चेलौ के काम 5:2 - बुक्सा

² और जो पैसा मिलो हो बामै आपस मै सला करकै कुछ रख लओ और बाकी को हननियाह नै भेजे भए चेलौ के पाँऐऔं मै रक्‍खो।

चेलौ के काम 5:2 Mawu Ofanana

मत्‍ती 23:5

बे सैरे काम इसताँई करै हैं कै लोग उनकै देखैं। बे अपने ताबीजौ और लत्‍तौ की झालरौं कै इसताँई बड़े सै बड़ी करते रैहबैं हैं जिस्सै लोग उनकै धरमात्‍मा समजैं।

यहून्‍ना 12:6

बानै जौ इसताँई ना कैई कै बाकै गरीबौ की फिकर ही, पर इसताँई कै बौ चोर हो, और बाके धौंरे रुपियौ की थैलिया रैहबै ही, और बामै सै चुरा लेबै हो।

चेलौ के काम 2:44

और सबई बिसवास कन्‍नै बारे लोग इखट्‍टे रैहबै हे और उनके धौंरे जो कुछ हो, बाकै बे सबई आपस मै बाँट लेबै हे।

चेलौ के काम 4:37

बाकी थोड़ी सी जमीन ही और बाकै बेचकै जो रकम मिली ही बानै बौ भेजे भए चेलौ के पाँऐऔं मै रख दई।

चेलौ के काम 5:1

हननियाह नाम के एक आदमी नै अपनी बईयर सफीरा के संग मिलकै एक खेत बेचो,

चेलौ के काम 5:3

जा बात के ऊपर पतरस नै बासै कैई, “हे हननियाह, सैतान नै तेरे मन मै जौ बात काए डारी कै तू पबित्‍तर आत्‍मा सै झूँट बोलै, और खेत के पैसा मै सै कुछ बचाकै रख लै?

चेलौ के काम 5:8

तबई पतरस नै बासै कैई, “तू मैंकै बता कै का जौ खेत इत्‍तेई पैसौ मै बिको हो?” बानै कैई, “हाँ इत्‍तेई मै बिको हो।”

फिलिप्‍पीऔ 2:3

मतलबी और बेकार के घमंड से कुछ काम ना करौ पर दीनता सै एक दूसरे कै अपने सै अच्‍छो समजौ।

1 तीमुथियुस 6:10

कैसेकै पैसा को लालच हर तरै की बुराई की जड़ है, और कुछ लोग सेट बन्‍नै के लालच मै आकै बिसवास सै भटक गए और बे भौत दुख झेलै हैं।