चेलौ के काम 9:2 - बुक्सा

² बानै दमिसक के यहूदी पिराथना घरौ के नाम की चिट्‌ठी माँगी कै जो लोग ईसु मसी के पिच्‍छे चलनै बारे मिलै उनमै सै चाँए बईयरैं हौं या आदमी हौं उन सबई कै बांधकै ऐरूसलेम मै ला सकौं।

चेलौ के काम 9:2 Mawu Ofanana

मत्‍ती 10:17

पर लोगौ सै चौकस रैहऔ, कैसेकै बे तुमकै अदालतौं के हवाले कर दंगे, और अपनी पंचातौ मै तुमकै कोड़ा मारंगे।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

चेलौ के काम 18:25

बाकै परभु की रस्ता को गियान हो, और बौ सच्‍चे दिल सै ईसु के बारे मै अच्‍छे तरीका सै सुनावै और सिकाबै हो, पर बौ सिरप यहून्‍ना के जल संस्कार की बात कै जानै हो।

चेलौ के काम 19:23

बा बखत मै इफिसुस मै परभु की रस्ता के बारे मै दंगा फसाद हो रओ हो।

चेलौ के काम 19:9

पर कुछ अपनी चलानै बारे लोगौ नै बाकी बात ना मानी, और सिगरे लोगौ कै सामने परभु की रस्ता कै गलत बता कै बुरो कैललगे, तबई पौलुस नै चेलौ कै उनसै अगल कर दओ और तुरनुस नाम की एक जघै मै रोज सिक्‍छा देवै हो।

चेलौ के काम 24:14

पर मैं तेरे सामने जा बात कै मान लेबौ हौं कै मैं अपने बापदादौं के परमेसर की आराधना ईसु की रस्ता के हिसाब सै करौ हौं जिसकै जे बेकार कैबै हैं, और जो कुछ मूसा के नियम मै और नबिऔ की किताबौ मै जो लिखो है, उनके ऊपर मैं बिसवास करौ हौं।

चेलौ के काम 24:22

पर फेलिक्‍स जो ईसु की जा रस्ता के बारे मै अच्‍छे तरीका सै जानै हो। बानै जौ कैह कै सुनबाई रोक दई कै, “जब सैनापति लुसियस आगो तबई मैं जा बात को फैसला सुनांगो।”

चेलौ के काम 26:10

और मैंनै ऐरूसलेम मै ऐंसोई करो कै मुक्‍ख पुजारिऔं के धौंरे सै अधकार की चिट्‌ठी लेकै परमेसर के लोगौ कै जेल मै डारो, और जब उनकै जान सै मारै हो तौ मैं बी बा बात मै संग हो।

चेलौ के काम 26:12

“जब मैं मुक्‍ख पुजारिऔं के धौंरे सै अधकार और हुकम ले कै दमिसक सैहर मै जा रओ हो,

चेलौ के काम 6:9

तबई बा यहूदी पिराथना घर मै जिसकै आजाद दास करकै बोलै हे बामै सै कुछ कुरैनी, सिकन्‍दरिया, किलिकिया और एसिया मुलक के लोग सितेफनुस के संग बैहैस बाजी करल लगे।

चेलौ के काम 7:19

बानै हमरे बापदादौं के संग चालाँकी करी और भौत बुरो बरताब करो और उनकै अपने बालकौ कै मारनै के ताँई मजबूर करो जिस्सै कै बे जिन्‍दे ना रैंह।

चेलौ के काम 9:14

और जहाँ बी जौ मुक्‍ख पुजारिऔं की ओर सै अधकार लेकै आओ है कै तेरे नाम मै बिसवास रखनै बारौ कै पकड़कै ले जाऐ।”

चेलौ के काम 9:21

सिगरे सुन्‍नै बारे लोग चौंक गए और कैललगे कै, “का जौ बौई आदमी ना है, जो ऐरूसलेम मै ईसु के नाम लैनै बारौ कै नास करै हो और हिंया बी जौ जाई ताँई आओ हो कै हमकै बांधकै मुक्‍ख पुजारिऔं के धौंरे ले जाऐ?”

2 कुरन्‍थियों 11:32

जब मैं दमिसक मै हो तौ राजा अरितास के राजपाल नै मैंकै पकड़नै के ताँई दमिसकी लोगौ के सैहर मै पैहरो लगबा दओ हो।

गलातिऔ 1:17

और ना ऐरूसलेम मै उनौके धौंरे गओ जो मैंसै पैले भेजे भए चेला हे। मैं तुरन्‍त अरब देस कै चलो गओ और बाद मै दमिसक सैहर मै लौहटकै आ गओ।