चेलौ के काम 4:31 - बुक्सा

³¹ जब बे जौ पिराथना कर चुके हे, तौ बौ जघै जहाँ बे इखट्‍टे हे हल गई, और पबित्‍तर आत्‍मा सै भरकै, परमेसर को बचन हिम्मत के संग सुनाते रैहए।

चेलौ के काम 4:31 Mawu Ofanana

मत्‍ती 21:22

और जो कुछ तुम पिराथना मै बिसवास सै माँगौगे बौ सबई कुछ तुमकै मिलैगो।”

यहून्‍ना 14:12

“मैं तुमसै सच-सच कैबौ हौं, कै जो मेरे ऊपर बिसवास करै है, बे काम जो मैं करौ हौं, बौ बी करैगो और इनसै बी महान काम करैगो, कैसेकै मैं अब्बा के धौंरे जा रओ हौं।

यहून्‍ना 15:16

तुमनै मैं ना चुनो, पर मैंनै तुम चुने और तुमकै ठैराओ बी है, कै तुम फल लाऔ और तुमरो फल बनो रैह, कै तुम मेरे नाम सै जो कुछ अब्बा सै माँगौ बौ तुमकै देगो।

यहून्‍ना 15:7

अगर तुम मैंई मै बने रौह, और मेरे बचन तुम्मै बने रैंह तौ जो चाँहे माँगौ, बौ तुमरे ताँई हो जागो।

चेलौ के काम 14:3

पौलुस और बरनबास भौस्से दिन तक बहाँ रैहए और परभु के बारे मै बिना डरे लोगौ कै कैते रैहए। उनके हातौ सै परभु चिन्‍न और चमत्कार के कामौ कै करबाबै हो और अपने किरपा को सबूत देवै हो।

चेलौ के काम 2:1

जब पिन्‍तेकुस तौहार को दिन आओ तौ सबई बिसवासी लोग एक जघै मै इखट्‍टे भए।

चेलौ के काम 2:2

तबई अचानक आसमान मै सै बड़ी तेज आँधी के हाँई अबाज सुनाई दई और जिस घर मै बे बैठे हे, बामै भर गई।

चेलौ के काम 2:4

और बे सबई पबित्‍तर आत्‍मा सै भर गए और जिस तरै पबित्‍तर आत्‍मा नै उनकै सकति दई बैसेई बे ऐंसी ऐंसी भासाऔ मै बोलल लगे, जिनकै बे जानै तक ना हे।

चेलौ के काम 4:13

जब उनौनै पतरस और यहून्‍ना की हिम्मत देखी और जौ पतो लगो कै जे अनपड़ और सीदे सादे लोग हैं, तौ उनकी आँख फटी की फटी रैह गंई, फिर उनकै पतो चलो कै जे ईसु मसी के संग रैहबै हे।

चेलौ के काम 4:29

हे परभु, अब, तू उनकी धमकिऔं के ऊपर धियान दे और अपने सेवकौ कै बौ सकति दे जिस्सै बे तेरे बचन कै हिम्मत के संग सुना सकैं।

फिलिप्‍पीऔ 1:14

मेरे जेल जानै की बजै सै भौस्से बिसवासिऔ नै परभु मै भरोसो करते भए, परमेसर के बचन कै बिना डरे, और बी जादा हिम्मत के संग सुनाऔ हैं।

फिलिप्‍पीऔ 1:20

मेरी इच्‍छा और आस जौई है कै चाँहे मैं मरौं या जिन्‍दो रैहऔ मेरी किसी बात मै बेजती ना होए, पर मेरे सरीर सै हमेसा पूरी हिम्मत के संग मसी की महिमा होती रैहऐ जैसी हमेसा होवै है, और अब्बी हो रई है।

याकूब 1:5

अगर तुम्मै सै किसी मै समज की कमी होए, तौ परमेसर सै माँगै, कैसेकै बौ सबई कै बिना डाँटे दिल खोलकै देवै है।