इफिसिऔ 4:12 - बुक्सा

¹² जिस्सै परमेसर नै पबित्‍तर लोगौ कै सेवा के काम के ताँई तईयार करो जिस्सै कै मसी मै बिसवास कन्‍नै बारे लोगौ की बढ़ौतरी होए।

इफिसिऔ 4:12 Mawu Ofanana

लूका 22:32

पर मैंनै तेरे ताँई पिराथना करी है कै तेरो बिसवास ना डगमगाय और जब तू बापस मेरे धौंरे लौहट आए तौ अपने भईयौ को बिसवास मजबूत बना।”

चेलौ के काम 1:17

कैसेकै बौ हमरे संगई गिनो गओ और बा सेवा मै बी बौ हमरे संगई हो।”

चेलौ के काम 1:25

कै बौ जा सेवा के काम कै और भेजे भए चेला की जघै कै पूरी करै, जिस्सै आजाद होकै यहूदा सजा काटनै के ताँई चलो गओ जो बाके ताँई चुनी गई ही।”

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

चेलौ के काम 20:28

इसताँई तुम अपनी और अपने लोगौ की देखभाल करौ, जिसके ताँई तुमकै पबित्‍तर आत्‍मा नै चुनो है, कैसेकै तुम बिसवासिऔ की मंडली के लोगौ के ताँई ऐंसे हौ जैसे गड़रिया भेड़ौ के झुन्ड के ताँई है। जिसकै परमेसर नै अपने लौंड़ा को खून देकै मोल लओ है।

चेलौ के काम 9:31

इस तरै सै सिगरे यहूदिया, गलील और सामरिया के बिसवासिऔ की मंडली के लोगौ कै चैन मिलो और बे परभु को डर मानते भए और पबित्‍तर आत्‍मा की सायता सै उनकी तरक्‍की, और संखिया बढ़ती गई।

रोमियो 12:5

बैसेई हम भौस्से हैं, पर मसी मै हम एकई सरीर हैं, और ऐंसेई सबई एक दूसरे सै जुड़ जावै हैं।

रोमियो 12:7

अगर जिसकै सेवा को बरदान मिलो है, तौ बौ सेवा मै लगो रैह, और अगर किसी कै सिकानै को बरदान मिलो है तौ बौ सिकातो रैह।

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

रोमियो 15:2

हम्मै सै हर एक कै दूसरौं की भलाई और बढ़ौतरी के ताँई उनसै ऐंसो बरताब कन्‍नो चँईऐ कै बे हम सै खुस रैंह।

रोमियो 15:29

और मैं जानौ हौं कै जब मैं तुमरे धौंरे आंगो तौ तुमरे ताँई मसी की पूरी आसीस के संग आंगो।

1 कुरन्‍थियों 12:27

ऐंसेई तुम बी मसी को सरीर हौ और तुम्मै सै हर एक आदमी बाको एक-एक अंग है।

1 कुरन्‍थियों 12:7

पर सबकै फाएदा पौंचनै के ताँई हर एक कै आत्‍मा की सकति देई जावै है।

1 कुरन्‍थियों 14:12

इसताँई जब तुम बी पबित्‍तर आत्‍मा के बरदान पानै की ताख मै लगे हौ तौ ऐंसी कोसिस करौ कै जो बरदान तुमकै मिल रए हैं, उन बरदानौ सै बिसवासिऔ की मंडली के लोग बी बढ़ैं।

1 कुरन्‍थियों 14:14

कैसेकै अगर मैं दूसरी भासा मै पिराथना करौ हौं, तौ मेरी आत्‍मा तौ पिराथना करै है, पर मेरी अकल कामई ना करै है।

1 कुरन्‍थियों 14:26

अरे भईयौ और बहनौ, फिर का कन्‍नो चँईऐ? जब तुम इखट्‍टे होबौ, तौ तुम्मै सै कोई भजन गावै, कोई कुछ सिकानै की बात, कोई परमेसर की ओर सै खास सन्‍देसो बताबै, और कोई किसी दूसरी दूसरी भासा मै बोलै है, तौ कोई बाको मतलब बताबै। जे सिगरी बात बिसवासी लोगौ कै आत्‍मिक रूप सै बढ़नै के ताँई होनी चँईऐ।

2 कुरन्‍थियों 12:19

का तुम जौ समजौ हौ कै हम जौ सब तुमरे सामने अपने बचाब के ताँई कैरए हैं? पर हम तौ परमेसर के सामने मसी के सेवक बनकै बोल रए हैं। पियारे लोगौ, जो कुछ हम कर रए हैं, बौ सब तुमरी बढ़ौतरी के ताँई है।

2 कुरन्‍थियों 13:11

हे भईयौ और बहनौ, खुस रौह। अब मैं तुमसै बिदा चाँहौ हौं, अपनो चाल-चलन सई रक्‍खौ, और बैसोई करिओ जैसो मैंनै कैई है, एकई सोच रक्‍खौ और सान्‍ति सै रैहऔ, पियार और सान्‍ति को परमेसर तुमरे संग रैह।

2 कुरन्‍थियों 13:9

जब हम कमजोर और तुम तगड़े हौ, तौ हमकै खुसी होवै है और पिराथना करै हैं कै तुम पक्‍के हो जाऔ।

2 कुरन्‍थियों 3:8

तौ फिर परमेसर की आत्‍मा को नियम और बी जादा चमक सै भरो भओ काए ना होगो?

2 कुरन्‍थियों 4:1

कैसेकै परमेसर की दया सै जौ सेवा हमकै मिली है, जिसके ताँई हम हिम्मत ना हारै हैं।

2 कुरन्‍थियों 5:18

जे सिगरी बात परमेसर की ओर सै हैं, जिसनै मसी के दुआरा अपने संग मेल करबाओ, और हमकै दूसरे लोगौ के संग परमेसर सै मेल कन्‍नै के ताँई सेवा दई है।

2 कुरन्‍थियों 6:3

हम हर एक बात मै धियान देवै हैं जिस्सै कै हमरे ऊपर उंगरिआ उठानै को मौको ना मिलै, और ना हमरी सेवा के काम मै कोई कलंक लगै।

2 कुरन्‍थियों 7:1

हे मेरे पियारे सातिऔं, जब हमकै जे बादे मिले हैं, तौ आऔ हम बा चीज कै सुद्‍द करैं जो हमरे सरीर और आत्‍मा कै असुद्‍द बनाबै हैं, और परमेसर को डर मानते भए पबित्‍तर बनौ।

इफिसिऔ 1:23

बिसवासिऔ की मंडली मसी को सरीर है, और जौ बाकी भरपूरी है। और मसी सबई मै सबई कुछ पूरो करै है।

इफिसिऔ 4:16

जिसकी बजै सै सिगरो सरीर जोड़ मै बंधकै और एक संग मिलकै पियार मै बढ़तो जाऐ कैसेकै सिगरे अंग अपने आप खुद ठीक ठाक काम करै हैं।

इफिसिऔ 4:29

तुमरे मौह सै कोई बी गलत बात ना लिकरै, पर जरूरत के हिसाब सै बौई लिकरै जो उनके अग्गे बढ़ानै के ताँई अच्‍छो है जिस्सै कै उन सुन्‍नै बारौ के ऊपर उस्सै भलो होए।

इफिसिऔ 4:4

एकई सरीर है, एकई आत्‍मा है, और एकई आस है जिसके ताँई परमेसर नै तुमकै बुलार खाओ है।

कुलुसिऔं 1:24

इस बखत तुमरे ताँई मैं जो बी मुसीबत उठा रओ हौं, बाके बजै सै मैं खुस हौं। मसी को सरीर मतलब बिसवासिऔ की मंडली के ताँई मसी के दुख उठानै की जो बी कसर मेरी रैह गई है, बौ मैं अपने सरीर मै लेकै पूरी करौ हौं।

कुलुसिऔं 1:28

हमकै जो गियान मिलो पड़ो है बाको परचार करते भए हम हर एक आदमी कै चौकस करै हैं, और गियान की बात सिकाबै हैं जिस्सै कै हम हर एक आदमी कै मसी मै मजबूत करकै परमेसर के सामने खड़ो कर सकैं।

कुलुसिऔं 4:17

और तुम अरखिपुस सै ऐंसे कैईयो कै, “जो सेवा परभु नै तेकै दई है बाकै पूरी कन्‍नै के ताँई होसिआर रैहईए।”

1 तीमुथियुस 1:12

मैं अपने परभु ईसु मसी को धन्‍नबाद देवौ हौं, जिसनै मैंकै सकति देई और बिसवासजोग समजकै अपनी सेवा के काम के ताँई चुनो है।

2 तीमुथियुस 4:11

मेरे धौंरे बस लूका है। जब तू मेरे धौंरे आगो तौ मरकुस कै बी अपने संग लईए, कैसेकै सेवा के काम मै बौ मेरी सायता करै है।

2 तीमुथियुस 4:5

और तू सिगरी बातौं मै चौकस रैह, दुख सैह, अच्‍छी खबर के परचार को काम कर और अपनी सेवा पूरी कर।

इबरानिओ 13:17

अपने अगुबौं की बात मानौ और बाके हक मै रैहईओ, कैसेकै बौ तुमरी जिन्‍दगी की चौकसी करै है कैसेकै उन अगुबौं कै परमेसर के सामने लेखो-जोखो दैनो है। बे जौ काम खुसी के संग करैं, ना की रो रो कै। अगर बे दुख सै करैं तौ तुमकै कुछ फाएदा ना है।

इबरानिओ 6:1

आऔ हम मसी की सुरू की सिक्‍छा सै और अग्गे बढ़कै समजदार हो जाँय, जिस्सै कै बुनियाद की सिक्छा फिर सै सिकानी ना पड़ै जैसे मौत की ओर लेजानै बारे बुरे कामौ सै मन फिरानो, परमेसर मै बिसवास कन्‍नो,