इफिसिऔ 1:19 - बुक्सा

¹⁹ और हम बिसवास कन्‍नै बारौ के भीतर काम कन्‍नै बारी बाकी महान सकति ऐंसी है जिसकी कोई थाह ना है बाकै बी जान सकैं।

इफिसिऔ 1:19 Mawu Ofanana

यहून्‍ना 3:6

कैसेकै जो सरीर सै जलमो है बौ सरीर है, और जो आत्‍मा सै जलमो है बौ आत्‍मा है।

चेलौ के काम 26:18

कै तू उनकी आँखौ कै खोलै जिस्सै कै बे लोग इन्धेरे सै उज्‍जेरे की ओर आँय और जो सैतान के फंदा मै फसे पड़े हैं, उनकै तू परमेसर के राज मै लेकै आय जिस्सै कै उनके पाप माफ हौं, और परमेसर के छाँटे भए बिसवासी लोगौ मै बे अपनी जघै बनाऐ।’

रोमियो 1:16

मैं अच्‍छी खबर सै ना सरमाबौ हौं, कैसेकै अच्‍छी खबर मुक्‍ति पानै के ताँई, जो उसके ऊपर बिसवास करै है, उन सबके ताँई परमेसर की सकति है पैले यहूदी के ताँई फिर यूनानी के ताँई।

2 कुरन्‍थियों 4:7

पर हम मट्‍टी के बा बरतन के हाँई हैं जिसमै जौ खजानो रक्‍खो भओ है। जिस्सै जौ साप-साप हो जाऐ कै बौ सकति जो कबी खतम ना होवै है, हमरी ओर सै ना पर बौ परमेसर की ओर सै है।

2 कुरन्‍थियों 5:17

कैसेकै अगर कोई मसी मै है, तौ बौ एक नओ आदमी है। सिगरी पुरानी बात खतम हो गंई, और सब नओ हो गओ है।

इफिसिऔ 2:10

कैसेकै हम परमेसर की कलाकारी हैं, और हमकै ईसु मसी मै भले काम कन्‍नै के ताँई बनाओ गओ है जिसकी योजना परमेसर नै हमरे ताँई पैलेई बनार खाई ही।

इफिसिऔ 3:20

अब परमेसर अपनी बा सकति के दुआरा जो हमरे भीतर काम करै है, जित्‍तो हम माँग सकै हैं, या जहाँ तक हम सोच सकै हैं, बासै बी भौत जादा बौ कर सकै है।

इफिसिऔ 3:7

परमेसर नै अपनी सकति के काम के दुआरा मैंकै जौ किरपा को बरदान दओ कै मैं बा अच्‍छी खबर कै परचार कन्‍नै बारो सेवक बनो।

इफिसिऔ 6:10

आखरी मै, परभु मै और बाकी सकति मै मजबूत बनौ।

फिलिप्‍पीऔ 2:13

और जैसो परमेसर कै अच्‍छो लगो है बैसेई बौ उन बातौं कै पूरो कन्‍नै के ताँई इच्‍छा और तागत तुमरे भीतर पैदा करै है।

फिलिप्‍पीऔ 3:21

बौ अपनी बा सकति सै सब चीजौ कै अपने बस मै कर सकै है, और उसई सै हमरे कमजोर सरीर कै बदल कै अपने महिमा बारे सरीर के हाँई बना देगो।

कुलुसिऔं 1:29

इस मकसद कै पूरो कन्‍नै के ताँई मैं बाकी पूरी सकति के दुआरा जो मेरे भीतर मजबूती सै काम करै है, पूरे दिल सै कोसिस करकै बेसानी मैहनत करौ हौं।

कुलुसिऔं 2:12

तुम लोग जल संस्कार के बखत मसी के संग गाड़े गए और बाईके संग फिर सै जिन्‍दे बी करे गए। कैसेकै तुमनै परमेसर की सकति मै बिसवास करो है, जिसनै बाकै मरे भएऔं मै सै फिर सै जिन्‍दो करो है।

1 थिसलुनीकियौ 1:5

कैसेकै हमरी अच्‍छी खबर तुमरे धौंरे सिरप बातौंई सै ना बलकन पबित्‍तर आत्‍मा की सकति और पक्‍के बिसवास सै तुम लोगौ के बीच मै पौंची है। तुम लोग जौ बी जानौ हौ कै हम जब तुमरे संग हे तौ तुमरे फाएदा के ताँई हमनै कैसी जिन्‍दगी बिताई ही।

2 थिसलुनीकियौ 1:11

इसताँई हम हरदम तुमरे ताँई पिराथना करै हैं कै हमरो परमेसर तुमकै बा जिन्‍दगी के लायक समजै जिसके ताँई तुमकै बुलाओ गओ है, और बा भलाई की सिगरी इच्‍छा और बे सिगरे काम बौ अपनी सकति सै पूरे करै है, जो तुमरो बिसवास को फल है।

याकूब 1:18

परमेसर नै अपनी मरजी सै हमकै सच्‍चाई के बचन सै पैदा करो है, जिस्सै कै हम बाकी बनाई भई चीजौ मै सै पैलो फल बनै।

1 पतरस 4:11

जिसकै परचार कन्‍नै को बरदान मिलो है तौ बाकै जौ बात पतो रैह, कै बौ परमेसर की ओर सै बोल रओ है; अगर किसी कै दूसरौं की सायता कन्‍नै को बरदान मिलो है तौ बौ बा सकति सै करै जो परमेसर सै मिलै है, और इन सिगरी बातौं मै ईसु मसी के दुआरा परमेसर कै महिमा मिलै। सिगरी महिमा और सकति युगौं-युगौं तक बाई की हो। ऐंसोई होए।