इफिसिऔ 4:2 - बुक्सा

² तुम नमरता और लाड़ और सबर के संग हमेसा आपस मै पियार सै एक दूसरे की सैह लो,

इफिसिऔ 4:2 Mawu Ofanana

मत्‍ती 11:29

मेरो जुआ अपने ऊपर उठा लो, और मैंसै सीकौ, मैं सौभाब सै नमर और दीन हौं, और तुम अपने मन मै सान्‍ति पाऔगे।

मरकुस 9:19

ईसु नै उनकै जबाब देकै कैई कै, “हे अबिसवासी लोगौ, मैं कब तक तुमरे संग रैहंगो? और कब तक तुमरी सैहंगो? बा लौंड़ा कै मेरे धौंरे लिआऔ।”

चेलौ के काम 20:19

और यहूदी लोगौ के कपट की बजै सै मैंकै बेसानी दुख और परेसानी आँई। पर मैं रो रो कै दीन आदमी के हाँई परभु को काम करतो रैहओ।

रोमियो 15:1

हम जो बिसवास मै पक्‍के हैं तौ हमकै उन लोगौ की बात सैहनी चँईऐ जो बिसवास मै कमजोर हैं। ना कै अपने आपकै खुस कन्‍नो चँईऐ।

1 कुरन्‍थियों 13:7

पियार सिगरी बातौं कै बरदास करै है, और सिगरी बातौं के ऊपर भरोसो रक्‍खै है, और सिगरी बातौं मै उमीद और सबर रक्‍खै है।

गलातिऔ 6:2

एक दूसरे को बोज उठाऔ और ऐंसे तुम मसी के नियमौ कै पूरो करौ हौ।

इफिसिऔ 1:4

दुनिया बनानै सै पैलेई परमेसर नै हमकै मसी मै छाँट लओ हो कै, हम बाके सामने पबित्‍तर और निरदोस बन सकैं। और जो पियार बौ हम सै करै है, बा बजै सै बानै ईसु मसी के दुआरा हमकै पैलेई अपनी औलाद ठैराओ और जौ बाई की मरजी और योजना ही।

कुलुसिऔं 1:11

तुम परमेसर की महिमा की सकति के हिसाब सै हर तरै की सकति सै मजबूत होते जाऔ, जिस्सै कै तुम सब तरै के सबर कै दिखा सकौ और सैह सकौ।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

2 तीमुथियुस 2:25

जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्‍चाई कै पैचान सकैं,

याकूब 1:21

इसताँई सिगरो मैलोपन और जो बुराई फैली हैं बाकै दूर करकै, बा बचन कै अपनाऔ जो तुमरे दिल मै बोओ गओ है और जो तुमरे पिरान कै बचा सकै है।

1 पतरस 3:15

पर मसी कै अपनी जिन्‍दगी मै सच्‍चे मन सै परभु मानकै पबित्‍तर समजौ, और जो उमीद तुमरी मसी मै है अगर बाके बारे मै कोई पूँछै तौ बाकै जबाब दैनै के ताँई तईयार रौह, पर पियार और आदर के संग।

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।