चेलौ के काम 6:3 - बुक्सा

³ इसताँई भईयौ आपस मै सै समजदार और पबित्‍तर आत्‍मा सै भरे भए सात आदमिऔ कै चुन लो कै हम बौ काम उनके हातौ मै सौंप सकैं।

चेलौ के काम 6:3 Mawu Ofanana

मत्‍ती 23:8

पर तुम लोगौ सै अपने आपकै गुरूजी मत किब्बइओ, कैसेकै तुमरो सच्‍चो गुरू तौ बस एकई है और तुम सब सिरप भईया और बहन हौ।

यहून्‍ना 21:23

इसताँई भईयौ मै जौ बात फैल गई कै बौ चेला ना मरैगो। पर ईसु नै बासै जौ ना कैई कै बौ ना मरैगो, बलकन जौ कैई ही, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का?”

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 1:21

“इसताँई जित्‍ते दिन तक परभु ईसु हमरे संग रैहओ, मतलब यहून्‍ना के जल संस्कार सै लेकै बाकै हमरे धौंरे सै सुरग मै ले जाय जानै तक, जो आदमी हमरे संग हे, उनमै सै एक आदमी हमरे संग बाके जी उठनै को गभा बनै।”

चेलौ के काम 10:22

तब उन्‍नै कैई कै, “हमकै बड़े सूबेदार कुरनेलियुस नै भेजो है। बौ परमेसर के भक्‍त और धरमी आदमी है। सिगरे यहूदिऔं मै बाकी बेसानी इज्‍जत है। बाकै पबित्‍तर सुरगदूत नै ऐंसो कैई कै तेकै अपने घर बुलाकै तेसै बचन सुनै।”

चेलौ के काम 15:23

जो चिट्‌ठी उनके हातौ सै भेजी ही बामै जौ लिखो हो कै, अन्‍ताकिया, सीरिया और किलिकिया के गैर यहूदी भईयौ कै भेजे भए चेलौ और बिसवासिऔ की मंडली के मुखियौं की ओर सै नमस्कार।

चेलौ के काम 16:2

लुस्तरा और इकुनिया के बिसवासी लोगौ मै तीमुथियुस की बड़ी इज्‍जत ही।

चेलौ के काम 2:4

और बे सबई पबित्‍तर आत्‍मा सै भर गए और जिस तरै पबित्‍तर आत्‍मा नै उनकै सकति दई बैसेई बे ऐंसी ऐंसी भासाऔ मै बोलल लगे, जिनकै बे जानै तक ना हे।

चेलौ के काम 22:12

“बहाँ मूसा के नियम कै माननै बारो हननियाह नाम को एक भक्‍त आदमी हो। बाकी बहाँ के यहूदी लोगौ मै अच्‍छी इज्‍जत ही।

चेलौ के काम 28:14

बहाँ कुछ बिसवासी भईया हमकै मिले और उन्‍नै हमकै अपने संग रुकनै के ताँई कैई और हम उनके संग सात दिन रुके और इस तरै सै हम रोम मै पौंचे।

चेलौ के काम 6:2

तब उन बारैह भेजे भए चेलौ नै सबई बिसवासी लोगौ कै अपने धौंरे बुलाकै कैई कै, “परमेसर के बचन को परचार छोड़कै लोगौ के खानै पीनै की सेवा कन्‍नी हमरे ताँई सई ना है।

चेलौ के काम 6:5

जौ बात सिगरे बिसवासी लोगौ कै अच्‍छी लगी और उनौनै सितेफनुस नाम के आदमी कै जो बिसवास और पबित्‍तर आत्‍मा सै भरो भओ हो, और फिलिप्‍पुस, परखुरूस, नीकानोर, तिमोन, परमिनास और अन्‍ताकिया के निकुलाऊस कै जिसनै यहूदी धरम अपनार खाओ हो, इन लोगौ कै चुनो।

चेलौ के काम 6:6

इनकै भेजे भए चेलौ नै अपने सामने खड़ो करो, और भेजे भए चेलौ नै अपनो हात उनके ऊपर रखकै पिराथना करी।

चेलौ के काम 9:30

पर जब बिसवासी लोगौ कै जा बात को पतो चलो तौ तबई बे बाकै केसरिया ले जाकै तरसुस जानै के ताँई भेज दओ।

1 कुरन्‍थियों 12:8

कैसेकै परमेसर के आत्‍मा के दुआरा किसी कै बुद्‍धि की बात दंई हैं, और किसी कै बाई आत्‍मा के दुआरा गियान की बात दंई हैं।

1 कुरन्‍थियों 16:3

और जब मैं आंगो, तौ जिनकै तुम चाँहौ हौ उनकै मैं चिट्‌ठी देकै भेज दंगो कै तुमरो दान को पैसा ऐरूसलेम मै पौंचा दैं।

इफिसिऔ 5:18

और सराप पीकै नसेड़ी मत बनौ, कैसेकै इस्सै लुच्‍चे काम की इच्‍छा जगै है। बलकन तुम पबित्‍तर आत्‍मा सै भरते जाऔ।

1 तीमुथियुस 5:10

और जो अपने भले कामौ की बजै सै जानी जाय, और जो अपने बालकौ को अच्‍छे ढंग सै खयाल रक्‍खै, और पौंहनेऔ की अच्‍छे सै सेवा करै और परमेसर के लोगौ के पाँऐ धोए और परेसान लोगौ की सायता करै और हर तरै के अच्‍छे कामौ मै मन लगाऐ।

याकूब 1:17

कैसेकै सबई अच्‍छे और पक्‍के बरदान ऊपर सै हैं, और जे सबई उज्‍जेरे के अब्बा की ओर सै नीचे आबै हैं, और छाँई तौ बदल जावै है पर बौ कबी ना बदलै है।

3 यहून्‍ना 1:12

दमेतियुस के बारे मै हर किसी नै अच्‍छी गभाई दई है। जौई गभाई खुद सच, और हम बी देवै हैं, और तू जानै है कै हमरी गभाई सच्‍ची है।