गलातिऔ 4:9 - बुक्सा

⁹ पर अब तुमनै परमेसर कै जान लओ है या जौ कैंऐ कै परमेसर तुमकै जानै है। तौ तुम अब दुनिया के कमजोर और बेकार नियमौ के पिच्‍छे बापस काए जानो चाँहौ हौ? और का तुम उनको फिर सै गुलाम बन्‍नो चाँहौ हौ?

गलातिऔ 4:9 Mawu Ofanana

मत्‍ती 11:27

“मेरे अब्बा नै मैंकै सब कुछ सौंपो है, अब्बा कै छोड़कै कोई बी लौंड़ा कै ना जानै है, इसई हाँई अब्बा कै कोई बी ना जानै है, सिरप लौंड़ा जानै है और बौई, जिसके ऊपर लौंड़ा उसकै परकट कन्‍नो चाँहै है।

लूका 5:38

इसताँई नओ अंगूरौं को रस नई मटकिऔ मैई भन्‍नो चँईऐ।

यहून्‍ना 10:14

“अच्‍छो गरड़ीआ मैं हौं, मैं अपनी भेड़ौ कै जानौ हौं, और मेरी भेड़ मैंकै जानै हैं।

यहून्‍ना 10:27

मेरी भेड़ मेरी अबाज सुनै हैं और मैं उनकै जानो हौं, और बे मेरे पीछे-पीछे चलै हैं।

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

रोमियो 8:29

कैसेकै जिनकै उसनै पैलेई चुनो उनकै अपने लौंड़ा के हाँई बन्‍नै के ताँई ठैराओ ताकि भौस्से भईयौ मै बौ सबसै पैलो बन सकै।

रोमियो 8:3

कैसेकै जो काम सरीर की कमजोरी के कारन नियम ना कर सको, उसकै परमेसर नै करो, यानी अपनेई लौंड़ा कै उसनै पापी आदमी जैसे आदमी के सरीर मै भेजो, इस तरीका सै परमेसर नै आदमी के सरीर मै पाप कै सजा दई।

1 कुरन्‍थियों 13:12

कैसेकै अबी तौ दरपन मै हमकै साप दिखाई ना देवै है, पर जब बौ बखत आगो तौ हम आमने-सामने देखंगे। पर अबी मेरो गियान अधूरो है। पर तब मैं परमेसर कै पूरी तरै सै जानंगो जैसे बौ मैंकै पूरी तरै जानै है।

1 कुरन्‍थियों 15:34

होस मै आकै सई तरीका सै सोचौ, और पाप कन्‍नो छोड़ौ। कैसेकै तुम्मै सै कुछ ऐंसे हैं, जो परमेसर के बारे मै कुछ बी ना जानै हैं। मैं जौ सबई इसताँई कैरओ हौं कै तुमकै सरम आय।

1 कुरन्‍थियों 8:3

पर अगर कोई परमेसर सै पियार रक्‍खै है, तौ परमेसर बाकै जानै है।

2 कुरन्‍थियों 11:20

कैसेकै जब तुमकै कोई अपनो दास बनाऐ, या तुमरो फाएदा उठाऐ, या तुमकै कुछ बात मै फसा देवै, या खुद कै तुमसै बड़ो समजै, या तुमरे मौह मै चाँट मारै तौबी तुम बाकै सैह लो।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

गलातिऔ 3:3

का तुम इत्‍ते मूरख हो सकौ हौ कै जो जिन्‍दगी पबित्‍तर आत्‍मा के दुआरा तुमनै सुरू करी ही, बाकै तुम अब अपने सरीर के हिसाब सै चलकै सिद्‍द बननो चाँहौ हौ?

गलातिऔ 4:3

मसी के आनै सै पैले हमरी हालत बी ऐंसीई ही और हम बी बालकौ के हाँई हे, तब हम बी दुनिया के नियमौ के दास हे।

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

2 तीमुथियुस 2:19

पर कुछ बी होए परमेसर की बुनियाद पक्‍की और मजबूत है और बामै जौ लिखो पड़ो है कै, “परभु अपने लोगौ कै जानै है।” और जो ऐंसो कैबै हैं कै, “मैं परभु को हौं, तौ बाकै बुरे काम सै बचकै रैहनो चँईऐ।”

इबरानिओ 7:18

पुजारी लोगौ के बारे मै जो पैलो नियम हो बौ कमजोर और बेकार हो इसताँई बाकै हटा दओ।

2 पतरस 2:20

अगर बे हमरे परभु और मुक्‍ति दैनै बारे ईसु मसी कै जानकै दुनिया की बुरी बातौं सै बच गए हैं; और बे फिर पाप मै फसकै हार जावै हैं, तौ उनकी अबी की जिन्‍दगी पैले सै बी बुरी हो गई है।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।