इफिसिऔ 5:3 - बुक्सा

³ तुमरे बीच मै बैबिचार को और लालच को और हर तरै के गंदे सौभाब को जिकर बी ना होए। कैसेकै ऐंसी बात परमेसर के पबित्‍तर लोगौ के ताँई अच्‍छी ना हैं।

इफिसिऔ 5:3 Mawu Ofanana

मत्‍ती 15:19

कैसेकै बुरे बिचार, कतल, पराई बईयर के संग गलत काम और जुलम, चोरी, झूँटी गभाई और चुगली जे सब मन सैई लिकरै हैं।

लूका 12:15

और ईसु नै उनसै कैई, “चौकन्‍ने रैहऔ, और हर तरै के लालच सै अपने आपकै बचाऐ रक्‍खौ कैसेकै किसी की जिन्‍दगी उसके जादा धन-दौलत रखनै सै ना चलै है।”

लूका 16:14

बहाँ कुछ फरीसी हे जो पैसा के लालची हे, ईसु की जे बात सुनकै बे उसकी मजाक उड़ाल लगे।

चेलौ के काम 15:20

पर उनकै जौ बात लिखकै भेज देईओ कै बे ना तौ बैबिचार करैं, और ना मूरती मै चढ़ाओ भओ चढ़ाबो खाँय, और ना साँस गोट कै मारे भए जनाबर के मांस कै, और ना खून कै खाँय।

चेलौ के काम 20:33

मैंनै कबी बी किसी के सौने, चाँदी और लत्‍तौ को लालच ना करो।

रोमियो 1:29

इसताँई बे सब तरै के अधरम और बुराई, लालच, दुसट कामौ सै भर गए। और बे जरन, कतल, लड़ाई, छल और नफरत सै भर गए, और चुगलखोर।

रोमियो 16:2

तुम सब परभु मै उसको सुआगत ऐंसे करौ जैसो परमेसर के लोगौ को करौ हौ, और अगर उसकै कोई जरूरत पड़ै, तौ तुम उसकी सायता करिओ, कैसेकै उसनै मेरी और भौत लोगौ की बड़ी सायता करी है।

रोमियो 6:13

तुम अपने सरीर के अंगौ कै अधरम के औजारौं जैसे पाप के हवाले मत करौ, बलकन मरे भएऔं मै सै जी उठनै बारौं के जैसे परमेसर के हवाले कर दो। और अपने सरीर के अंगौ कै धरम के औजारौं के रूप मै परमेसर के हवाले कर दो।

1 कुरन्‍थियों 10:8

और ना हमकै कुकरम कन्‍नो चँईऐ, जैसे उनमै सै भौतौं नै करो हो, इसताँई उनमै सै तेईस हजार एकई दिन मै मर गए।

1 कुरन्‍थियों 5:1

तुमरे बारे मै मैंनै जौ तक सुनो है कै, तुमरे बीच मै कुकरम होवै हैं, पर ऐंसो जो गैर यहूदी लोगौ मै बी ना पाओ जावै है, कै एक लौंड़ा अपने अब्बा की बईयर कै रख लै।

1 कुरन्‍थियों 6:13

ऐंसो कोई बोलै कै, “रोटी पेट के ताँई, और पेट रोटी के ताँई है।” पर परमेसर दौनौ कै मिटा देगो। पर जौ सरीर कुकरम कन्‍नै के ताँई ना है, बलकन परभु के सेवा ताँई है, और परभु हमरे सरीर की देखरेख कन्‍नै के ताँई है।

1 कुरन्‍थियों 6:18

कुकरम कन्‍नै सै बचे रौह, जो बी गलत काम आदमी करै है बौ सरीर सै बाहार है, पर जो आदमी बईयरौं सै कुकरम करै है बौ अपनेई सरीर के खिलाप पाप करै है।

2 कुरन्‍थियों 12:21

मैंकै जा बात को डर है कै जब मैं फिर तुमरे धौंरे बापस आंगो तौ कहीं मेरो परमेसर तुमरे सामने मेरी बेजती करै और मैंकै उन लोगौ मै सै जिन्‍नै पैले भौत पाप करो हो और उनके गंदे काम, कुकरम, लुचपन बारी जिन्‍दगी सै मन ना फिरानै की बजै सै मैंकै रोनो पड़ै।

इफिसिऔ 5:12

कैसेकै जो काम बे चोरी-चोरा करै हैं, उन कामौ की बात कन्‍नै मै बी सरम आवै है।

इफिसिऔ 5:5

कैसेकै तुम जौ बात कै जानौ हौ कै बैबिचार कन्‍नै बारो और गन्‍दे काम कन्‍नै बारो और लालची आदमी एक मूरती पूजा कन्‍नै बारे आदमी के बराबर है और बौ मसी और परमेसर के राज मै कबी ना जा सकै है।

फिलिप्‍पीऔ 1:27

सिरप इतनो करौ कै तुमरो चाल-चलन मसी की अच्‍छी खबर के लायक हो जाऐ कै चाँहे मैं आकै तुमकै देखौं या ना बी आऔं, पर मैं तुमरे बारे मै बस जौई सुनौं कै तुम सब एक आत्‍मा मै टिक जाऔ और एक मन हो कै, एक संग मिलकै अच्‍छी खबर के बिसवास के ताँई मैहनत करते रैहऔ।

कुलुसिऔं 3:5

इसताँई तुम बी अपने सरीर की उन बातौं कै खतम कर दो, जो जा दुनिया की हैं, मतलब बैबिचार, गंदे काम, गंदी सोच, गंदी बात कन्‍नै की इच्‍छा, लालच जे सबई मूरती पूजा के बराबर हैं।

1 थिसलुनीकियौ 4:3

परमेसर की इच्‍छा जौ है कै तुम पबित्‍तर बने रौह और बैबिचार सै बचे रौह।

1 थिसलुनीकियौ 4:7

कैसेकै परमेसर नै हमकै असुद्‍द ना पर पबित्‍तर होनै के ताँई बुलाओ है।

1 तीमुथियुस 2:10

पर जो बईयरैं परमेसर के बचन की रस्ता मै चलै हैं। उनके ताँई जौ है कै बे भले कामौ सै अपने आपकै सजाऐं।

1 तीमुथियुस 3:3

बौ ना तौ दारू पीनै बारो और ना लड़ाई कन्‍नै बारो होए पर सरीप होनो चँईऐ, और बौ नाई बैहैस कन्‍नै बारो और ना लालच कन्‍नै बारो होए।

1 तीमुथियुस 6:10

कैसेकै पैसा को लालच हर तरै की बुराई की जड़ है, और कुछ लोग सेट बन्‍नै के लालच मै आकै बिसवास सै भटक गए और बे भौत दुख झेलै हैं।

2 तीमुथियुस 3:2

कैसेकै आदमी खुदई के बारे मै सोचनै बारो, लालची, गप्‍पी, घमंड कन्‍नै बारो, परमेसर की बुराई कन्‍नै बारो, अईया-अब्बा को कैहनो ना माननै बारो, दया ना कन्‍नै बारो, अपबित्‍तर,

तीतुस 1:11

इनको मौह बन्‍द कन्‍नो चँईऐ। जे लोग नीच कमाई के ताँई जो बात ना सिकानी चँईऐ उन बातौं कै बी सिकाकै घर के घर बिगाड़ देवै हैं।

तीतुस 1:7

कैसेकै अगुबा कै परमेसर को काम सौंपो गओ है, इस बजै सै उसकै निरदोस होनो चँईऐ, ना हटी, ना घुस्सा कन्‍नै बारो, ना पियक्‍कड़, ना मारपीट कन्‍नै बारो, और ना नीच कमाई को लालची हो,

तीतुस 2:3

इसई तरै बुड्‍ढी बईयरौं को चाल-चलन पबित्‍तर लोगौं जैसो हो, बे चुगली कन्‍नै बारी और पियक्‍कड़ ना हौं, पर अच्‍छी बात सिकानै बारी हौं

इबरानिओ 12:16

ऐंसो ना होए, कै तुम्मै सै कोई बी कुकरम कन्‍नै बारो या ऐसाब के हाँई बिना परमेसर को हो जाऐ, जिसनै एक दफै की रोटी के ताँई बड़ो लौंड़ा होते भए अपने हक कै बेच दओ।

1 पतरस 5:2

जो तुमरे बीच मै परमेसर के लोग हैं उनकी रखबारी करौ; पर जौ दबाब सै ना और नाई बुरी कमाई के ताँई बलकन जौ परमेसर की इच्‍छा सै और अपनी खुसी सै करौ।

2 पतरस 2:10

खास करकै ऐंसे लोग जो बुरी इच्‍छाऔं के संग सरीर कै लेकै चलै हैं और बड़े अधकारिऔं कै बेकार समजै हैं; बे घमंडी और जिद्‍दी हैं और महिमा मै रैहनै बारौ कै बुरो भलो कैनै सै पिच्‍छे बी ना हटैं हैं।

2 पतरस 2:14

उनकी आँख बैबिचार सै भरी भई हैं और उनके भीतर हमेसा पाप की इच्‍छा बनी रैहबै है; जिनके मन जल्दी बहक जावै हैं उनकै बे बहला और फुसला लेबै हैं, उनको मन लालच मै भौत तेज है, और बे सरापित औलाद हैं।

2 पतरस 2:3

अपने फाएदा के ताँई झूँटे सिकानै बारे अपनी बनाई भई बातौं सै तुमसै पैसा कमांगे। उनकी सजा पैलेई सै ठैराई जा चुकी है और उनको नास होनैई बारो है।

परकासन 2:14

“पर मैंकै तेरे खिलाप कुछ कैनो है, कैसेकै तेरे हिंया कुछ ऐंसे आदमी हैं, जो बिलाम की सिक्‍छा कै मानै हैं, जो राजा बालाक कै सिकाबै हो कै ईसराइलिऔ कै ठोकर खवाय, कै बे मूरतिऔं मै चढ़ाई गई चीज खाँय और बईयरौं सै गलत काम करैं।

परकासन 2:21

मैंनै बाकै मन फिरानै के ताँई मौको दओ, पर बौ अपने रन्डीपने सै मन फिरानो ना चाँहै है।

परकासन 21:8

मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”

परकासन 22:15

पर कुत्‍ता, जादू-टोना कन्‍नै बारे, बैबिचारी लोग, खूनी लोग, मूरती पूजा कन्‍नै बारे, और हर एक झूँट बोलनै बारे और झूँट सै पियार कन्‍नै बारे, बाहारई रैहंगे।

परकासन 9:21

उनौनै हत्‍तियाऔ, जादू टौना, बईयरौं सै गलत काम और चोरी चकारी सै मन ना फिराओ।