कुलुसिऔं 3:10 - बुक्सा

¹⁰ और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्‍नै की ओर अग्गे बढ़ानै के ताँई नओ होतो रैहबै है।

कुलुसिऔं 3:10 Mawu Ofanana

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

रोमियो 13:12

रात लगभग बीतई चुकी है, दिन लिकर नैई बारो है, इसताँई हम उन कामौ कै छोड़ दैं जो इन्धेरे के हैं। आऔ हम उज्‍जेरे के औजारौं कै ले लैं।

रोमियो 13:14

बलकन परभु ईसु मसी कै अपने भीतर बसालो, और अपने सरीर की इच्‍छाऔं कै पूरो कन्‍नै मै मत लगे रैहऔ।

रोमियो 6:4

इसताँई उसकी मौत को जल संस्कार पानै सै हम उसके संग दफनाए गए हैं, ताकि जैसे परम पिता की महिमा के दुआरा मरे भएऔं मैसै ईसु मसी जिन्‍दो करो गओ, बैसेई हम बी एक नई जिन्‍दगी पांऐ।

रोमियो 8:29

कैसेकै जिनकै उसनै पैलेई चुनो उनकै अपने लौंड़ा के हाँई बन्‍नै के ताँई ठैराओ ताकि भौस्से भईयौ मै बौ सबसै पैलो बन सकै।

2 कुरन्‍थियों 3:18

जब हमरे मौह सै परदा हट गओ है तौ हम एक दरपन के हाँई हैं। और बामै परभु की चमक कै देखै हैं। हम बी बाके हाँई बैसेई होनै लगै हैं, और हमरी चमक बढ़ती चली जावै है और जौ चमक परभु की आत्‍मा सै मिलै है।

2 कुरन्‍थियों 4:16

चाँहे हमरे सरीर को नास होतो जा रओ होए, पर हमरे भीतर की आत्‍मा रोज नई होती जावै है, इसताँई हम हिम्मत ना हारै हैं।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

2 कुरन्‍थियों 5:17

कैसेकै अगर कोई मसी मै है, तौ बौ एक नओ आदमी है। सिगरी पुरानी बात खतम हो गंई, और सब नओ हो गओ है।

गलातिऔ 3:27

कैसेकै जिनौनै मसी के नाम सै जल संस्कार लेर खाओ है, बे मसी के संग मिल गए हैं।

गलातिऔ 6:15

कैसेकै ना तौ खतना को कुछ मतलब है और ना बगैर खतना को, और मतलब है तौ बौ जा बात को कै का हम नई रचना बने हैं या ना।

इफिसिऔ 2:10

कैसेकै हम परमेसर की कलाकारी हैं, और हमकै ईसु मसी मै भले काम कन्‍नै के ताँई बनाओ गओ है जिसकी योजना परमेसर नै हमरे ताँई पैलेई बनार खाई ही।

इफिसिऔ 2:15

और अपनी मौत के दुआरा बानै सिगरे यहूदी नियमौ और कानून की रीतिऔ कै खतम कर दओ कै यहूदी और गैर यहूदी दौनौ कै खुद मै मिलाकै एक नओ समाज पैदा करकै उनको मेल करा दओ।

कुलुसिऔं 3:12

तुम परमेसर के छाँटे भए पबित्‍तर और पियारे लोग हौ। इसताँई दया, भलाई, दीनता, कोमलता और सबर कै पैहरलो।

कुलुसिऔं 3:14

इन बातौं के अलाबा पियार के संग चलौ और पियार सबई कै आपस मै पूरी तरै सै जोड़े रक्‍खै है।

फिलेमौन 1:6

इसताँई मेरी जौ पिराथना है, कै तेरे बिसवास कै एक दूसरे के संग बांटनो और तुमरी सिगरी भलाई की पैचान हमरे ताँई मसी मै फाएदे की हो।

इबरानिओ 6:6

अगर बे भटक गए हैं, तौ उनको फिर सै मन फिरानो मुसकल है। कैसेकै बे लोग अपने ताँई परमेसर के लौंड़ा कै फिर कुरूस मै चढ़ा रए हैं और बाकी बेजती खुले आम कर रए हैं।

1 यहून्‍ना 2:3

अगर हम परमेसर की आगियाँऔ कै मानंगे, तौ हमकै जौ पतो लग जागो कै हम बाकै जान गए हैं।

1 यहून्‍ना 2:5

पर जो कोई आदमी परमेसर के बचन कै मानै है, बामै सचमुच परमेसर को पियार सिद्‍द भओ है, तौ हमकै इस्सै पतो लगै है, कै हम परमेसर मै बने भए हैं।

परकासन 21:5

तब जो सिंगासन मै बैठो हो, उसनै कैई, “देख, मैं सब कुछ नओ बना देवौ हौं।” उसनै फिर कैई, “इसकै लिख ले कैसेकै जे बचन बिसवास कन्‍नै बारे और सच्‍चे हैं।”