गलातिऔ 1:13 - बुक्सा

¹³ तुमनै जौ बात बी सुनी होगी कै जब मैं यहूदी रीती रिबाज के हिसाब सै जिन्‍दगी जीवै हो तौ मेरो चाल-चलन कैसो हो। मैंनै परमेसर के बिसवासिऔ की मंडली के लोगौ कै भौत सताओ और उनकै नास कन्‍नै की कोसिस करी।

गलातिऔ 1:13 Mawu Ofanana

चेलौ के काम 8:1

सितेफनुस की हत्‍तिया मै साऊल बी सैहमत हो। बाई दिन सै ऐरूसलेम के बिसवासिऔ की मंडली मै मुसीबत आनी सुरू हो गंई, और जो भेजे भए चेला हे उनकै छोड़कै दूसरे सिगरे बिसवासी लोग यहूदिया और सामरिया के देस सै इतै-उतै बिखर गए।

चेलौ के काम 8:3

साऊल बिसवासिऔ की मंडली के लोगौ कै मारल लगो और बौ घर घर जाकै आदमी और बईयरौं कै खचेड़ खचेड़ कै जेल मै डारल लगो।

चेलौ के काम 9:21

सिगरे सुन्‍नै बारे लोग चौंक गए और कैललगे कै, “का जौ बौई आदमी ना है, जो ऐरूसलेम मै ईसु के नाम लैनै बारौ कै नास करै हो और हिंया बी जौ जाई ताँई आओ हो कै हमकै बांधकै मुक्‍ख पुजारिऔं के धौंरे ले जाऐ?”

चेलौ के काम 9:26

बौ जब ऐरूसलेम मै पौंचौ तौ बानै चेलौ के संग मिलनै की कोसिस करी। पर सिगरे चेला बासै डरै हे कैसेकै उनकै बिसवास ना होवै हो कै जौ बी चेला बन गओ है।

1 कुरन्‍थियों 10:32

तुम लोग ना तौ यहूदिऔं के ताँई, ना गैर यहूदी लोगौ के ताँई और ना परमेसर के बिसवासिऔ की मंडली के ताँई ठोकर की बजै बनौ।

1 कुरन्‍थियों 15:9

कैसेकै मैं भेजे भए चेलौ मै सबई सै छोटो हौं, पर भेजो भओ चेला बन्‍नै के लायक ना हौं, कैसेकै मैंनै परमेसर के बिसवासिऔ की मंडली के लोगौ कै सताओ हो।

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

1 तीमुथियुस 1:13

मैं पैले मसी के खिलाप बुराई कन्‍नै बारो और सतानै बारो और अनियाय कन्‍नै बारो हो, पर तौबी मेरे ऊपर दया करी, कैसेकै मैं जे काम बिना सोचे समजे और बिना बिसवास सै करै हो।

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।