चेलौ के काम 5:34 - बुक्सा

³⁴ तबई गमलीएल नाम को एक फरीसी आदमी खड़ो भओ जो सास्तर को गियानी हो और सिगरे लोग बाकी इज्‍जत करै हे बानै कैई कै, थोड़ी देर के ताँई इनकै बाहार ले जाऔ।

चेलौ के काम 5:34 Mawu Ofanana

लूका 2:46

और तीन दिन के बाद उनौनै बौ मन्‍दर मै गियानिऔ के बीच बैठो भओ, उनकी बात सुनते और उनसै सबाल करतो भओ मिलो।

लूका 5:17

ऐंसो भओ कै एक दिन जब ईसु उपदेस देरओ हो तौ बहाँ फरीसी और यहूदी सास्तरी बी बैठे हे। जो गलील और यहूदिया के हर एक गामौ सै और ऐरूसलेम सै आए हे, पर परभु की सकति लोगौं के ठीक कन्‍नै के ताँई ईसु के संग ही।

यहून्‍ना 3:10

ईसु नै उसकै जबाब देते भए कैई, “तू ईसराइलिऔ को गुरू होकै बी का तू इन बातौं कै ना समजै है?

चेलौ के काम 22:3

“मैं तौ एक यहूदी आदमी हौं जो किलिकिया के तरसुस मै पैदा भओ, पलो और ऐरूसलेम मै गमलीएल के धौंरे पढ़ो और अपने बापदादौं के नियमौ कै अच्‍छे सै सीको। मैं बी परमेसर को ऐंसो भक्‍त हौं जैसे तुम अब हौ।

चेलौ के काम 4:15

तबई उनौनै पतरस, यहून्‍ना और बा आदमी कै सभा सै बाहार जानै के ताँई कैई और आपस मै सोचकै जौ बातचीत करल लगे कै,

चेलौ के काम 5:21

जौ बात सुनकै बे सकारे पड़े मन्‍दर मै जाकै लोगौ कै उन बातौं कै सिकाल लगे। बड़ो पुजारी और बाके सातिऔं नै आकै यहूदी और ईसराइल के लोगौ कै इखट्‍टो करो, और जेल मै भेजे भए चेलौ कै लैनै के ताँई आदमी भेजे।

चेलौ के काम 5:27

बे भेजे भए चेलौ कै भीतर लिआए और यहूदी सभा के सामने खड़े कर दए और बड़े पुजारी नै उनसै कैई,

चेलौ के काम 5:35

तबई बानै कैई कै, “हे ईसराइली लोगौ, जो कुछ तुम इन आदमिऔ के संग कन्‍नै की सोचौ हौ बौ सोच समजकै करिओ।