इफिसिऔ 4:18 - बुक्सा

¹⁸ और उनकी अकल मै पत्‍थर पड़ गओ है और समज ना होनै की बजै सै और उनके मन जिद्‍दी होनै की बजै सै बे परमेसर की जिन्‍दगी सै अगल करे गए हैं।

इफिसिऔ 4:18 Mawu Ofanana

मत्‍ती 13:15

कैसेकै इन लोगौ की बुद्‍धि मारी गई है, इनौनै अपने कान बन्‍द करर खाए हैं, और अपनी आँख मूँद लंई हैं, ना तौ अगर बे आँखौ सै देखते, और कानौ सै सुनते, बुद्‍धि सै समजते और मेरी ओर लौहट आते तौ मैं इनकै भलो चंगो कर देतो।’

मरकुस 3:5

उनके मन की कठोरता देक्‍कै ईसु कै दुख भओ फिर ईसु नै घुस्सा मै भरकै चारौ ओर देखो और उस आदमी सै कैई, “अपनो हात बढ़ा,” उसनै ऐंसोई करो और बाको हात ठीक हो गओ।

यहून्‍ना 12:40

“बानै उनकी आँख अन्धी कर दंई, और बानै उनको मन जिद्‍दी कर दओ, कहीं ऐंसो ना हो कै बे आँखौ सै देखैं और बुद्‍धि सै समजै और मन फिराऐ और मैं उनकै ठीक करौं।”

चेलौ के काम 17:30

अब तक परमेसर नै उनसै उनको लेखो ना लेओ पर अब तुमरे ताँई बाको जौ हुकम है कै तुम अपने पापौं सै मन फिराऔ।

चेलौ के काम 3:17

“हे भईयौ, अब मैं जानौ हौं कै जौ काम तुमनै मूरखता सै करो है, बैसेई तुमरे नेताऔं नै बी करो।

रोमियो 1:28

जब उनौनै परमेसर को सच्‍चो गियान पानो सई ना समजो, तौ परमेसर नै बी उनकै जो ना सोचनो चँईऐ, बौई सोचनै के ताँई और जो ना कन्‍नो चँईऐ बौई कन्‍नै के ताँई छोड़ दए।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

रोमियो 11:7

तौ इस्सै का? ईसराइल के लोग जिसकै ढूंड़ रए हैं, बौ उनकै ना मिलो। मगर चुने भए लोगौ कै बौ मिल गओ, और बाकी के लोगौ को दिल कठोर बन गओ।

रोमियो 2:19

गियान और सच्‍चाई की खास बात जो नियम मै है, मैंकै मिली है इसताँई तू जो अपने आप मै भरोसो रक्‍खै है, कै मैं अन्धौ कै रस्ता दिखानै बारो और इन्धेरे मै पड़े भए की जोती, और मूरखौं कै सिकानै बारो, और बालकौ कै सिक्‍छा दैनै बारो हौं।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

1 कुरन्‍थियों 2:8

और जा दुनिया को कोई बी राजा इन बुद्‍धि की बातौं कै ना समजो। अगर समज पाते तौ बे महिमा के परभु कै कुरूस मै ना चढ़ाते।

2 कुरन्‍थियों 3:14

पर ईसराइली लोगौ की अकल नै काम कन्‍नो बन्‍द कर दओ हो। कैसेकै आज बी बे जब जा पुराने नियम कै पढ़ै हैं, तौ उनके अकल मै बैसोई परदा लगो पड़ो है, और बौ परदा कै सिरप मसी हटा सकै है।

2 कुरन्‍थियों 4:4

सैतान जा दुनिया को देबता है, और बानै उन लोगौ की बुद्‍धि बन्‍द करर खाई है, और बे मसी मै बिसवास ना करै हैं जो परमेसर को रूप है, जो मसी की अच्‍छी खबर की महिमा की चमक कै ना देख सकै हैं।

गलातिऔ 4:8

पर जब तुम परमेसर कै ना जानै हे, तौ तुम उन देबताऔ के गुलाम हे, जो सच्‍ची मै परमेसर ना हे।

इफिसिऔ 2:1

एक बखत हो जब तुम अपने बुरे कामौ और पापौं की बजै सै मरे भए हे।

इफिसिऔ 2:12

याद रक्‍खौ कै पैले तुम बिना मसी के हे, और ईसराइल के बिरादरी सै बी बाहार हे। तुम बा करारनामे सै जो परमेसर नै अपने लोगौ के संग करो हो अनजान हे, और जा दुनिया मै तुम बगैर आस के और बिना परमेसर के जी रए हे।

कुलुसिऔं 1:21

एक बखत ऐंसो हो कै तुमरी बुरी सोच और बुरे कामौ की बजै सै तुम परमेसर सै दूर और बाके बिरोदी हे।

1 थिसलुनीकियौ 4:5

जो लोग परमेसर कै ना जानै हैं और ना बाके ऊपर बिसवास करै हैं। उन लोगौ के हाँई सरीर की गंदी इच्‍छा कै पूरी कन्‍नै के ताँई तुम ना सोचिओ।

इबरानिओ 5:2

बौ उनके संग अच्‍छो बरताब करै है, जो अनजाने मै पाप करै हैं और जो भटके भए हैं। कैसेकै बौ खुद बी कमजोर है और पाप मै पड़ सकै है।

इबरानिओ 9:7

पर जो तम्बू के भीतर को कमरा है बामै सिरप बड़ो पुजारी साल मै एक दफै जावै है और बौ खून लेए बिना ना जावै है और बा खून कै अपने पापौं के ताँई और अनजाने मै करे भए लोगौ के पापौं के ताँई चढ़ाबै है।

याकूब 4:4

बैबिचार कन्‍नै बारौ का तुम जौ ना जानौ हौ, कै दुनिया सै दोस्ती कन्‍नी परमेसर सै दुसमनी कन्‍नै के बराबर है? इसताँई जो कोई दुनिया सै दोस्ती कन्‍नो चाँहै है बौ परमेसर को दुसमन बन जावै है।

1 पतरस 1:14

पैले तुम नासमज हे और अपनी बुरी इच्‍छाऔं के हिसाब सै चलै हे पर अब तुम परमेसर के आगियाँ माननै बारे बालक हौ इसताँई अब तुम बा बुरी इच्‍छा के हिसाब सै ना चलौ।

1 यहून्‍ना 2:11

पर जो अपने भईया सै नफरत करै है, बौ इन्‍धेरे मै है और इन्‍धेरे मै चलै है। बौ जौ ना जानै है कै बौ कहाँ जा रओ है, कैसेकै इन्‍धेरे नै बौ अन्धो बना दओ है।