गलातिऔ 3:1 - बुक्सा

¹ ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

गलातिऔ 3:1 Mawu Ofanana

मत्‍ती 24:24

कैसेकै झूँटे मसी और झूँटे नबी खड़े हौंगे और ऐंसे बड़े-बड़े चिन्‍न और चमत्कार दिखांगे कै अगर उनसै बन पड़ो तौ, बे चुने भए लोगौ कै बी बहका दंगे।

मत्‍ती 7:26

पर जो कोई मेरी जे बात सुनै है, पर उनमै चलै ना है, बौ उस मूरख के जैसो है, जिसनै अपनो घर रेता मै बनाओ।

लूका 24:25

तब ईसु नै उनसै कैई, “तुम कितने मूरख हौ; नबिऔ नै जो कुछ कैई, उसमै बिसवास कन्‍नै मै कितने कम हौ।

चेलौ के काम 16:6

जब पबित्‍तर आत्‍मा नै पौलुस और बाके सातिऔं कै एसिया मुलक मै बचन को परचार कन्‍नै सै मनैह कर दई, तौ बे फिरगिया और गलातिया मै सै होते भए गए।

चेलौ के काम 6:7

तबई परमेसर को बचन फैलतो गओ और ऐरूसलेम मै चेलौ की संखिया भौत बढ़ती गई। भौस्से यहूदी पुजारिऔं नै बी ईसु मसी मै बिसवास करो।

रोमियो 10:16

पर उन सबई नै अच्‍छी खबर ना मानी। कैसेकै यसाया नबी कैबै है, “हे परभु, हमरी खबर मै किसनै बिसवास करो है?”

रोमियो 2:8

और जो लोग मतलबी हैं, सच्‍चाई कै ना मानै हैं पर बुराई मै चलै हैं, इनके ऊपर परमेसर की घुस्सा और कोप पड़ैगो।

रोमियो 6:17

पर परमेसर को धन्‍नबाद हो, कै तुम जो पाप के दास हे, तौबी तुम मन सै उस सिक्‍छा मै चलल लगे, जो तुमकै देई गई हैं।

1 कुरन्‍थियों 11:26

जब कबी तुम जा रोटी कै खावौ और जा कटोरा मै सै पिऔ हौ, तौ तुम परभु के आनै तक बाकी मौत को परचार करौ हौ।

1 कुरन्‍थियों 2:2

कैसेकै मैंनै अपनी जिन्‍दगी मै जौ बात ठान लई ही, कै जब मैं तुमरे धौंरे रैहंगो तौ ईसु मसी और जैसी बाकी मौत कुरूस मै भई बाकै छोड़कै किसी दूसरी चीज के बारे मै बात ना करंगो।

2 कुरन्‍थियों 10:5

और इनई हतियारौं सै हम लोगौ के बिरोद और घमंड की सोचकै खतम करै हैं, जो परमेसर के गियान के खिलाप उठै हैं, और हर एक सोचकै कैद करकै मसी की आगियाँ माननै बारी बना देवै हैं।

2 कुरन्‍थियों 11:3

पर मैं इसताँई डरौ हौं कै जैसे साँप नै हब्बा कै चालाँकी सै बैहकाओ हो, बैसेई कहीं तुमरे सच्‍चे मन और जो पियार तुम मसी सै करौ हौ बासै तुमकै भटका ना दै।

गलातिऔ 1:6

मैं जौ बात सुनकै चौंक गओ कै तुम परमेसर सै जिसनै मसी की किरपा के दुआरा तुमकै बुलाओ बाकै इत्‍ती जल्दी छोड़कै किसी दूसरी अच्‍छी खबर की ओर जा रए हौ।

गलातिऔ 2:14

पर जब मैंनै जौ देखो कै अच्‍छी खबर की सच्‍चाई के हिसाब सै उनको चाल-चलन ना हो, तौ तबई मैंनै सबई के सामने पतरस सै कैई कै, “तुम यहूदी होते भए बी गैर यहूदी की तरै जीवौ हौ, तौ तुम गैर यहूदी लोगौ कै यहूदी रीती रिबाज माननै के ताँई काए मजबूर कर रए हौ?”

गलातिऔ 3:3

का तुम इत्‍ते मूरख हो सकौ हौ कै जो जिन्‍दगी पबित्‍तर आत्‍मा के दुआरा तुमनै सुरू करी ही, बाकै तुम अब अपने सरीर के हिसाब सै चलकै सिद्‍द बननो चाँहौ हौ?

गलातिऔ 4:9

पर अब तुमनै परमेसर कै जान लओ है या जौ कैंऐ कै परमेसर तुमकै जानै है। तौ तुम अब दुनिया के कमजोर और बेकार नियमौ के पिच्‍छे बापस काए जानो चाँहौ हौ? और का तुम उनको फिर सै गुलाम बन्‍नो चाँहौ हौ?

गलातिऔ 5:11

ओ भईयौ और बहनौ, अगर मैं अब तक खतना को परचार करौ हौं, तौ लोग मैंकै काए सता रए हैं? और अगर जौ सच होतो, तौ मसी के कुरूस के बारे मै जो मैं सिकाबौ हौं बासै कोई परेसानी ना होती।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

इफिसिऔ 5:15

इसताँई अपनी चाल-चलन कै देखौ कै हम कैसे चल रए हैं और मूरख लोगौ के हाँई बरताब ना करौ, पर अकलमन्‍द लोगौ के हाँई बरताब करौ।

2 थिसलुनीकियौ 1:8

धदकती भई आग के संग परकट होगो। और जो परमेसर कै ना मानै हैं और हमरे परभु ईसु की अच्‍छी खबर के हिसाब सै ना चलै हैं, उनकै सजा देंगे।

1 तीमुथियुस 6:4

तौ मैं समजौ हौं कै बाकै घमंड नै अन्धो बना दओ है और कुछ ना समजै है। पर बाकै बैहैस कन्‍नै की और छोटी छोटी बातौं मै लड़ाई कन्‍नै की बेमारी हो गई है, जिनसै जरन, और लड़ाई, और बेजती की बात, और बुरे-बुरे सक कन्‍नै।

इबरानिओ 11:8

बिसवास की बजै सैई जब परमेसर नै इब्राहिम कै बुलाओ तब बौ बाको हुकम मानकै बा जघै के ताँई लिकरो जिस जघै कै बिरासत मै दैनै को बादो परमेसर नै बासै करो हो। और बौ जौ बात ना जानै हो कै मैं कहाँ जा रओ हौं पर तब्बी बौ बहाँ गओ।

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 पतरस 4:17

कैसेकै नियाय कन्‍नै को बखत आई गओ है कै पैले परमेसर अपनेई लोगौ सै नियाय सुरू करैगो, और जब नियाय की सुरूआत हम सैई होगी तौ उन लोगौ को का होगो? जो परमेसर की अच्‍छी खबर कै ना मानै हैं।

2 पतरस 2:18

जे बेकार की घमंड की बात करकै और सरीर की बुरी इच्‍छा और लुचपन की बातौं मै उनकै अपनी ओर खैंच लेबै हैं, जो गलत सिक्‍छा मै हैं उन लोगौ सै अबी-अबी बचकै लिकरे हैं।

परकासन 18:3

कैसेकै सब जातिऔं नै उसके बैबिचार की इच्‍छा की दारू पीई है। और धरती के राजाऔं नै उसके संग बैबिचार करो है और धरती के ब्यापारी उसकी धन-दौलत की सकति सै और जादा सेट हो गए हैं।”

परकासन 2:20

पर मैंकै तेरे खिलाप जौ कैनो है, कै तू उस बईयर इजबेल की बातौं कै सैह रओ है, जो अपने आपकै परमेसर की नबी कैबै है, और मेरे सेवकौ कै दूसरी बईयरौं सै गलत काम कन्‍नै, और मूरतिऔं के अग्गे चढ़ाई भई चीज खानै के ताँई सिक्छा देकै बैहकाबै है।