गलातिऔ 6:4 - बुक्सा

⁴ पर सिगरे आदमी जो काम बे करै हैं बाकी जाँच खुद करैं, अगर सिगरे काम अच्‍छे हैं तौ बाकै अपने ऊपर घमंड कन्‍नै को मौको मिलैगो, तब तेकै दूसरौं की बराबरी कन्‍नै की जरूरत ना है।

गलातिऔ 6:4 Mawu Ofanana

लूका 18:11

बौ फरीसी अगल खड़ो होकै जौ पिराथना करल लगो, ‘हे परमेसर, मैं तेरो धन्‍नबाद करौं हौं कै मैं दूसरे लोगौं जैसो लालची, ठग और दूसरी बईयरौं सै गलत काम कन्‍नै बारो बी ना हौं, और ना इस लगान लैनै बारे के जैसो हौं।

1 कुरन्‍थियों 11:28

इसताँई आदमी पैले खुद कै परखै और तब जा रोटी कै खाऐ और कटोरा मै सै पिऐ।

1 कुरन्‍थियों 3:14

और जिस किसी आदमी के काम जो बानै करे हैं टिके रैहबैं हैं, तौ बाकै ईनाम मिलै है।

1 कुरन्‍थियों 3:8

बोनै बारो और पानी लगानै बारो दौनौ को एकई मकसद है, पर हर एक आदमी अपनी मैहनत के हिसाब सै अपनी मजदूरी पागो।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

2 कुरन्‍थियों 13:5

तुम खुद कै परखौ कै बिसवास मै खरे हौ कै ना हौ। तुम खुद कै जाँचौ। का तुम जौ ना जानौ हौ कै ईसु मसी तुमरे भीतर है? और अगर ऐंसो ना है, तौ तुम परखने मै खरे ना लिकरे।

गलातिऔ 6:13

कैसेकै जिन लोगौ नै खतना कर खाओ है, बे खुदई नियम मै ना चलै हैं, पर बे तुमरो खतना इसताँई कन्‍नो चाँहै हैं कै बे तुमरे जा काम के दुआरा घमंड कर सकैं।

फिलिप्‍पीऔ 1:26

मेरे फिर तुमरे धौंरे बापस आनै सै मेरी बजै सै जो घमंड तुम मसी ईसु मै करौ हौ बौ और जादा बढ़ जाऐ।