कुलुसिऔं 3:16 - बुक्सा

¹⁶ मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ।

कुलुसिऔं 3:16 Mawu Ofanana

मत्‍ती 26:30

फिर बे भजन गाकै जैतून पहाड़ मै चले गए।

लूका 2:51

फिर बौ उनके संग नासरत सैहर लौहट आओ और उनके हुकम कै मानतो रैहओ। उसकी अईया नै जे सब बात अपने मन मै रक्‍खीं।

यहून्‍ना 15:7

अगर तुम मैंई मै बने रौह, और मेरे बचन तुम्मै बने रैंह तौ जो चाँहे माँगौ, बौ तुमरे ताँई हो जागो।

रोमियो 10:17

और हम देखै हैं कै सुननै सैई बिसवास पैदा होवै है, और जो सुनो जावै है बौ मसी को बचन है।

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

1 कुरन्‍थियों 14:15

तौ मैं का करौं? मैं आत्‍मा सै बी पिराथना करंगो और अकल सै बी पिराथना करंगो। मैं अपनी आत्‍मा सै बी गांगो और अकल सै बी गांगो।

1 कुरन्‍थियों 14:26

अरे भईयौ और बहनौ, फिर का कन्‍नो चँईऐ? जब तुम इखट्‍टे होबौ, तौ तुम्मै सै कोई भजन गावै, कोई कुछ सिकानै की बात, कोई परमेसर की ओर सै खास सन्‍देसो बताबै, और कोई किसी दूसरी दूसरी भासा मै बोलै है, तौ कोई बाको मतलब बताबै। जे सिगरी बात बिसवासी लोगौ कै आत्‍मिक रूप सै बढ़नै के ताँई होनी चँईऐ।

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

इफिसिऔ 5:17

इसताँई तुम बेबकूफ बने ना रैहईओ, पर धियान सै समजिओ कै परभु की मरजी का है?

इफिसिऔ 5:19

तुम आपस मै मिलजुलकै सच्‍चे दिल सै परभु के ताँई भजन, किरतन और भक्‍ति गीत गाते रौह और अपने अपने मन मै बी परभु के गीत गाते रौह।

इफिसिऔ 5:26

जिस्सै कै बौ बचन के दुआरा पानी से नभा धुबा कै बाकै सुद्‍द करकै पबित्‍तर बनाऐ।

कुलुसिऔं 1:28

हमकै जो गियान मिलो पड़ो है बाको परचार करते भए हम हर एक आदमी कै चौकस करै हैं, और गियान की बात सिकाबै हैं जिस्सै कै हम हर एक आदमी कै मसी मै मजबूत करकै परमेसर के सामने खड़ो कर सकैं।

कुलुसिऔं 1:9

और जिस दिन सै हमनै जौ बात सुनी है, तब सै रोज हम तुमरे ताँई पिराथना और बिनती करै हैं कै, परमेसर तुमकै आत्मा के दुआरा सिगरी समज और बुद्‍धि दे, जिस्सै कै तुम बाकी इच्‍छा कै पूरे तरीका सै जान सकौ।

कुलुसिऔं 4:6

तुमरी बोली हमेसा किरपा सै भरी और मीठी होए, जिस्सै कै तुमकै हर एक आदमी कै सई तरीका सै जबाब देनो आ जाय।

1 थिसलुनीकियौ 1:8

कैसेकै तुमनै ना सिरप मकिदुनिया और अखाया देस मै परभु को बचन सुनाओ, पर जो बिसवास तुमरो परमेसर मै है बौ खबर हर जघै फैल गई। इसताँई हमकै कुछ कैनै की जरूरत ना है।

1 थिसलुनीकियौ 4:18

इसताँई इन बातौं कै बतकाते भए एक दूसरे को हौसला बढ़ाऐ करौ।

2 थिसलुनीकियौ 3:15

और बाकै अपनो दुसमन ना समजिओ पर बिसवासी भईया या बहन समजकै चितौनी देईओ।

1 तीमुथियुस 6:17

जा दुनिया के लोगौ कै जौ हुकम दो कै बे घमंड ना करैं और खतम होनै बारी धन-दौलत के ऊपर ना, पर परमेसर मै आस रक्‍खैं जो हमरे सुख के ताँई जरूरत सै बी जादा देवै है।

2 तीमुथियुस 3:15

और मैंकै पतो है कै तू बालक सैई पबित्‍तर सास्तर कै जानै है, बौ तेकै बा बुद्‍धि कै दे सकै है जिस्सै ईसु मसी मै बिसवास कन्‍नै के दुआरा मुक्‍ति मिलै है।

तीतुस 3:6

जो परमेसर नै हमरे मुक्‍तिदाता ईसु मसी के दुआरा पबित्‍तर आत्‍मा हमरे ऊपर भरपूरी सै उड़ेलो।

याकूब 1:5

अगर तुम्मै सै किसी मै समज की कमी होए, तौ परमेसर सै माँगै, कैसेकै बौ सबई कै बिना डाँटे दिल खोलकै देवै है।

याकूब 3:17

पर जो गियान परमेसर की ओर सै आवै है, बौ पैले तौ पबित्‍तर होवै है, फिर सान्‍ति बारो, नरम सौभाब बारो, खुली सोच बारो, दया और अच्‍छे करमौ सै भरो भओ, और भेदभाब ना कन्‍नै बारो और खरो आदमी।

याकूब 5:13

अगर तुम्मै सै कोई दुखी होए तौ बौ पिराथना करै, अगर कोई खुस होए, तौ बौ परमेसर के भजन गाऐ।

1 यहून्‍ना 2:14

पियारे बालकौ मैंनै तुमकै इसताँई लिखो हो, कै तुम पिता परमेसर कै जान गए हौ। हे अब्बाऔं, मैंनै तुमकै इसताँई लिखो हो, कैसेकै तुम ईसु मसी कै जान गए हौ, जो सुरू सैई है। हे जमानौ, मैंनै तुमकै इसताँई लिखो हो, कैसेकै तुम सकतिसाली हौ, और तुम्मै परमेसर को बचन बनो रैहबै है, और तुमनै बा दुसट के ऊपर जीत पा लई है।

1 यहून्‍ना 2:24

जो सिक्‍छा तुम लोगौ नै सुरू सै सुनी, बौ तुम्मै बनी रैह। जो सिक्‍छा तुम लोगौ नै सुरू सै सुनी, अगर बौ तुम्मै बनी रैहगी, तौ तुम बी परम पिता परमेसर और बाके लौंड़ा मै बने रैहओगे।

1 यहून्‍ना 2:27

तुम लोगौ कै मसी सै जो पबित्‍तर आत्‍मा मिली है, बौ तुम्मै बनी रैहबै है। इसताँई तुमकै किसी दूसरे गुरू की जरूरत ना है। बौ तुमकै सब कुछ सिकाबै है और बाकी सिक्‍छा सच्‍ची है, झूँटी ना है। तुम बा सिक्‍छा के हिसाब सै मसी मै बने रौह।

2 यहून्‍ना 1:2

और जाई सच्‍चाई की बजै सै बौ हम्मै बनो रैहबै है, और जो हमेसा हमरे संग रैहगो।

परकासन 14:3

बे आदमी सिंगासन के सामने और चारौ पिरानिऔ और बुजरगौं के सामने एक नओ गीत गा रए हे। जिन एक लाख चबालीस हजार आदमिऔ कै धरती मै सै मोल लेएओ गओ हो उनके अलाबा कोई दूसरो आदमी उस गीत कै ना सीक सकै हो।

परकासन 15:3

बे परमेसर के सेवक मूसा और मैमना को जौ गीत गा रए हे, “हे सबसै सकतिसाली परभु परमेसर बे करम जिनकै तू करै है, महान और अदभुत है, तेरो रस्ता सई और सच्‍चो है और तू सबई जातिऔं को राजा है।”

परकासन 19:10

और मैं उसकै डन्डौत कन्‍नै के ताँई उसके पाँऐऔं मै गिरो, पर उसनै मैंसै कैई, “देख, ऐंसो मत कर, मैं तौ तेरो और तेरे भईयौ को संगी दास हौं, जो ईसु की गभाई दैनै के ताँई हरदम तईयार रैहबै है। परमेसर कैई डन्डौत कर” कैसेकै ईसु की गभाई भबिसबानी की आत्‍मा है।

परकासन 5:9

बे जौ नओ गीत गाल लगे, “तू इस किताब कै लैनै और इसकी मौहर खोलनै के लायक है, कैसेकै तैनै बलि होकै अपने खून सै हर एक गोत और भासा और लोग और जाति मै सै परमेसर के ताँई लोग मोल लए हैं।