गलातिऔ 4:18 - बुक्सा

¹⁸ पर हमेसा अच्‍छे मकसद के ताँई जोसीलो होनो बढ़िया होवै है, और ना सिरप बाई बखत मै जब मैं तुमरे संग हौं।

गलातिऔ 4:18 Mawu Ofanana

यहून्‍ना 2:17

तब उसके चेलौ कै याद आई कै पबित्‍तर सास्तर मै लिखो है, “तेरे घर के ताँई मेरो पियार मैंकै खा जागो।”

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

गलातिऔ 4:13

पर तुम जौ बात जानौ हौ कै मेरी तबियत खराब होनै की बजै सै मैंनै तुमकै सबई सै पैले अच्‍छी खबर सुनाई ही।

गलातिऔ 4:17

गलत सिकानै बारे तुमकै अपनो दोस्त तौ बनानो चाँहै हैं, पर उनकी सोच सई ना है कैसेकै बे तुमकै मैंसै दूर कन्‍नै की सोचै हैं जिस्सै कै तुमकै उनके ऊपर लगाब हो।

गलातिऔ 4:20

मैं ऐंसो चाँहबौ हौं कै अब तुमरे धौंरे आकै मीठे बोल सै बताऔ, कैसेकै मैंकै समज मै ना आ रओ है कै मैं तुमकै कैसे समजाऔं।

फिलिप्‍पीऔ 1:27

सिरप इतनो करौ कै तुमरो चाल-चलन मसी की अच्‍छी खबर के लायक हो जाऐ कै चाँहे मैं आकै तुमकै देखौं या ना बी आऔं, पर मैं तुमरे बारे मै बस जौई सुनौं कै तुम सब एक आत्‍मा मै टिक जाऔ और एक मन हो कै, एक संग मिलकै अच्‍छी खबर के बिसवास के ताँई मैहनत करते रैहऔ।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

परकासन 3:19

“मैं जिनसै पियार करौं हौं, उनकै डाँटौ और डन्ड देवौ हौं, इसताँई जोसीलो बन और मन फिरा।