़ैं।

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।

इबरानिओ 7:19

कैसेकै मूसा को नियम किसी कै बी पूरी तरै सै पक्‍को ना करै है। पर अब हमरे ताँई एक ऐंसी अच्‍छी आस रक्‍खी गई है, जिसके दुआरा हम परमेसर के धौंरे जा सकै हैं।

इबरानिओ 8:1

अब जो बात हम कैरए हैं बामै सबसै खास बात जौ है कै, हमरो ऐंसो बड़ो पुजारी है जो सुरग मै सकतिसाली परमेसर के सिंगासन के खाने हात की ओर बैठै है।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

याकूब 2:1

हे मेरे भईयौ, तुम लोग महिमा बारे हमरे परभु ईसु मसी मै बिसवास करौ हौ इसताँई भेदभाब ना करौ।

1 पतरस 1:11

मसी की आत्‍मा जो उनके भीतर है, और जो उनकै बताबै है कै मसी कै कितने दुख झेलने पड़ंगे और बाकी कितनी बड़ाई होगी, इसताँई बे जा खोज मै लग गए कै मसी कौन है? और जे बात जा दुनिया मै कब हौंगी।

1 पतरस 3:18

कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।

1 पतरस 3:22

बौ सुरग मै जाकै परमेसर के दाँय हात की ओर बैठ गओ, और सुरगदूत, सैरे अधकारी और सकति बाके हक मै हैं।

यहूदा 1:21

खुद कै परमेसर के पियार मै पक्‍के बनाए रक्‍खौ, और हमेसा की जिन्‍दगी के ताँई हमरे परभु ईसु मसी की दया की उमीद रक्‍खे रौह।

परकासन 1:11

“जो कुछ तू देखै है बाकै किताब मै लिखकै और बाकै इफिसुस, इसमुरना, पिरगमुन, थूआतीरा, सरदीस, फिलादेलफिया और लौदीकिया, इन सातौं जघै की बिसवासिऔ की मंडलिऔ कै भेज दे।”

परकासन 1:17

जब मैंनै बौ देखो तौ मरे भए के जैसे मैं बाके पाँऐऔं मै गिर पड़ो। तब बानै अपनो खानो हात मेरे ऊपर रक्‍खो और कैई, “मत डर; मैंई पैलो, और आखरी हौं।

परकासन 1:8

परभु परमेसर, जो है और जो हो और जो आनै बारो है, जो सरब सकतिमान है, जौ कैबै है, “मैंई सुरूआत और अन्‍त हौं।”

परकासन 2:8

“इसमुरना के बिसवासिऔ की मंडली के सुरगदूत कै जौ लिख, “जो पैलो और आखरी है, जो मर गओ हो, और अब जी उठो है, बौ जौ कैबै है कै,