इस बात मै ईसु नै कैई, “हे यहूदी सास्तरिऔं, तुमरे ऊपर धिक्कार है! तुम ऐंसो बोज जिसकै उठानो कठिन है, आदमिऔ के ऊपर लाद देवौ हौ पर तुम खुद उन बोजौं कै अपनी एक उंगरिआ सै बी छूनो ना चाँहौ हौ।
जिनके धौंरे यहूदिऔं के नियम ना है, उनकै मसी मै लानै के ताँई मैं बी उनके हाँई बन गओ, पर इसको मतलब जौ ना है कै मैं परमेसर के नियम सै आजाद हौं। बलकन मैं मसी के नियम सै बंधो भओ हौं।
पर परमेसर के नियम सिद्द हैं जो हमकै आजादी देवै हैं, अगर कोई आदमी उन बचनौ के ऊपर धियान देवै है और उनकै सुनकै ना भूलै है, पर उन बचनौ के हिसाब सै चलै है तौ बौ परमेसर सै अपने कामौ मै आसीस पागो।
जैसो पबित्तर सास्तर मै लिखो है कै, “अपने पड़ोसी सै बैसेई पियार करौ, जैसो तुम अपने आप सै करौ हौ।” और अगर तुम परमेसर के राज की जा आगियाँ कै पूरी करौ हौ, तौ तुम अच्छो करौ हौ।
बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्दगी जीऐं, कैसेकै पबित्तर सास्तर मै लिखो है, “बाईके मार खाने सै तुम अच्छे भए हौ।”
तुम उन बातौं कै जो पबित्तर नबिऔ नै पैलेई सै कैंई हीं; उनकै याद करौ और परभु और मुक्ति दैनै बारे की आगियाँ कै, जो भेजे भए चेलौ के दुआरा तुमकै दई हैं याद करौ।
