गलातिऔ 2:7 - बुक्सा

⁷ पर उन लोगौ नै जौ मान लओ कै जिस तरीका सै परमेसर नै पतरस कै यहूदी लोगौ के बीच मै अच्‍छी खबर सुनानै को काम सौंपो हो, बैसेई परमेसर नै मैंकै गैर यहूदी लोगौ के बीच मै अच्‍छी खबर सुनानै को काम सौंपो है।

गलातिऔ 2:7 Mawu Ofanana

चेलौ के काम 15:12

बरनबास और पौलुस की बातौं कै सिगरे जनी चुपचाप सुन रए हे कै परमेसर नै उनके दुआरा गैर यहूदी लोगौ मै कैसे बड़े-बड़े चिन्‍न और ताजुब के काम करे हैं।

चेलौ के काम 18:6

पर जब बे बिरोद और बुरो कैललगे तबई पौलुस नै अपने लत्‍ता झाड़े और कैई, “अपने काम की सजा तुम खुदई भुगतौगे। मैं बेकसूर हौं। अब सै मैं गैर यहूदी लोगौ के बीच मै जांगो।”

चेलौ के काम 28:28

“इसताँई तुमकै जा बात कै जान्‍नो चँईऐ कै परमेसर नै मुक्‍ति की बातौं कै गैर यहूदी धौंरे बी भेजो है, और बे इनकै सुनंगे।”

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

रोमियो 1:5

और मरे भए मै सै जी उठनै सै पबित्‍तर आत्‍मा दुआरा सकति के संग परमेसर को बेटा ठैराओ गओ, और बौ हमरो परभु ईसु मसी है।

रोमियो 11:13

मैं तुम गैर यहूदिऔं के ताँई भेजो भओ चेला हौं, और जौ सेवा मेरे ताँई गर्ब की बात है।

1 कुरन्‍थियों 9:17

अगर मैं जौ काम खुद की मरजी सै करौ हौं, तौ डिहाड़ी मैंकै मिलै है, पर अगर मैं खुद की मरजी सै ना करौ हौं। तौबी बौ काम तौ मैंकैई सौंपो गओ है।

गलातिऔ 1:16

और अपने लौंड़ा कै मैं मै परकट करो जिस्सै कै मैं गैर यहूदी लोगौ के बीच मै बाके लौंड़ा की अच्‍छी खबर को परचार करौं, तौ मैंनै तुरन्‍त जाकै किसी आदमी की सला ना लई।

गलातिऔ 1:18

फिर तीन साल के बाद मैं ऐरूसलेम मै पतरस सै मिलनै गओ और पन्‍दरै दिन तक मैं बाके धौंरे रैहओ।

गलातिऔ 1:6

मैं जौ बात सुनकै चौंक गओ कै तुम परमेसर सै जिसनै मसी की किरपा के दुआरा तुमकै बुलाओ बाकै इत्‍ती जल्दी छोड़कै किसी दूसरी अच्‍छी खबर की ओर जा रए हौ।

गलातिऔ 2:11

पर जब पतरस अन्‍ताकिया मै आओ, तौ मैंनै बाके सामनेई बाको बिरोद करो, कैसेकै बाकी गलती ही।

गलातिऔ 2:14

पर जब मैंनै जौ देखो कै अच्‍छी खबर की सच्‍चाई के हिसाब सै उनको चाल-चलन ना हो, तौ तबई मैंनै सबई के सामने पतरस सै कैई कै, “तुम यहूदी होते भए बी गैर यहूदी की तरै जीवौ हौ, तौ तुम गैर यहूदी लोगौ कै यहूदी रीती रिबाज माननै के ताँई काए मजबूर कर रए हौ?”

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।

1 थिसलुनीकियौ 2:4

पर परमेसर नै हमकै अच्‍छी खबर कै सौंपनै के ताँई लायक समजो है। इसताँई हम लोगौ कै खुस कन्‍नै के ताँई ना पर हमरे दिल कै परखनै बारे परमेसर कै खुस कन्‍नै के ताँई सुनावै हैं।

1 तीमुथियुस 1:11

जौ सिक्‍छा धन्‍न परमेसर की बा महिमा के ताँई उस अच्‍छी खबर के हिसाब सै है, जो मैंकै सौंपी गई है।

1 तीमुथियुस 2:7

जाई बजै सै मैंकै परचार कन्‍नै के ताँई भेजो भओ चेला बनाओ है। मैं सच कैरओ हौं, झूँट ना बोल रओ हौं। मैंकै गैर यहूदी लोगौ के बिसवास और सच्‍चाई कै सिकानै के ताँई गुरूजी बनाओ गओ।

2 तीमुथियुस 1:11

परमेसर नै मैंकै भेजो भओ चेला और परचार कन्‍नै बारो और गुरू इसताँई बनाओ कै मैं अच्‍छी खबर कै फैला सकौं।

2 पतरस 3:15

हमरे परभु के सबर सै तुमकै मुक्‍ति पानै के ताँई मौको मिलै है, जैसो हमरे पियारे भईया पौलुस नै बी बा गियान सै तुमकै लिखो है, जो बाकै परमेसर सै मिलो हो।