इफिसिऔ 3:1 - बुक्सा

¹ इसताँई मैं पौलुस, मसी ईसु के सेवा कन्‍नै की बजै सै कैदी बनो जिस्सै कै तुम गैर यहूदी लोगौ की भलाई होए।

इफिसिऔ 3:1 Mawu Ofanana

लूका 21:12

पर इन सब बातौं सै पैले मेरे नाम के बजै सै बे तुमकै पकड़ंगे और सतांगे, और फैसला के ताँई पंचातौ कै सौंप दंगे, और जेल मै डार दंगे, और राजाऔं और अधकारिऔं के सामने ले जांगे।

चेलौ के काम 21:33

और तबई सैनापति पौलुस के धौंरे आओ और बाकै पकड़ लओ, और दो साँकर सै बांधनै के बाद हुकम देकै पूँछो, “जौ कौन है, और जानै का करो है?”

चेलौ के काम 23:18

इसताँई बानै बाकै सैनापति के धौंरे ले जाकै कैई, “कैदी पौलुस नै मैंकै तेरे धौंरे भेजो है और जौ लौंड़ा कै तेरे धौंरे पौंचानै के ताँई बिनती करी, कैसेकै जौ तेसै कुछ कैनो चाँहै है।”

चेलौ के काम 26:29

पौलुस नै कैई कै, “जल्दी या देर सैई पर मेरी परमेसर सै जौ बिनती है कै, तूई ना पर जित्‍ते बी लोग मेरी आज सुन रए हैं, सिरप इन साँकरौ कै छोड़कै, बे मेरे हाँई हो जांगे।”

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

2 कुरन्‍थियों 1:6

अगर हम दुख झेलै हैं, तौ बौ तुमरी सायता और मुक्‍ति के ताँई है, और अगर हमकै तसल्‍ली मिलै है। तौ जौ तुमरी तसल्‍ली के ताँई है, और बाईके असर की बजै सै तुम सबर के संग दुख कै सैह लेबौ हौ, जिसकै हम बी सैहबैं हैं।

2 कुरन्‍थियों 10:1

मैं पौलुस जो मसी की दीनता और दया की बजै सै तुमसै बिनती करौ हौं। पर कुछ लोग कैबै हैं कै जब मैं तुमरे धौंरे होबौ हौं तौ नमर हौं पर जब दूर हौं तौ कठोर हौं।

2 कुरन्‍थियों 11:23

का बेई मसी के सेवक हैं? पर एक पागल आदमी के हाँई मैं जौ कैबौ हौं कै मैं तौ उनसै बी बड़ो मसी को सेवक हौं। मैंनै भौत मैहनत करी, और बेरमबेरा जेल मै बी गओ, और मैंकै बेरमबेरा बेसानी पीटो, और मेरो कई दफै मौत सै सामनो बी भओ है।

गलातिऔ 5:11

ओ भईयौ और बहनौ, अगर मैं अब तक खतना को परचार करौ हौं, तौ लोग मैंकै काए सता रए हैं? और अगर जौ सच होतो, तौ मसी के कुरूस के बारे मै जो मैं सिकाबौ हौं बासै कोई परेसानी ना होती।

गलातिऔ 5:2

सुनौ, मैं पौलुस तुमसै जौ कैबौ हौं कै, अगर तुम अपनो खतना कराऔगे, तौ मसी सै तुमकै कुछ बी फाएदा ना होगो।

गलातिऔ 5:24

और जो लोग मसी ईसु के हैं, उनौनै अपने सरीर कै गहरी इच्‍छा और बुरी इच्‍छा के संग कुरूस मै चढ़ा दओ है।

इफिसिऔ 3:11

परमेसर नै अपने मन मै जौ मकसद हमेसा सै रखर खाओ हो, बौ बानै हमरे परभु ईसु मसी के दुआरा पूरो करो।

इफिसिऔ 3:13

इसताँई मैं तुमसै जौ बिनती करौ हौं कै जो कसट मैं तुमरे ताँई झेल रओ हौं बा बजै सै तुम हिम्मत ना हारिओ, कैसेकै इन मैई तुमरी बड़ाई है।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

इफिसिऔ 4:1

इसताँई मैं परभु मै होनै की बजै सै जेल मै हौं, और तुम लोगौ सै बिनती करौ हौं कै तुमकै अपनी जिन्‍दगी बैसेई जीनी चँईऐ जैसे परमेसर नै तुमकै बुलार खाओ है।

इफिसिऔ 6:20

जिसकी बजै सै मैं साँकर सै बंधो भओ राजदूत हौं। पिराथना करिओ कै, जिस तरीका सै मैंकै बोलनो चँईऐ, मैं बैसेई बिना डरे अच्‍छी खबर कै बोल सकौं।

फिलिप्‍पीऔ 1:7

तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

कुलुसिऔं 1:24

इस बखत तुमरे ताँई मैं जो बी मुसीबत उठा रओ हौं, बाके बजै सै मैं खुस हौं। मसी को सरीर मतलब बिसवासिऔ की मंडली के ताँई मसी के दुख उठानै की जो बी कसर मेरी रैह गई है, बौ मैं अपने सरीर मै लेकै पूरी करौ हौं।

कुलुसिऔं 4:18

मैं पौलुस, खुद अपने हात सै तुमकै जौ नमस्कार लिख रओ हौं। जौ बात याद रखिओ कै मैं जेल मै हौं और तुमरे ऊपर परमेसर की किरपा होती रैह।

कुलुसिऔं 4:3

और जाके संग-संग तुम हमरे ताँई बी पिराथना करौ, जिस्सै परमेसर हमकै बचन सुनानै के ताँई ऐंसी रस्ता खोल दै कै, हम मसी की बा गुप्‍त बात के बारे मै बता सकैं जिसकी बजै सै मैं कैद मै हौं।

2 तीमुथियुस 1:16

उनेसिफुरूस के टब्बर के ऊपर परभु दया करै कैसेकै बानै मेरे दिल कै कई दफै तसल्‍ली दई है और मेरे जेल मै रैहनै सै बाकी खोपड़ी सरम सै नीची ना भई।

2 तीमुथियुस 1:8

इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्‍छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।

फिलेमौन 1:1

हमरे पियारे दोस्त और संग काम कन्‍नै बारे फिलेमौन और तुमरे घर मै होती भई बिसवासिऔ की मंडली, और हमरी बहन अफिया और हमरे साती सिपाई अरखिपुस के नाम मसी ईसु के ताँई कैदी बने पौलुस और हमरे भईया तीमुथियुस की ओर सै,

फिलेमौन 1:23

मसी ईसु के ताँई मेरे संग के कैदी, इपफरास

फिलेमौन 1:9

फिर बी उस पियार के कारन मैं तुमसै बिनती कन्‍नो ठीक समजौ हौं। मैं पौलुस, जो अब बुड्‍ढो हो गओ हौं और मसी ईसु के ताँई अब कैदी बी बन चुको हौं।

परकासन 2:10

जो दुख तेकै झेलने पड़ंगे, उनसै मत डर, कैसेकै देखौ, सैतान तुम्मै सै, कुछ कै जेलखाने मै डान्‍नै बारो है कै तुम परखे जाऔगे और तुमकै दस दिन तक सताओ जागो। तू मौत को सामनो करते बखत बी बिसवास मै ईमानदार रैह और मैं तेकै जिन्‍दगी को मुकट दंगो।