कुलुसिऔं 4:18 - बुक्सा

¹⁸ मैं पौलुस, खुद अपने हात सै तुमकै जौ नमस्कार लिख रओ हौं। जौ बात याद रखिओ कै मैं जेल मै हौं और तुमरे ऊपर परमेसर की किरपा होती रैह।

कुलुसिऔं 4:18 Mawu Ofanana

रोमियो 16:20

सान्‍ति को परमेसर सैतान कै जल्दीई तुमरे पाँऐऔं के नीचे किचलैगो। हमरे परभु ईसु की किरपा तुमरे ऊपर बनी रैह।

रोमियो 16:22

मैं तेरतियुस, जिसनै जौ चिट्‌ठी लिखी है, परभु मै तुम लोगौ कै नमस्कार कैबै है।

रोमियो 16:23

गयुस नमस्कार भेजै है, जो मेरी और सैरे बिसवासिऔ की मंडली की खातरदारी अपने घर मै करै है। इरातुस जो सैहर को खजांची है और भईया कबारतुस बी तुमकै नमस्कार कैबै है।

1 कुरन्‍थियों 16:21

मैं पौलुस तुमकै अपने हातौ सै नमस्कार लिखकै भेज रओ हौं।

2 कुरन्‍थियों 13:14

परभु ईसु मसी की किरपा और परमेसर को पियार और पबित्‍तर आत्‍मा को सात तुम सबई जनी के संग बनो रैह।

फिलिप्‍पीऔ 1:7

तुम सबके बारे मै ऐंसो सोचनो मेरे ताँई ठीकई है, कैसेकै तुम मेरे दिल मै बसे भए हौ, चाँहै मैं जेल मै हौं, या मैं अच्‍छी खबर की सच्‍चाई कै बचाबौ हौं या पक्‍को दाबो करौ हौं, और उन सबई बखतौ मै तुम सबई परमेसर के जा किरपा मै मेरे साती हौ।

कुलुसिऔं 4:3

और जाके संग-संग तुम हमरे ताँई बी पिराथना करौ, जिस्सै परमेसर हमकै बचन सुनानै के ताँई ऐंसी रस्ता खोल दै कै, हम मसी की बा गुप्‍त बात के बारे मै बता सकैं जिसकी बजै सै मैं कैद मै हौं।

2 थिसलुनीकियौ 3:17

मैं पौलुस अपने हात सै तुमकै नमस्कार लिख रओ हौं। मेरे सिगरे चिट्‌ठी मै मेरो जौई चिन्‍न है। मेरो लिखनै को तरीका जौई है।

1 तीमुथियुस 6:21

कुछ लोग जा गियान कै माननै की बजै सै बिसवास की रस्ता सै भटक गए हैं। तुम सबई जनी के ऊपर परमेसर की किरपा बनी रैह।

2 तीमुथियुस 1:8

इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्‍छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।

2 तीमुथियुस 4:22

परभु तेरी आत्‍मा के संग रैहए, और तुमरे ऊपर परमेसर की किरपा होती रैह।

तीतुस 3:15

मेरे सब सातिऔं को, तेकै नमस्कार। जो बिसवास के कारन हम सै पियार रक्‍खैं हैं, उनकै बी नमस्कार। तुम सबके ऊपर किरपा होती रैह।

इबरानिओ 13:25

परमेसर की किरपा तुम सबई के संग रैह। ऐंसोई होए।

इबरानिओ 13:3

जो लोग कैदी हैं उनकै इस तरै याद करौ जैसे कै तुम बी उनके संग कैद मै हौ। जिनके संग बुरो बरताब करो जावै है उनकै बी ऐंसे याद रक्‍खौ कै तुमरे संग बी बुरो बरताब करो जा रओ है।