चेलौ के काम 5:11 - बुक्सा

¹¹ तबई सैरे बिसवासिऔ की मंडली के लोगौ मै और जितनौ नै जा बात के बारे मै सुनो हो सबई के ऊपर डर छा गओ।

चेलौ के काम 5:11 Mawu Ofanana

चेलौ के काम 19:17

जा बात को पतो इफिसुस के सिगरे यहूदी और यूनानी लोगौ कै लगो और जौ बात सुनकै बे डर गए और परभु ईसु के नाम की और बी बड़ाई करल लगे।

चेलौ के काम 2:43

और सबई लोगौ मै डर छा गओ, कैसेकै भेजे भए चेलौ नै बड़े-बड़े चमत्कार के काम और चिन्‍न दिखाए हे।

चेलौ के काम 5:5

जौ बात सुनकै हननियाह गिर पड़ो और मर गओ। और जौ बात जिन लोगौ नै सुनी ही बे भौतई डर गए हे।

चेलौ के काम 9:31

इस तरै सै सिगरे यहूदिया, गलील और सामरिया के बिसवासिऔ की मंडली के लोगौ कै चैन मिलो और बे परभु को डर मानते भए और पबित्‍तर आत्‍मा की सायता सै उनकी तरक्‍की, और संखिया बढ़ती गई।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

इबरानिओ 11:7

बिसवास की बजै सैई परमेसर नै नूह कै जब उन बातौं की चितौनी दई जो नूह नै ना देखी ही, तब बानै बातौं कै मानकै अपने टब्बर कै बचानै के ताँई एक पानी को जिहाज बनाओ। बाके बिसवास के दुआरा बानै दुनिया कै दोसी ठैराओ और बा बिसवास सैई बौ धारमिकता को बारिस बनो।

इबरानिओ 12:15

धियान सै रैहईओ ऐंसो ना होए कै कोई बी परमेसर की किरपा सै छुट जाय, और कोई करई जड़ फटकै तुमरे ताँई मुसीबत लाय और जिसकी बजै सै भौस्से लोग अपबित्‍तर हो जावै हैं।

इबरानिओ 12:28

जो राज हमकै मिलो है बाकै हलाओ ना जा सकै है, इसताँई हमकै बा किरपा कै अपने हात सै ना जान देनो है जिसकी बजै सै हम भक्‍ति और डर के संग परमेसर की आराधना करैं जिस्सै बौ खुस होवै है।

इबरानिओ 4:1

इसताँई जब तक परमेसर की ठैराई भई आराम कन्‍नै की जघै मै जानै को बादो अबी बी बनो भओ है तब तक हमकै चौकस रैहनो चँईऐ जिस्सै कै कोई बी आदमी बा बादे सै छुट ना जाऐ।

1 पतरस 1:17

और अगर तुम, हर एक के करमौ के हिसाब सै बिना भेदभाब के नियाय कन्‍नै बारे परमेसर कै, हे अब्बा, कैह कै बुलाबौ हौ, तौ तुमकै अपनी जिन्‍दगी परदेसी के हाँई डरते भए काटनी चँईऐ।

परकासन 15:4

हे परभु, एक तुई है जिस्सै सब लोग डरैं हैं, और तेरो नाम लेकै सब जनी तेरी बड़ाई करै हैं। कैसेकै तुई पबित्‍तर है, और सिगरी जातिऔं के लोग आकै तेरी आराधना करै हैं, कैसेकै तेरे नियाय के काम सबके सामने परकट होवै हैं।