चेलौ के काम 4:34 - बुक्सा

^34-35 उनमै सै किसी कै बी कुछ की कमी ना ही कैसेकै जिस किसी के धौंरे खेत या घर होवै हे, तौ बे उनकै बेचकै जित्‍ती रकम मिलै ही बाकै भेजे भए चेलौ के पाँऐऔं मै रख देवै हे। और जिसकै जैसी जरूरत होवै ही बैसेई उनकै बाँट देवै हे।

चेलौ के काम 4:34 Mawu Ofanana

मत्‍ती 19:21

ईसु नै उस्सै कैई, “अगर तू सिद्‍द होनो चाँहै है, तौ जा, अपनो सब कुछ बेचकै गरीबौ मै बाँट दे, और तेकै सुरग मै धन मिलैगो, और आकै मेरे पीछे हो ले।”

मरकुस 10:21

उसकै देखकै ईसु कै पियार आओ और उसनै कैई, “तैमै अबी बी एक बात की कमी है। जा, जो कुछ तेरो है उसकै बेचकै गरीबौ मै बाँट दे तौ तेकै सुरग मै धन मिलैगो, और आकै मेरे पीछे हो ले।”

लूका 12:33

अपनी सैरी धन-दौलत बेचकै धन गरीबौ मै बाँट दो, अपने धौंरे ऐंसे झोला रक्‍खौ जो पुराने ना पड़ैं और सुरग मै ऐंसो धन इखट्‍टो करौ जो घटै ना है और जिसके धौंरे चोर बी ना जा सकै है, और नाई उसकै कीड़ा-मकोड़ा खा सकै हैं।

लूका 16:9

और मैं तुमसै कैरओ हौं, इस बुरी दुनिया के धन-दौलत सै अपने ताँई दूसरौं कै दोस्त बनाऔ, ताकि जब तुमरी धन-दौलत किसी काम की ना रैहगी तब तुमरो सुआगत सुरग मै होगो।

लूका 22:35

फिर ईसु नै अपने चेलौ सै कैई, “मैंनै तुमकै जब बिना बटुआ, बिना झोला या बिना चप्‍पलौ के भेजो हो तौ का तुमकै किसी चीज की कमी रैहई ही?” उनौनै कैई, “किसी चीज की ना।”

चेलौ के काम 2:45

और बे अपनी अपनी जमीन जायदात कै बेचकै जैसी जिसकी जरूरत होवै ही बाँट देवै हे।

चेलौ के काम 4:37

बाकी थोड़ी सी जमीन ही और बाकै बेचकै जो रकम मिली ही बानै बौ भेजे भए चेलौ के पाँऐऔं मै रख दई।

2 कुरन्‍थियों 8:14

हमरी इच्‍छा जौ है कै, अगर तुमरे धौंरे भौस्सो है, तौ बौ उनकी कमी कै पूरी कन्‍नै के ताँई काम मै आय, जिस्सै कै आनै बारे बखत मै उनके धौंरे बी जादा हो जाय और बे बी तुमरे काम मै आँए कै सबई बराबर हो जाँय।

1 थिसलुनीकियौ 4:12

कै जो लोग बिसवासी ना हैं तौ बे तुमरो बरताब देक्‍कै तुमरी इज्‍जत करंगे। तुमकै किसी चीज के बारे मै किसी सै पूँछनै की जरूरत ना है।

1 तीमुथियुस 6:19

इस तरै सै अपनी अग्गे की जिन्‍दगी के ताँई जा खजाने कै जोड़ौ, जो एक अच्‍छी मजबूत बुनियाद बनैगो। जाई सै बे सच्‍ची जिन्‍दगी कै थामे रैहंगे।

याकूब 1:27

हमरे परम पिता परमेसर की नजरौ मै सुद्‍द और बिना दोस की भक्‍ति जौ है, कै मुसीबतौं मै पड़े अनाथौं और राँड़ौ की सायता करौ, और दुनिया के कलंक सै खुद कै बचाए रक्‍खौ।