चेलौ के काम 5:14 - बुक्सा

¹⁴ फिर बी परभु के ऊपर बिसवास कन्‍नै बारे आदमी और बईयरैं जादा सै जादा बढ़ते जा रए हे।

चेलौ के काम 5:14 Mawu Ofanana

चेलौ के काम 11:24

बरनबास एक अच्‍छो आदमी हो और बौ पबित्‍तर आत्‍मा और बिसवास सै भरो भओ हो। तबई और बी भौस्से लोगौ नै परभु मै बिसवास करो।

चेलौ के काम 2:41

और जिन आदमिऔ नै बाकी बातौं मै बिसवास करो, उन्‍नै जल संस्कार लओ, और उसई दिन उनके समू मै कम सै कम तीन हजार लोग उनके संग जुड़े।

चेलौ के काम 2:47

और ऐंसे बे लोग परमेसर की बड़ाई करै हे, और सबई लोग उनसै खुस हे। और जिन नए लोगौ कै हर दिन मुक्‍ति मिलै ही उनकै परभु उनके संग मिला देवै हो।

चेलौ के काम 22:4

ईसु कै माननै बारे लोगौ कै मैंनै ऐंसो सताओ कै का आदमी और का बईयरैं दौनौ कै जेल मै डार दओ और कुछ कै मरवा दओ।

चेलौ के काम 4:4

पर जिन लोगौ नै उनकी बात सुनी उनमै सै भौस्सेऔ नै बिसवास करो और उन लोगौ की गिनती पाँच हजार तक पौंच चुकी ही।

चेलौ के काम 6:7

तबई परमेसर को बचन फैलतो गओ और ऐरूसलेम मै चेलौ की संखिया भौत बढ़ती गई। भौस्से यहूदी पुजारिऔं नै बी ईसु मसी मै बिसवास करो।

चेलौ के काम 8:12

पर जब उन्‍नै परमेसर के राज और ईसु मसी के बारे मै फिलिप्‍पुस सै अच्‍छी खबर सुनकै बाकी बातौं मैं बिसवास करो और का बईयरैं का आदमी सिगरे जनी जल संस्कार लेल लगे।

चेलौ के काम 8:3

साऊल बिसवासिऔ की मंडली के लोगौ कै मारल लगो और बौ घर घर जाकै आदमी और बईयरौं कै खचेड़ खचेड़ कै जेल मै डारल लगो।

चेलौ के काम 9:2

बानै दमिसक के यहूदी पिराथना घरौ के नाम की चिट्‌ठी माँगी कै जो लोग ईसु मसी के पिच्‍छे चलनै बारे मिलै उनमै सै चाँए बईयरैं हौं या आदमी हौं उन सबई कै बांधकै ऐरूसलेम मै ला सकौं।

चेलौ के काम 9:31

इस तरै सै सिगरे यहूदिया, गलील और सामरिया के बिसवासिऔ की मंडली के लोगौ कै चैन मिलो और बे परभु को डर मानते भए और पबित्‍तर आत्‍मा की सायता सै उनकी तरक्‍की, और संखिया बढ़ती गई।

चेलौ के काम 9:35

तबई लुद्‍दा और सारोन के सबई रैहनै बारे लोगौ नै बाकै सई देक्‍कै परभु मै बिसवास करो।

चेलौ के काम 9:42

जौ बात सिगरे याफा मै फैल गई और भौस्से लोग परभु मै बिसवास करल लगे।

2 कुरन्‍थियों 6:15

का मसी और सैतान को कोई मेल-जोल हो सकै है? बिसवासी को अबिसवासी सै का साजो?

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।