कुलुसिऔं 3:23 - बुक्सा

²³ और जो कुछ बी तुम करौ हौ बाकै सच्‍चे दिल सै करौ और जौ बात समज लेईओ कै तुम जो कुछ कर रए हौ बाकै आदमी के ताँई ना पर हमरे परभु के ताँई कर रए हौ।

कुलुसिऔं 3:23 Mawu Ofanana

मत्‍ती 6:16

“जब तुम बरत रक्‍खौ तौ, ढौंगिऔ के हाँई तुमरे मौह लटके भए ना दिखाई दैं, बे अपनो मौह इसताँई सुस्त रक्‍खै हैं कै बे लोगौ कै दिखाऐ कै बे बरत रख रए हैं, मैं तुमसै सच कैरओ हौं, कै बे अपनो ईनाम पा चुके हैं।

रोमियो 14:6

जो किसी खास दिन कै सुब मानै है, तौ बौ उसकै परभु के नाम मै सुब मानै है। और जो सब कुछ खावै है बौ परभु के नाम सै खावै है, कैसेकै बौ परमेसर कै धन्‍नबाद देवै है, और जो परहेज करै है, बौ बी परमेसर को धन्‍नबाद करै है।

रोमियो 14:8

हम जीवै हैं तौ परभु के ताँई और अगर मरै हैं, तौबी परभु के ताँई। और चाँहे हम जीऐ या मर जाऐ हम परभु के हैं।

इफिसिऔ 5:22

बईयरौं तुम अपने लोगौ के आधीन रौह जैसो तुम परभु के आधीन रैहबौ हौ।

कुलुसिऔं 3:17

तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्‍नबाद देते रौह।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 पतरस 2:13

परभु के ताँई आदमी के बनाए भए सिगरे नियमौ कै माने करौ, चाँहे बौ राजा होए, जो सबई को परधान है।

1 पतरस 2:15

कैसेकै परमेसर की इच्‍छा जौ है कै तुम भले काम करकै उन मूरख लोगौ को मौह बन्‍द कर दो जिनकै कोई अकल ना है।