गलातिऔ 3:10 - बुक्सा

¹⁰ बे लोग जो नियम के कामौ मै भरोसो रक्‍खै हैं, उनके ऊपर सराप है, कैसेकै पबित्‍तर सास्तर मै लिखो है कै, “बे सिगरे आदमी सरापित हैं, जो मूसा के नियम की लिखी भई सिगरी बातौं मै ना चलै हैं।”

गलातिऔ 3:10 Mawu Ofanana

मत्‍ती 25:41

“फिर बौ राजा अपनी बाँई ओर बारौ सै कैगो, ‘अरे अभागौ! मेरे सामने सै उस हमेसा की आग मै चले जाऔ, जो सैतान और बाके दूतौ के ताँई तईयार करी गई है।

रोमियो 4:15

नियम तौ घुस्सा कै लेकै आवै है मगर जहाँ नियमई ना हैं तौ बहाँ नियम कै का तोड़ैं?

रोमियो 6:23

पाप की डिहाड़ी तौ मौत है, मगर परमेसर को बरदान हमरे परभु ईसु मसी मै हमेसा की जिन्‍दगी है।

रोमियो 8:7

मगर सरीर के ऊपर मन लगानो तौ परमेसर सै दुसमनी कन्‍नी है, कैसेकै जौ ना तौ परमेसर के नियम कै मानै है, और नाई मान सकै है।

2 कुरन्‍थियों 3:7

पर मौत को बौ नियम जिसकै पत्‍थरौं की तकती मै लिखो गओ हो, बामै इत्‍ती चमक ही कै मूसा को मौह तेज चमक के हाँई चमकल लगो जिसकै ईसराइली लोग ना देख सकै हे, पर बाद मै बौ चमक थोड़ी-थोड़ी करकै कम होती गई,

गलातिऔ 2:16

पर हम जौ बात जानै हैं कै आदमी नियम के काम सैई धरमी ना ठैरै है, पर ईसु मसी मै बिसवास कन्‍नै के दुआराई धरमी ठैरै है। इसताँई हम मसी ईसु मै बिसवास करै हैं, और बिसवास कन्‍नै की बजै सै मसी हमकै धरमी ठैरागो, ना कै नियम के काम की बजै सै। कैसेकै कोई बी आदमी नियम के काम कन्‍नै की बजै सै धरमी ना ठैराओ जा सकै है।