गलातिऔ 4:5 - बुक्सा

⁵ जिस्सै कै जो लोग नियम के आधीन होते भए जिन्‍दगी जीवै हैं उन सबई कै आजाद कर सकै और हमकै परमेसर की गोद लेई भई औलाद बन्‍नै को हक मिलै।

गलातिऔ 4:5 Mawu Ofanana

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

लूका 1:68

“ईसराइल के परभु परमेसर की जै हो, बौ अपने लोगौं की सायता के ताँई आओ और उनको छुटकारो करो है।

यहून्‍ना 1:12

पर जितनौ नै बाकै अपनाओ, और जो लोग बाके नाम मै बिसवास करैं हैं, उन सबकै बानै परमेसर की औलाद होनै को हक दओ।

चेलौ के काम 20:28

इसताँई तुम अपनी और अपने लोगौ की देखभाल करौ, जिसके ताँई तुमकै पबित्‍तर आत्‍मा नै चुनो है, कैसेकै तुम बिसवासिऔ की मंडली के लोगौ के ताँई ऐंसे हौ जैसे गड़रिया भेड़ौ के झुन्ड के ताँई है। जिसकै परमेसर नै अपने लौंड़ा को खून देकै मोल लओ है।

रोमियो 10:4

पर मसी नै नियम खतम कर दओ है ताकि जो कोई बिसवास करै है, उसको रिस्ता परमेसर के संग सई हो जाऐ।

रोमियो 8:14

जो परमेसर की आत्‍मा के हिसाब सै चलैं हैं, बे परमेसर की औलाद हैं।

रोमियो 8:15

कैसेकै बौ आत्‍मा जो तुमकै मिली है, फिर सै दास बनानै या डरानै के ताँई ना है, बलकन बौ आत्‍मा तुमकै परमेसर की गोद लेई भई औलाद बनाबै है। जिस्सै हम “हे अब्बा, हे पिता” कैह कै परमेसर कै बुलाबै हैं।

रोमियो 8:19

कैसेकै जौ दुनिया बड़ी आस के संग उस टैम को पैंड़ो देख रई ही, जब परमेसर की औलाद कै परकट करो जागो।

रोमियो 8:23

और ना सिरप बेई पर हम बी जिनकै आत्‍मा को पैलो फल मिलो है, खुदई अपने भीतर कैंखैं हैं। कैसेकै हम परमेसर की औलाद बन्‍नै को और अपने सरीर की मुक्‍ति पानै को पैंड़ो देख रए हैं।

रोमियो 9:4

जो ईसराइली हैं और जिनकै परमेसर की औलाद होनै को अधकार है, जे परमेसर की महिमा कै देख चुके हैं, और परमेसर नै इनके संग करारनामो करो है। जिनकै मूसा के दुआरा देए भए नियम, सच्‍ची आराधना, और बचन दओ है।

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

गलातिऔ 3:26

मसी ईसु मै बिसवास कन्‍नै के दुआरा तुम सिगरे परमेसर की औलाद हौ।

गलातिऔ 4:21

जो लोग नियम के हिसाब सै जिन्‍दगी जीनै की सोचै हैं, मैं तुमसै जौ बात पूँछनो चाँहौ हौं, का तुमनै नियम की लिखी भई बात ना सुनी? कै, इब्राहिम के दो लौंड़ा हे, एक लौंड़ा दासी सै भओ और दूसरो लौंड़ा आजाद बईयर सै पैदा भओ।

गलातिऔ 4:7

इसताँई अब तुम दास ना रैहए पर औलाद बन गए हौ और अगर औलाद हौ तौ परमेसर नै तुमकै बारिस बी बनाओ है।

इफिसिऔ 1:7

हमकै मसी मै मसी की मौत के दुआरा छुटकारो मतलब पाप की माफी मिली है। जौ परमेसर की भौस्सी किरपा सै मिलो है।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

इबरानिओ 1:3

बौ परमेसर की बड़ाई की चमक है और बाको पूरो सौभाब बाईके हाँई है और बौ अपने बचन की सकति सै सिगरी चीजौ कै सई सै समारै है और बौ पापौं कै धोकै सुरग मै महान परमेसर के खाने हात बैठ गओ है।

इबरानिओ 9:12

बौ बकरौ के और बछड़ौ के खून के दुआरा ना पर हमेसा के ताँई एकई दफै अपने खून के दुआरा बा सबसै पबित्‍तर जघै मै पौंचो और हमरे ताँई बौ हमेसा को छुटकारो लाओ।

इबरानिओ 9:15

इसताँई मसी नए करारनामे को बिचौंदिया बनो। जिस्सै कै जिन लोगौ कै बुलाओ गओ है बे लोग परमेसर के बादे करे भए हमेसा की बिरासत के हकदार बनै कैसेकै जिन्‍नै पैले करारनामे के हक मै रैहते भए पाप करो है उनकै बासै छुटकारे के ताँई मसी नै अपनी जान दे दई।

1 पतरस 3:18

कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।

परकासन 14:3

बे आदमी सिंगासन के सामने और चारौ पिरानिऔ और बुजरगौं के सामने एक नओ गीत गा रए हे। जिन एक लाख चबालीस हजार आदमिऔ कै धरती मै सै मोल लेएओ गओ हो उनके अलाबा कोई दूसरो आदमी उस गीत कै ना सीक सकै हो।

परकासन 5:9

बे जौ नओ गीत गाल लगे, “तू इस किताब कै लैनै और इसकी मौहर खोलनै के लायक है, कैसेकै तैनै बलि होकै अपने खून सै हर एक गोत और भासा और लोग और जाति मै सै परमेसर के ताँई लोग मोल लए हैं।