गलातिऔ 1:6 - बुक्सा

⁶ मैं जौ बात सुनकै चौंक गओ कै तुम परमेसर सै जिसनै मसी की किरपा के दुआरा तुमकै बुलाओ बाकै इत्‍ती जल्दी छोड़कै किसी दूसरी अच्‍छी खबर की ओर जा रए हौ।

गलातिऔ 1:6 Mawu Ofanana

मरकुस 6:6

ईसु कै उनके अबिसवास की बजै सै बड़ो अचम्बो भओ। फिर ईसु गामौ मै लोगौ कै उपदेस देतो घूमल लगो।

यहून्‍ना 9:30

बा आदमी नै जबाब देते भए उनसै कैई, “अरे, जौ तौ बड़ी अजीब बात है कै तुम ना जानौ हौ कै बौ कहाँ को है, फिर बी बानै मेरी आँख ठीक कर दंई।

चेलौ के काम 15:11

पर हमरो बिसवास तौ जौ है कै परभु ईसु मसी के किरपा के दुआरा हमकै मुक्‍ति मिली है और उनकै बी मिलैगी।”

रोमियो 10:3

कैसेकै बे उस धारमिकता कै ना जानै हे जो परमेसर सै मिलै है मगर बे अपनी धारमिकता कै पक्‍को कन्‍नै मै लगे रैहबैं हैं, इसताँई उनौनै परमेसर की धारमिकता ना अपनाई।

रोमियो 5:2

मसी नै हमरे ताँई उस किरपा को दरबाजो खोलो है जिसमै हम अबी खड़े हैं, जो बिसवास के कारन हमकै मिलो है। और परमेसर की महिमा की उमीद मै हम घमंड करैं हैं।

रोमियो 8:28

और हम जानै हैं, कै जो लोग परमेसर सै पियार रक्‍खै हैं, मतलब जिसकै परमेसर नै अपनी मरजी सै बुलार खाओ है उनके ताँई सब बात मिलकै भलाई कैई लामै हैं।

रोमियो 8:30

फिर जिनकै उसनै पैलेई सै ठैराओ है, उनकै बुलाओ बी और जिनकै बुलाओ, उनकै धरमी बी ठैराओ और जिनकै धरमी ठैराओ, उनकै महिमा बी दई है।

1 कुरन्‍थियों 4:15

अगर तुमकै मसी मै देखभाल कन्‍नै बारे दस हजार बी होते, तौबी तुमरो अब्बा एकई है। कैसेकै जब मैंनै मसी ईसु की अच्‍छी खबर के बारे मै तुमकै सिकाओ है तौ तुम मेरे बालक बन गए हौ।

2 कुरन्‍थियों 11:4

कैसेकै अगर कोई आदमी आकै तुमकै ईसु मसी के परचार के अलाबा किसी और ईसु के बारे मै सिकाऐ या तुमकै कोई और आत्‍मा मिलै है, जो पैले ना मिली ही, तुमरे दुआरा अपनाई गई अच्‍छी खबर सै बी अगल अच्‍छी खबर सुनाऐ, तौ तुम बड़े अच्‍छे सै बा आदमी को सुआगत करौ हौ।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

गलातिऔ 1:11

पियारे बिसवासी लोगौ, मैं तुमकै जौ साप-साप बता दैनो चाँहौ हौं कै जो अच्‍छी खबर जिसकै मैंनै तुमकै सुनाओ, बौ किसी आदमी की ओर सै ना है।

गलातिऔ 1:15

पर परमेसर नै मैंकै तबई चुन लओ हो जब मैं अपनी अईया के गरब मै हो, और बानै अपने किरपा के दुआरा मैंकै बुलाओ हो,

गलातिऔ 1:7

पर सई मै कोई दूसरी अच्‍छी खबर हैई ना पर कुछ लोग ऐंसे हैं जो तुमरे दिल मै बैहैम डारै हैं और मसी की अच्‍छी खबर कै बिगाड़नै की सोचै हैं।

गलातिऔ 2:14

पर जब मैंनै जौ देखो कै अच्‍छी खबर की सच्‍चाई के हिसाब सै उनको चाल-चलन ना हो, तौ तबई मैंनै सबई के सामने पतरस सै कैई कै, “तुम यहूदी होते भए बी गैर यहूदी की तरै जीवौ हौ, तौ तुम गैर यहूदी लोगौ कै यहूदी रीती रिबाज माननै के ताँई काए मजबूर कर रए हौ?”

गलातिऔ 2:2

परमेसर नै मैंकै कैई और इसताँई मैं बहाँ गओ और जिस अच्‍छी खबर को मैंनै गैर यहूदी लोगौ के बीच मै परचार करो हो बाके बारे मै उनकै बताओ। हाँ सिरप उनकै बताओ हो जो जानेमाने लोग हे। कैसेकै ऐंसो ना होए कै बे काम जो मैंनै पैले करे हे और जो काम मैं कर रओ हौं बे बेकार ना जाऐ।

गलातिऔ 2:5

पर हमनै उनके सामने एक घड़ी भर के ताँई अपने घूंटे ना टेके। कैसेकै जो अच्‍छी खबर की सच्‍चाई है, बौ तुम्मै बनी रैह।

गलातिऔ 2:7

पर उन लोगौ नै जौ मान लओ कै जिस तरीका सै परमेसर नै पतरस कै यहूदी लोगौ के बीच मै अच्‍छी खबर सुनानै को काम सौंपो हो, बैसेई परमेसर नै मैंकै गैर यहूदी लोगौ के बीच मै अच्‍छी खबर सुनानै को काम सौंपो है।

गलातिऔ 5:14

कैसेकै सिगरे नियम को निचोड़ सिरप एकई बात मै छिपो है कै, “जैसो तू खुद सै पियार करै है, बैसोई दूसरौं सै बी पियार रख।”

गलातिऔ 5:4

अगर तुम जौ सोचौ हौ कै हम नियम की लिखी भई बातौं कै मानकै धरमी बन जांगे, तौ तुम अपनो रिस्ता मसी सै तोड़ौ हौ और परमेसर के किरपा के लायक बी ना रैहओगे।

2 थिसलुनीकियौ 2:14

परमेसर नै हमरी अच्‍छी खबर के परचार की बजै सै तुमकै इसताँई बुलाओ कै तुम हमरे परभु ईसु मसी की बड़ाई मै सामिल हो सकौ।

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।

1 तीमुथियुस 1:3

जैसो मैंनै मकिदुनिया मुलक मै जाते दफै तुम लोगौ सै इफिसुस सैहर मै रैहनै की बिनती इसताँई करी कै जो लोग इफिसुस मै गलत सिक्‍छा दे रए हैं, उनकै समजाऔ कै बे ऐंसो ना करैं।

2 तीमुथियुस 1:9

बानै हमकै मुक्‍ति दई है और हमकै पबित्‍तर जिन्‍दगी जीनै के ताँई बुलाओ है, जौ सबई कुछ हमरे कामौ की बजै सै ना पर बा मकसद और किरपा की बजै सै भओ है। जौ बरकत हमकै जा दुनिया के बन्‍नै सै पैलेई ईसु मसी मै देर खाई है।

2 तीमुथियुस 2:1

इसताँई ओ मेरे बेटा, तू ईसु मसी के किरपा सै तागतबर होतो जा।

1 पतरस 1:15

पर जैसे तुमकै बुलानै बारो परमेसर पबित्‍तर है, बैसेई तुम बी अपने हर एक चाल-चलन मै पबित्‍तर बनौ।

2 पतरस 1:3

परमेसर की सुरग की सकति नै हमकै बौ सब कुछ दओ है जो जिन्‍दगी और भक्‍ति के ताँई जरूरी है; और जौ सब हमनै बाके गियान पानै की बजै सै पाओ है, जिसनै हमकै अपनी बड़ाई और भलाई मै सामिल होनै के ताँई बुलाओ है।

परकासन 22:21

परभु ईसु की किरपा सबई के संग बनी रैह। ऐंसोई होए।