चेलौ के काम 7:8 - बुक्सा

⁸ परमेसर नै इब्राहिम के संग खतना की रसम को बादो करो। तबई बाको लौंड़ा इसहाक पैदा भओ, और आठ दिन मै बाको खतना करो और इसहाक सै याकूब और याकूब सै बारैह गोत बने।

चेलौ के काम 7:8 Mawu Ofanana

मत्‍ती 1:2

इब्राहिम को लौंड़ा इसहाक और इसहाक को लौंड़ा याकूब और याकूब को लौंड़ा यहूदा और उसके भईया हे,

यहून्‍ना 7:22

मूसा नै तुमकै खतना को नियम दओ हो। (जौ नियम मूसा को ना हो बलकन तुमरे बापदादौं सै चलतो आ रओ है), और तुम आराम कन्‍नै बारे दिन बालकौ को खतना करौ हौ।

चेलौ के काम 2:29

“ओ मेरे भईयौ, मैं जौ बात पूरे बिसवास के संग कैबौ हौं कै, हमरो पूरबज दाऊद जो मर गओ और बाकै कबर मै दफनाओ गओ, और बाकी कबर आज बी हमरे हिंया है।

रोमियो 4:10

तौ उसकै धरमी कब ठैराओ? का खतना के पैले? या खतना के बाद? बाद मै ना पर उसकै धरमी खतना के पैलेई सै गिनो गओ हो।

गलातिऔ 3:15

भईयौ और बहनौ, अब मैं तुमकै रोजमर्‌रा की जिन्‍दगी सै एक उदाहरन देवौ हौं। देखौ, कोई आदमी किसी के संग एक पक्‍को करारनामो कन्‍नै के बाद, बौ ना तौ बामै कुछ जोड़ सकै है और ना बाकै तोड़ सकै है।

गलातिऔ 3:17

मेरे कैनै को मतलब जौ है कै परमेसर नै इब्राहिम के संग पैलेई करारनामो करो हो। बाकै पूरो कन्‍नै के ताँई बी बादो करो हो। अब बाके चार सौ तीस साल के बाद मै आए नियम बा करारनामे कै और बादे कै मिटा ना सकै हैं।

इबरानिओ 7:4

जरा तुम जा बात मै गौर करौ कै, मलकीसदेक कितनो बड़ो आदमी हो, जिसकै हमरे बुजरग इब्राहिम नै बी जीती भई सबसै अच्‍छी चीजौ को दसमो हिस्सा दओ।