कुलुसिऔं 3:24 - बुक्सा

²⁴ तुम जौ जानलो कै परभु तुमकै ईनाम के रूप मै अपनी बिरासत देगो, कैसेकै तुम परभु मसी के सेवक हौ।

कुलुसिऔं 3:24 Mawu Ofanana

मत्‍ती 10:41

जो नबी की इज्‍जत इसताँई करै है, कै बौ नबी है, बौ नबी को ईनाम पागो, और जो धरमी की इज्‍जत इसताँई करै है, कै बौ धरमी है, बौ धरमी को ईनाम पागो।

मत्‍ती 5:12

तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

मत्‍ती 5:46

अगर तुम अपने पियार कन्‍नै बारौं के संगई पियार करौ, तौ तुमकै का ईनाम मिलैगो? का चुंगी लैनै बारे बी ऐंसोई ना करैं हैं?

मत्‍ती 6:16

“जब तुम बरत रक्‍खौ तौ, ढौंगिऔ के हाँई तुमरे मौह लटके भए ना दिखाई दैं, बे अपनो मौह इसताँई सुस्त रक्‍खै हैं कै बे लोगौ कै दिखाऐ कै बे बरत रख रए हैं, मैं तुमसै सच कैरओ हौं, कै बे अपनो ईनाम पा चुके हैं।

मत्‍ती 6:5

“और जब तू पिराथना करै, तौ ढौंगिऔ के जैसे ना हो कैसेकै लोगौ कै दिखानै के ताँई सभाऔं मै और सड़कौं के मोड़ौ मै खड़े होकै पिराथना कन्‍नो उनकै अच्‍छो लगै है, मैं तुमसै सच कैरओ हौं, कै बे अपनो ईनाम पा चुके हैं।

लूका 14:14

तब तू धन्‍न होगो, कैसेकै उनके धौंरे तेरो बदलो चुकानै के ताँई कुछ बी ना है, पर तेकै धरमी लोगौं के फिर जी उठनै के टैम मै इस बात को ईनाम मिलैगो।”

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

यहून्‍ना 12:26

अगर कोई मेरी सेवा करै है तौ बौ मेरे पीछे हो ले, और जहाँ मैं हौं बहाँ मेरो सेवक बी होगो। अगर कोई मेरी सेवा करै तौ अब्बा बाकी इज्‍जत करैगो।

चेलौ के काम 20:32

“अब मैं तुमकै परमेसर के बचन और बाके किरपा के हात मै सौंप रओ हौं, जो तुमकै पबित्‍तर लोगौ के संग बड़ाई और बारिस होनै को हक दे सकै है।

रोमियो 1:1

जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

रोमियो 14:18

जो मसी की सेवा ऐंसे करै है, उस्सै परमेसर खुस रैहबै है और लोग उसकै इज्‍जत देवै हैं।

1 कुरन्‍थियों 11:23

कैसेकै जो बात मैंनै तुमकै सिकांई हैं। बे मैंकै परभु सै मिली हैं। जिस रात परभु ईसु कै पकड़बाओ गओ, बानै बा रात रोटी लई,

1 कुरन्‍थियों 3:8

बोनै बारो और पानी लगानै बारो दौनौ को एकई मकसद है, पर हर एक आदमी अपनी मैहनत के हिसाब सै अपनी मजदूरी पागो।

1 कुरन्‍थियों 7:22

कैसेकै जो गुलाम की हालत मै परभु मै बुलाओ गओ है, बौ परभु को आजाद करो भओ आदमी है, और बैसेई जो आजादी की हालत मै बुलाओ गओ है, बौ मसी को गुलाम है।

गलातिऔ 1:10

का मैं आदमी की ओर सै अपनी बड़ाई चाँहौ हौं या परमेसर की? का मैं आदमिऔ कै खुस कन्‍नै के ताँई लगो रैहबौं हौं? अगर मैं अब तक लोगौ कै खुस करतो रैहतो तौ मैं मसी को सेवक ना होतो।

इफिसिऔ 6:6

तुम अपने मालिक कै खुस कन्‍नै के ताँई दिखावे को काम ना करौ, पर मसी के सेवक के हाँई अपने पूरे दिल सै काम करौ जिस्सै कै परमेसर की मरजी पूरी हो जाय।

इफिसिऔ 6:8

कैसेकै तुम जानौ हौ कै हर एक आदमी, चाँहे बौ गुलाम होए, या आजाद होए, जो कोई भलाई के काम करैगो, बाकै बाको फल परभु की ओर सै मिलैगो।

कुलुसिऔं 2:18

कोई बी आदमी अपनी झूँटी दीनता सै या सुरगदूतौं की पूजा करबाकै तुमरे ईनाम कै ना लूट सकै है, ऐंसो आदमी देखी भई बातौं के पिच्‍छे लगो रैहबै है और अपने पाप बारी सोच के ऊपर बिना बजै के घमंड करै है।

इबरानिओ 10:35

इसताँई हिम्मत ना हारौ कैसेकै बाको फल बड़ो है।

इबरानिओ 11:6

बगैर बिसवास के परमेसर कै खुस कन्‍नो नामुमकिन है। कैसेकै जो परमेसर के धौंरे आवै है बाके ताँई जौ बिसवास कन्‍नो जरूरी है, कै परमेसर है और जो बाकै ढूंड़ै है उनकै बौ ईनाम देवै है।

इबरानिओ 9:15

इसताँई मसी नए करारनामे को बिचौंदिया बनो। जिस्सै कै जिन लोगौ कै बुलाओ गओ है बे लोग परमेसर के बादे करे भए हमेसा की बिरासत के हकदार बनै कैसेकै जिन्‍नै पैले करारनामे के हक मै रैहते भए पाप करो है उनकै बासै छुटकारे के ताँई मसी नै अपनी जान दे दई।

1 पतरस 1:4

जो धन-दौलत तुम लोगौं के ताँई सुरग मै है, बौ कबी नास ना होगी और ना खराब होगी और ना बामै दाग लगैगो और ना बाकी चमक कबी कम होगी।

2 पतरस 1:1

मैं समौन पतरस जो ईसु मसी को सेवक और भेजो भओ चेला हौं, जौ चिट्‌ठी मैं उन लोगौ के नाम लिख रओ हौं जो हमरे हाँई हमरे परमेसर और मुक्‍ति दैनै बारे ईसु मसी की धारमिकता के दुआरा सै बिसवास पावै हैं।

यहूदा 1:1

ईसु मसी के सेवक और याकूब को भईया, यहूदा की ओर सै उन बुलाए भए लोगौ के नाम जो परमेसर के पियारे और जिनकै ईसु मसी के ताँई समार कै रक्‍खो है।