कुलुसिऔं 1:24 - बुक्सा

²⁴ इस बखत तुमरे ताँई मैं जो बी मुसीबत उठा रओ हौं, बाके बजै सै मैं खुस हौं। मसी को सरीर मतलब बिसवासिऔ की मंडली के ताँई मसी के दुख उठानै की जो बी कसर मेरी रैह गई है, बौ मैं अपने सरीर मै लेकै पूरी करौ हौं।

कुलुसिऔं 1:24 Mawu Ofanana

मरकुस 10:39

उनौनै उस्सै कैई, “हम बैसो कर सकै हैं” फिर ईसु नै उनसै कैई, “तुम बौ कटोरा पिऔगे, जो मैं पीनै बारो हौं और जो जल संस्कार मैं लैनै बारो हौं, उसकै तुम बी लोगे।

चेलौ के काम 5:41

तब बे सभा के धौंरे सै चले गए और उनकै जा बात की खुसी ही कै, “हमकै ईसु मसी के नाम सै दुख उठानै के काबिल तौ समजो गओ।”

रोमियो 5:3

इतनोई ना, पर हम दुख तकलीफ मै बी खुस रैहए, कैसेकै हम जानै हैं कै दुख तकलीफ सबर कै जलम देवै है।

रोमियो 8:17

और अगर औलाद हैं, तौ बारिस बी हैं, और परमेसर के बारिस और मसी संग के बी बारिस हैं, अगर हम उसके संग दुख उठाबै हैं तौ हमकै उसके संग महिमा बी मिलै है।

1 कुरन्‍थियों 12:27

ऐंसेई तुम बी मसी को सरीर हौ और तुम्मै सै हर एक आदमी बाको एक-एक अंग है।

2 कुरन्‍थियों 12:15

मेरे धौंरे जो कुछ है, बाकै मैं तुमरे ताँई खुसी के संग खरच करौ हौं और तुमरे ताँई मैं खुद कै बी खरच कर दंगो। जब मैं तुमसै जादा पियार करौ हौं, तौ तुम मैंसै कम पियार कैसे कर सकौ हौ?

2 कुरन्‍थियों 6:10

हम दुखी लोगौ के हाँई दिखाई देवै हैं, पर हम हमेसा खुस रैहबै हैं। हम गरीब लोगौ के हाँई दिखाई देवै हैं, पर दूसरौं कै सेट बना देवै हैं। लोग समजै हैं कै हमरे धौंरे कुछ ना है तौबी हमरे धौंरे सब कुछ है।

2 कुरन्‍थियों 7:4

मैंकै तुमरे ऊपर भरोसो बी है और घमंड बी है। कैसेकै हमरे दुख और परेसानी मै बी तुमनै हमकै हिम्मत दई और भौस्सी खुसी बी दई।

इफिसिऔ 1:23

बिसवासिऔ की मंडली मसी को सरीर है, और जौ बाकी भरपूरी है। और मसी सबई मै सबई कुछ पूरो करै है।

इफिसिऔ 3:1

इसताँई मैं पौलुस, मसी ईसु के सेवा कन्‍नै की बजै सै कैदी बनो जिस्सै कै तुम गैर यहूदी लोगौ की भलाई होए।

इफिसिऔ 3:13

इसताँई मैं तुमसै जौ बिनती करौ हौं कै जो कसट मैं तुमरे ताँई झेल रओ हौं बा बजै सै तुम हिम्मत ना हारिओ, कैसेकै इन मैई तुमरी बड़ाई है।

फिलिप्‍पीऔ 3:10

और मैं मसी कै जान्‍नो चाँहौ हौं और बा सकति कै बी जिस्सै बौ फिर सै जिन्‍दो भओ हो; मैं बाके दुखौं को हिस्सेदार होनो चाँहौ हौं, और बाकी मौत के बारे मै बाके हाँई बनौ।

कुलुसिऔं 1:18

बिसवासिऔ की मंडली मसी को सरीर है और मसी बिसवासिऔ की मंडली की खोपड़ी है। बौई सबसै पैलेसैई है और मरे भएऔं मै सै फिर सै जिन्‍दो होनै बारो बौ पैलो है, जिस्सै कै सिगरी बातौं मै बौई सबसै बड़ो होगो।

2 तीमुथियुस 1:8

इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्‍छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।

याकूब 1:2

हे मेरे भईयौ, जब तुम तरै-तरै की मुसीबतौं मै पड़ौ तौ जाकै बड़ी खुसी की बात समजौ।