गलातिऔ 6:3 - बुक्सा

³ कैसेकै अगर कोई आदमी खुद कै बड़ो समजै है और बौ बड़ो ना है, तौ बौ खुद कै धोको देरओ है।

गलातिऔ 6:3 Mawu Ofanana

लूका 18:11

बौ फरीसी अगल खड़ो होकै जौ पिराथना करल लगो, ‘हे परमेसर, मैं तेरो धन्‍नबाद करौं हौं कै मैं दूसरे लोगौं जैसो लालची, ठग और दूसरी बईयरौं सै गलत काम कन्‍नै बारो बी ना हौं, और ना इस लगान लैनै बारे के जैसो हौं।

चेलौ के काम 5:36

कैसेकै कुछ साल पैले थियूदास बी खुद कै बड़ो समजै हो और कम सै कम चार सौ लोग बाके संग हे। जब बाकै मार दओ तौ बाके संग के साती बी इतै-उतै भाज गए और बाको नामोनिसान तक मिट गओ हो।

रोमियो 12:16

आपस मै मेल-जोल रक्‍खौ, घमंडी ना बनौ, बलकन कमजोर लोगौ के संग रैहऔ। अपने आपकै होसिआर ना समजौ।

रोमियो 12:3

कैसेकै मैं उस किरपा के दुआरा जो मैंकै देओ गओ है, तुम्मै सै हर एक कै कैबौ हौं, कै जैसो समजनो चँईऐ, उस सै जादा कोई बी अपने आपकै ना समजै, पर परमेसर नै हर एक कै जितनो जितनो बिसवास दओ है, बैसेई सोच समजनै के बाद अपने आपकै समजै।

1 कुरन्‍थियों 13:2

मैंकै अगर परमेसर की ओर सै बोलनै को बरदान मिलो है, और मैं परमेसर की सिगरी भेद की बातौं और गियान की बातौं कै समजौ हौं, और मैंकै जौ बिसवास है कै पहाड़ कै एक जघै सै दूसरी जघै मै खिस्का सकौं। पर मेरे दिल मै पियार ना है, तौ मैं कुछ बी ना हौं।

1 कुरन्‍थियों 3:18

कोई बी खुद कै धोको ना दै, अगर तुम्मै सै कोई बी जा दुनिया मै खुद कै गियानी समजै है, तौ बौ खुद कै मूरख बनालै, कै बौ गियानी बन जाय।

1 कुरन्‍थियों 8:2

अगर कोई सोचै है कै, मैंकै भौत गियान है, तौ जैसो गियान होनो चँईऐ बैसो गियान बामै अब तक ना है।

2 कुरन्‍थियों 12:11

मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

2 कुरन्‍थियों 3:5

हम ऐंसो ना सोचै हैं कै हम खुद अपनी तागत सै कुछ कर सकै हैं, पर हमकै तागत दैनै बारो परमेसर है।

गलातिऔ 2:6

मैंकै जा बात सै कोई मतलब ना है कै बे जानेमाने लोग हे, पैले का हे। मेरे ऊपर उनको कोई असर ना पड़ो है और नाई उन्‍नै मेरी अच्‍छी खबर मै कुछ और कैई। परमेसर किसी के संग बी भेदभाब ना करै है।

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।

2 तीमुथियुस 3:13

पर दुसट और धोको दैनै बारे की जिन्‍दगी और बेकार होती जागी और बे जो दूसरौं कै ठगै हैं, खुद बी धोको खावै हैं।

याकूब 1:22

परमेसर के बचन मै चलनै बारे बनौ, ना कै सिरप सुन्‍नै बारे। अगर तुम बाकै सिरप सुनौई हौ तौ अपने आपकै धोको देवौ हौ।

याकूब 1:26

अगर कोई आदमी खुद कै धरमी समजै है, पर अपनी जबान मै लगाम ना लगाबै है, तौ बौ खुद कै धोको देवै है और बाकी भक्‍ति बेकार है।

1 यहून्‍ना 1:8

अगर हम कैबै हैं कै, हमनै कोई पाप ना करो है, तौ हम अपने आपकै धोको देवै हैं और हम्मै कोई सच्‍चाई ना है।