चेलौ के काम 6:1 - बुक्सा

¹ उस बखत जब चेलौ की संखिया भौत बढ़ल लगी, तब यूनानी भासा बोलनै बारे लोग जौ सिकात करल लगे कै इबरानी भासा बोलनै बारे “हमरी भासा की उन बईयरौं कै जो राँड़ हैं, रोटी दैनै मै कानोबाँटो करै हैं।”

चेलौ के काम 6:1 Mawu Ofanana

मत्‍ती 23:13

“अरे कपटी सास्तरिऔं और फरीसिऔं! तुम्मै धिक्‍कार है। तुम लोगौ के ताँई सुरग के राज को मौहड़ो बन्‍द कर देवौ हौ तुम खुद तौ ना जाबौ हौ पर जो जानो चाँहै है, उनकै रोक देवौ हौ।

चेलौ के काम 11:20

इन बिसवासी लोगौ मै सै कुछ कुपरूस और कुरैन के हे, जो अन्‍ताकिया मै जाकै यूनानी लोगौ कै बी परभु ईसु की अच्‍छी खबर सुनाल लगे।

चेलौ के काम 11:26

जब बौ बासै मिलो तौ तबई बाकै बी अन्‍ताकिया मै लिआओ और बे एक साल तक बिसवासिऔ की मंडली के लोगौ सै मिलते रैहए और भौस्से लोगौ कै सिकाते रैहए और सबसै पैले चेलौ कै अन्‍ताकिया मै “मसी” कैओ गओ।

चेलौ के काम 11:29

तबई चेलौ नै फैसला करो कै यहूदिया मुलक मै बिसवासी भईयौ की सायता के ताँई अपनी कमाई मै सै कुछ भेजैं।

चेलौ के काम 2:41

और जिन आदमिऔ नै बाकी बातौं मै बिसवास करो, उन्‍नै जल संस्कार लओ, और उसई दिन उनके समू मै कम सै कम तीन हजार लोग उनके संग जुड़े।

चेलौ के काम 2:45

और बे अपनी अपनी जमीन जायदात कै बेचकै जैसी जिसकी जरूरत होवै ही बाँट देवै हे।

चेलौ के काम 2:47

और ऐंसे बे लोग परमेसर की बड़ाई करै हे, और सबई लोग उनसै खुस हे। और जिन नए लोगौ कै हर दिन मुक्‍ति मिलै ही उनकै परभु उनके संग मिला देवै हो।

चेलौ के काम 4:4

पर जिन लोगौ नै उनकी बात सुनी उनमै सै भौस्सेऔ नै बिसवास करो और उन लोगौ की गिनती पाँच हजार तक पौंच चुकी ही।

चेलौ के काम 5:14

फिर बी परभु के ऊपर बिसवास कन्‍नै बारे आदमी और बईयरैं जादा सै जादा बढ़ते जा रए हे।

चेलौ के काम 5:28

“हमनै तुमकै जा नाम सै सिक्‍छा ना दैनै को साप-साप हुकम दओ हो, पर तुमनै सिगरे ऐरूसलेम मै जा बात को परचार कर दओ और जा आदमी की मौत के जिम्मेदार बी हमकै ठैरा चुके हौ।”

चेलौ के काम 6:2

तब उन बारैह भेजे भए चेलौ नै सबई बिसवासी लोगौ कै अपने धौंरे बुलाकै कैई कै, “परमेसर के बचन को परचार छोड़कै लोगौ के खानै पीनै की सेवा कन्‍नी हमरे ताँई सई ना है।

चेलौ के काम 6:7

तबई परमेसर को बचन फैलतो गओ और ऐरूसलेम मै चेलौ की संखिया भौत बढ़ती गई। भौस्से यहूदी पुजारिऔं नै बी ईसु मसी मै बिसवास करो।

चेलौ के काम 9:29

और यूनानी भासा बोलनै बारे यहूदी लोगौ कै सिकाल लगो और उनसै बातचीत बी करै हो। पर बे बाकै मारनै की सोचै हे।

चेलौ के काम 9:39

तबई पतरस उनके संग चल दओ और जब बौ पौंचो तौ बे बाकै ऊपर के कमरा मै ले गए, बहाँ सिगरी राँड़ बईयरैं रोते रोते पतरस के धौंरे आँई और जो कुरता और लत्‍ता दोरकास नै उनके संग रैहते भए बनाए हे, जब बौ जिन्‍दी ही; बे पतरस कै दिखाल लगीं।

चेलौ के काम 9:41

तबई पतरस नै अपनो हात देकै बाकै खड़ो करो और बिसवासी लोगौ कै और राँड़ बईयरौं कै बुलाकै बाकै उनके सामने जिन्‍दो खड़ो कर दओ।

रोमियो 12:7

अगर जिसकै सेवा को बरदान मिलो है, तौ बौ सेवा मै लगो रैह, और अगर किसी कै सिकानै को बरदान मिलो है तौ बौ सिकातो रैह।

1 कुरन्‍थियों 10:10

ना तुम परमेसर कै कुड़कुड़ाऔ, जैसो कै उनमै सै भौस्सेऔ नै करो, और नास कन्‍नै बारे सुरगदूत नै उनको नास करो।

2 कुरन्‍थियों 11:22

इबरानी सिरप बेई ना हैं, मैं बी हौं। ईसराइली बेई ना हैं, मैं बी हौं। और इब्राहिम के खानदान के बेई ना हैं, पर मैं बी हौं।

फिलिप्‍पीऔ 3:5

जब मेरो खतना भओ तौ मैं आठ दिन को हो; ईसराइल के खानदान और बिन्यामीन गोत को हौं, इबरानिओ को इबरानी हौं, और अगर नियम के बारे मै कैंऐ तौ मैं फरीसी हौं।

1 तीमुथियुस 5:3

जिन राँड़ बईयरौं को कोई ना है उनकी इज्‍जत करौ।

1 तीमुथियुस 5:9

सायता की परची मै बाई राँड़ बईयर को नाम लिखो जाय जो साठ साल सै कम की ना होए और बौ एकई लोग की बईयर रैह चुकी हो।

इबरानिओ 13:1

तुम्मै भईया और बहनो को पियार बनो रैह।

याकूब 1:27

हमरे परम पिता परमेसर की नजरौ मै सुद्‍द और बिना दोस की भक्‍ति जौ है, कै मुसीबतौं मै पड़े अनाथौं और राँड़ौ की सायता करौ, और दुनिया के कलंक सै खुद कै बचाए रक्‍खौ।

याकूब 4:5

का तुम पबित्‍तर सास्तर की जा लिखी भई बात कै बेकार समजौ हौ? जो आत्‍मा परमेसर नै हमरे भीतर दई है, बौ हम सै पूरी इच्‍छा रक्‍खै है कै हम बिसवासजोग बने रैह।

याकूब 5:9

हे भईयौ, एक दूसरे के खिलाप कुड़कुड़ाऔ ना, जिस्सै कै तुम दोसी ना बन जाऔ। देखौ, नियाय कन्‍नै बारो मौहड़े मैई खड़ो है।