कुलुसिऔं 2:13 - बुक्सा

¹³ तुम लोग पापौं की बजै सै और बगैर खतना के मर गए हे, पर परमेसर नै तुमकै मसी के संग फिर सै जिन्‍दो करो है और हमरे सिगरे पापौं कै माफ बी करो है।

कुलुसिऔं 2:13 Mawu Ofanana

लूका 15:24

कैसेकै मेरो जौ लौंड़ा मर गओ हो, पर अब फिर जिन्‍दो हो गओ है: पैले खो गओ हो, अब मिल गओ है: और बे खुसी मनाल लगे।

लूका 15:32

पर अब हमकै खुसी मनानी और मगन होनो चँईऐ, कैसेकै जौ तेरो छोटो भईया मर गओ हो, अब फिर जिन्‍दो हो गओ है पैले खो गओ हो, अब मिल गओ है।’”

लूका 9:60

तब ईसु नै बासै कैई, “मुरदौं कै अपने मुरदे दफनान दो, तू जा और परमेसर के राज को परचार कर।”

यहून्‍ना 5:21

जैसे अब्बा मरे भएऔं कै जिन्‍दो करकै जिन्‍दगी देवै है, बैसेई लौंड़ा बी जिनकै चाँहबै है उनकै जिन्‍दगी देवै है।

यहून्‍ना 6:63

आत्‍माई है जो जिन्‍दगी देवै है, और सरीर सै कुछ फाएदा ना है। जो बचन मैंनै तुमसै कैए हे, बे आत्‍मा और जिन्‍दगी हैं।

रोमियो 4:17

पबित्‍तर सास्तर मै लिखो है, “मैंनै तेकै भौस्सी जातिऔं को अब्बा ठैराओ है।” उस परमेसर की नजरौ मै जिसके ऊपर इब्राहिम नै बिसवास करो हो, जो मरे भएऔं कै जिन्‍दो करै है और जो चीज हैई ना, बौ परमेसर के कैनै सैई बन जावै है।

रोमियो 6:13

तुम अपने सरीर के अंगौ कै अधरम के औजारौं जैसे पाप के हवाले मत करौ, बलकन मरे भएऔं मै सै जी उठनै बारौं के जैसे परमेसर के हवाले कर दो। और अपने सरीर के अंगौ कै धरम के औजारौं के रूप मै परमेसर के हवाले कर दो।

रोमियो 8:11

और बौ आत्‍मा जिसनै ईसु कै मरे भएऔं मै सै जिन्‍दो करो हो, अगर तुमरे भीतर रैहबै है, तौ बौ परमेसर जिसनै मसी कै मरे भएऔं मै सै जिन्‍दो करो हो, बौ तुमरे मरे भए सरीरौं कै बी अपनी आत्‍मा सै जो तुमरे भीतर रैहबै है, जिन्‍दो करैगो।

1 कुरन्‍थियों 15:36

ऐ मूरख तू ना जानै है, जो कुछ तू खेत मै बोबै है, जब तक बौ मर ना जावै है, तब तक फिर सै जिन्‍दो ना होवै है।

1 कुरन्‍थियों 15:45

पबित्‍तर सास्तर मै लिखो है, “पैलो आदमी आदम एक जिन्‍दो आदमी बनो, पर आखरी आदम जो मसी है बौ जिन्‍दगी दैनै बारो आत्‍मा है।”

2 कुरन्‍थियों 3:6

बानै हमकै नए नियम को सेवक होनै के ताँई लायक बनाओ है। किसी लिखे भए नियम को सेवक ना, पर पबित्‍तर आत्‍मा को। कैसेकै लिखो भओ नियम मौत देवै है पर पबित्‍तर आत्‍मा जिन्‍दगी देवै है।

2 कुरन्‍थियों 5:19

हमरी बात जौ है कै परमेसर नै लोगौ के पाप को लेखो-जोखो ना लओ पर मसी के दुआरा जा दुनिया के लोगौ को अपने संग मेल करबाओ, और जौ मेल-जोल को बचन हमकै देओ है।

इफिसिऔ 2:1

एक बखत हो जब तुम अपने बुरे कामौ और पापौं की बजै सै मरे भए हे।

इफिसिऔ 2:11

इसताँई याद रक्‍खौ कै, तुम जलम सै गैर यहूदी हौ और बे लोग जो अपने सरीर मै हात सै करे भए खतना की बजै सै यहूदी लोग खुद कै “खतना बारो” बताबै हैं। बे तुमकै बगैर खतना को कैबै हैं।

इफिसिऔ 5:14

कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै, “ओ सोनै बारे जगौ, और मरे भएऔं मै सै जिन्‍दे हो जाऔ, और मसी को उज्‍जेरो तुमरे ऊपर चमकैगो।”

कुलुसिऔं 2:12

तुम लोग जल संस्कार के बखत मसी के संग गाड़े गए और बाईके संग फिर सै जिन्‍दे बी करे गए। कैसेकै तुमनै परमेसर की सकति मै बिसवास करो है, जिसनै बाकै मरे भएऔं मै सै फिर सै जिन्‍दो करो है।

1 तीमुथियुस 5:6

पर बौ राँड़ बईयर जो अपनेई मौज-मस्ती की जिन्‍दगी जीवै है बौ जिन्‍दे रैहते भए बी आत्‍मा मै मरी भई है।

1 तीमुथियुस 6:13

मैं तुमकै जिन्‍दगी दैनै बारे परमेसर के सामने और ईसु मसी जिसनै पिन्‍तुस पीलातुस के सामने अच्‍छी गभाई दई, जौ हुकम देवौ हौं कै,

इबरानिओ 6:1

आऔ हम मसी की सुरू की सिक्‍छा सै और अग्गे बढ़कै समजदार हो जाँय, जिस्सै कै बुनियाद की सिक्छा फिर सै सिकानी ना पड़ै जैसे मौत की ओर लेजानै बारे बुरे कामौ सै मन फिरानो, परमेसर मै बिसवास कन्‍नो,

इबरानिओ 9:14

मसी को खून भौत कुछ कर सकै है, मसी तौ हमेसा की आत्‍मा के दुआरा हमरे परमेसर के सामने निरदोस चढ़ाबो करकै खुद कै चढ़ाओ, तब तौ बाको खून जरूर मौत की ओर लेजानै बारे कामौ सै हमरे मन कै सुद्‍द करैगो, जिस्सै हम जिन्‍दे परमेसर की सेवा करैं।

याकूब 2:17

बैसेई बिसवास के संग अगर करम ना करै हैं तौ बौ बिसवास मरो भओ है।

याकूब 2:20

पर हे बेबकूफ आदमी, का तू जौ बी ना जानै है कै करम के बिना बिसवास बेकार है?

याकूब 2:26

जैसे बिना आत्‍मा के सरीर मरो भओ है, बैसेई करम के बिना बिसवास बी मरो भओ है।

1 यहून्‍ना 2:12

पियारे बालकौ, मैं तुमकै इसताँई लिख रओ हौं, कैसेकै तुमरे पाप ईसु मसी के नाम की बजै सै माफ भए हैं।