इफिसिऔ 2:5 - बुक्सा

⁵ जब हम अपने अपरादौं की बजै सै मरे भए हे, फिर बी बानै हमकै मसी के संग फिर सै जिन्‍दो करो। परमेसर की किरपा होनै सैई तुमकै मुक्‍ति मिली है।

इफिसिऔ 2:5 Mawu Ofanana

लूका 15:24

कैसेकै मेरो जौ लौंड़ा मर गओ हो, पर अब फिर जिन्‍दो हो गओ है: पैले खो गओ हो, अब मिल गओ है: और बे खुसी मनाल लगे।

यहून्‍ना 5:21

जैसे अब्बा मरे भएऔं कै जिन्‍दो करकै जिन्‍दगी देवै है, बैसेई लौंड़ा बी जिनकै चाँहबै है उनकै जिन्‍दगी देवै है।

यहून्‍ना 6:63

आत्‍माई है जो जिन्‍दगी देवै है, और सरीर सै कुछ फाएदा ना है। जो बचन मैंनै तुमसै कैए हे, बे आत्‍मा और जिन्‍दगी हैं।

चेलौ के काम 15:11

पर हमरो बिसवास तौ जौ है कै परभु ईसु मसी के किरपा के दुआरा हमकै मुक्‍ति मिली है और उनकै बी मिलैगी।”

रोमियो 16:20

सान्‍ति को परमेसर सैतान कै जल्दीई तुमरे पाँऐऔं के नीचे किचलैगो। हमरे परभु ईसु की किरपा तुमरे ऊपर बनी रैह।

रोमियो 3:24

ईसु मसी मै जो छुटकारो है उस छुटकारे की बजै सै परमेसर हमकै अपनी किरपा सै मुफत मै धरमी बना रओ है।

रोमियो 4:16

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

रोमियो 5:10

कैसेकै जब हम परमेसर के दुसमन हे, तौ उसनै अपने लौंड़ा की मौत के दुआरा हमरो मेल अपने संग कराओ है, और अब मेल हो चुको है तौ हम मसी जिन्‍दगी दुआरा मुक्‍ति काए ना पांगे?

रोमियो 5:6

कैसेकै हम जब कमजोर हे, तौ सई टैम मै हम अधरमी लोगौं के ताँई मसी नै अपनी जान दई।

रोमियो 5:8

पर परमेसर नै हमरे ऊपर अपनो पियार दिखाओ। जबकि हम तौ पापी हे, तब्बी मसी नै हमरे ताँई अपनी जान दे दई।

रोमियो 8:2

कैसेकै आत्‍मा के नियम नै, जो ईसु मसी दुआरा जिन्‍दगी देवै है, मैंकै पाप के नियम और मौत सै आजाद करो है।

2 कुरन्‍थियों 13:14

परभु ईसु मसी की किरपा और परमेसर को पियार और पबित्‍तर आत्‍मा को सात तुम सबई जनी के संग बनो रैह।

इफिसिऔ 2:1

एक बखत हो जब तुम अपने बुरे कामौ और पापौं की बजै सै मरे भए हे।

इफिसिऔ 2:8

कैसेकै परमेसर की किरपा के दुआरा बिसवास की बजै सैई तुमकै मुक्‍ति मिली है जौ तुमकै खुद की बजै सै ना मिलो है बलकन जौ तौ परमेसर को बरदान है।

इफिसिऔ 5:14

कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै, “ओ सोनै बारे जगौ, और मरे भएऔं मै सै जिन्‍दे हो जाऔ, और मसी को उज्‍जेरो तुमरे ऊपर चमकैगो।”

कुलुसिऔं 2:13

तुम लोग पापौं की बजै सै और बगैर खतना के मर गए हे, पर परमेसर नै तुमकै मसी के संग फिर सै जिन्‍दो करो है और हमरे सिगरे पापौं कै माफ बी करो है।

तीतुस 2:11

कैसेकै परमेसर की किरपा सब आदमिऔ के मुक्‍ति के ताँई परकट भई है।

तीतुस 3:5

तौ बानै हमकै मुक्‍ति दई, और जौ हमरे धरम के कामौ के कारन ना, पर अपनी दया के अनुसार उसनै हमरी रक्छा उस इसनान के दुआरा करी जिसमै हम फिर पैदा होवै हैं और पबित्‍तर आत्‍मा के दुआरा नए बनाए जावै हैं।

परकासन 22:21

परभु ईसु की किरपा सबई के संग बनी रैह। ऐंसोई होए।