कुलुसिऔं 1:19 - बुक्सा

¹⁹ कैसेकै परमेसर की खुसी जाई मै है कै मसी मै बौ खुद पूरी तरै सै बसै।

कुलुसिऔं 1:19 Mawu Ofanana

लूका 10:21

उसई घड़ी बौ पबित्‍तर आत्‍मा मै होकै खुसी सै भर गओ, और कैई, “हे अब्बा, सुरग और धरती के परभु, मैं तेरो धन्‍नबाद करौं हौं, तैनै जे बात गियानिऔ और समजदारौं सै छिपाई रक्‍खीं, और सीदे सादे लोगौं कै बताई हैं, हे अब्बा, तेकै जौई अच्‍छो लगो।

यहून्‍ना 1:16

कैसेकै बाकी दया और सच्‍चाई की भरपूरी मै सै हम सबनै किरपा के ऊपर किरपा पाई है।

यहून्‍ना 3:34

कैसेकै जो परमेसर नै भेजो है, बौ परमेसर की बात कैबै है, कैसेकै बौ बिना तोल कै उनकै आत्‍मा देवै है।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

इफिसिऔ 1:23

बिसवासिऔ की मंडली मसी को सरीर है, और जौ बाकी भरपूरी है। और मसी सबई मै सबई कुछ पूरो करै है।

इफिसिऔ 1:3

हमरे परभु ईसु मसी के परमेसर और अब्बा की बड़ाई हो। बानै हमकै मसी मै सुरग के सिगरे आत्‍मिक बरदान दए हैं।

इफिसिऔ 4:10

और जो नीचे उतरो बौ जौई है, जो आसमान सै बी ऊँचे मै चढ़ गओ जिस्सै कै बौ सुरग और धरती मै जो कुछ बी है बामै भर जाय।

कुलुसिऔं 2:3

जिसमै समज और गियान को पूरो भन्डार लुको भओ है।

कुलुसिऔं 2:9

कैसेकै मसी के सरीर मै परमेसर पूरी तरै सै बसो भओ है।

कुलुसिऔं 3:11

और अब किसी मै कोई फरक ना है, चाँहे यूनानी होए या यहूदी, चाँहे खतना बारो होए या बिना खतना बारो, चाँहे सैहर को होए या जंगल को, चाँहे गुलाम होए या आजाद। मसी सिगरी बातौं मै सबई सै बढ़कै है और बौ हम सबई मै रैहबै है।